(+994) 050 678 37 80
(+994) 070 534 65 52

qaynar xətt

“Qurban Qurbanovun millidən uzaqlaşdırılması səhv idi”

“Qurban Qurbanovun millidən uzaqlaşdırılması səhv idi”

Onun futbol azarkeşi olduğu heç kimə sirr deyil. Elə söhbətimizi də məhz futbola, daha dəqiq desək, milli komandamızın son iki oyununa həsr etdik.

Beləliklə, suallarımızı tanınmış müğənni, əməkdar artist Baloğlan Əşrəfov cavablandırır.

- Baloğlan müəllim, istərdim ki, əvəlcə futbol millimizin son iki oyunu barədə danışaq.
- Xorvatiya ilə oyuna baxmışam, amma Litvayla yoldaşlıq görüşünü İranda qastrolda olduğum üçün izləyə bilmədim. Futbol oynamasam da, əlli illik azarkeşlik təcrübəm var. Hətta sovet dövründə "Neftçi"nin oyununa gəlmək üçün deyirdim ki, guya Bakıda toyum var. Mənim sözüm "Quran" ayəsi deyil. Amma birinci oyuna görə deyə bilərəm ki, məşqçi dəyişikliyi nətəcini dəyişməyəcək. Hətta dünyanın ən güclü məşqçisini də milli komandamıza təyin etsən, əgər futbolçularımızın fiziki durumu, sürəti, texnikası geri qalırsa, məşqçi bədbəxtin balası heç nə edə bilməyəcək. İlk növbədə uşaq futbolu inkişaf etdirilməlidir ki, nəticə qazana bilək. Elə bil xarici oyunçular "Mersedesdir, bizimkilər "Jiqulu". Nə də etsən xeyri olmayacaq axı. Hər şey bünövrədən, kökdən başlayır. Futbolçuları qınamıram, əllərindən gələni etdilər. On beş dəqiqədən artıq sürətli oynaya bilmirəm. Bir məsələyə də münasibət bildirmək istərdim. Bizdə bəzi futbolçular barədə mif yaranıb. Nazarovun oyununa baxdınmı?

- Bəli, imkanlarından aşağı səviyyədə çıxış etdi...
- Zəif oynayırsa, niyə mütləq əsas heyətdə oynamalıdır? Buna deyirlər, kor tutduğunu buraxmır.

- Kimlərin oyununu nisbətən bəyəndiniz?
- Onlar öz oyunçularımızla oynasa, fərqi hiss edə bilərəm. Amma Xorvatiyada dünya şöhrətli oyunçuların qarşısında nəsə etmək mümkün deyil. Mən oyuna baxanda bizimkilər qolu təzəcə vurmuşdular. Özüm də dəhşətə gəldim ki, bizimkilər xorvatlara qolu necə vurublar? Sevindim ki, Azərbaycan doğrudanmı Xorvatıyaya qol vura bilib?

- Sizcə, yenə də nəticə məğlubiyyət olacaqdısa, Qurban Qurbanovun millidən uzaqlaşdırılması kimlərə lazım idi?
- Bunlar elə şeylərdir ki, onları dilimə gətirə bilmərəm. Niyə məni məhkəməyə verib desinlər ki, bu bizim şəxsi işimizə qarışır. Əlbəttə, Qurban Qurbanov milli futbol mətbəximizi bilir, kimin necə oynadığını bilir. Xarici məşqçilər gedəndən sonra deyirlər ki, filan qədər məvacib alırdıq. Yurçeviç Qurbanovdan yaxşı məçqçidirsə, hanı nəticə? Ayıb deyil?

- Yurçeviç daha çox köməkçi məşqçi işləyib. Yalnız Zaqreb "Dinamo"sunda baş məşqçi kimi çalışıb.
- Xaricdən gələn məşqçilərin içində o qədər "bezdarnı" məşqçi var ki.

- Sizcə, Qurban Qurbanova daha bir il şans vermək olmazdımı?
- Qardaşım, mən azarkeşəm, öz hüququmu tələb edirəm. Məni kimin nə maxinasiya etdiyi, hansı hoqqalardan çıxdığı maraqlandırmır. İstəyirəm ki, millətimin komandası xaricdən gələn zir-zibil məşqçilərin əlində qalmasın. İki ildən bir məşqçi dəyişərlər? Ayıb deyil? Qurban Qurbanovun millidən uzaqlaşdırılmasının qəti əleyhinə idim. Bunu təcrübəli azarkeş kimi deyirəm. Əgər Qurbanov pis məşqçi olsaydı, dünyanın adlı-sanlı komandası ilə mübarizə apara bilməzdi. Doğrudur, "Qarabağ"da legionerlər var, amma ona vaxt verilsəydi yaxşı işlər görəcəkdi. Əlinin papağını Vəlinin başını qoymaqla futbol olmaz, belə davam edə bilməz. Bir şeyi formalaşdırmaq üçün vaxt lazımdır. Qurban Qurbanovun necə mütəxəssis olduğunu hər kəs bilir.

- AFFA-nın baş katibi Elxan Məmmədov bildirib ki, millimizdən belə intizamlı oyun gözləmirmiş. Amma cəmi 2-3 gün sonra Macarıstan millisi xorvatları məğlub etdi və hazırda qrupumuzda sıfır xalla sonuncu pillədəyik. Ümumiyyətlə, bu qrupda bizim perspektivimizi necə görürsünüz?
- Millinin oyunçularını da tanıyıram, oyunlarına da, texnikalarına da bələdəm. Ola bilər ki, kim üçünsə millimizin uğur qazanacağı inandırıcı görünə bilər. Atamın ruhuna and olsun ki, xeyri yoxdur, bu işlə ciddi və peşəkar səviyyədə məşğul olmaq lazımdır. Hər şey uşaq futbolunun inkişafından başlayır. Mən məhəllədən uşaq yığaram, on beş dəqiqə oynayarlar, sonra bitdi.

- Sizcə, milli çempionatdakı komandaların sayının azalması da millinin oyununa təsirsiz ötüşmür. Hər halda, əvvəl çempionatımızda "Xəzər Lənkəran", "Kəpəz", Bakı" kimi güclü klublar çıxış edirdi...
- AFFA-nın çox məsul işçilərindən biri illər öncə mənə demişdi ki, əgər "Xəzər Lənkəran" çempionatdan uzaqlaşsa, sən Azərbaycan çempionatından bir şey gözləmə, rəqabət olmayacaq. Lənkəranın stadionun hər oyunda tam dolurdu, çox gözəl azarkeşləri var idi. Əlbəttə, rəqabət olmayandan sonra milli də bu vəziyyətdə olacaq.

- Bu il çempionatımızda əsas mübarizə "Qarabağ" və "Neftçi" arasında gedir. Kimi daha şanslı görürsünüz?
- Hər zaman Qurban Qurbanovun məşqçilik və təşkilatçılıq bacarığına inanmışam. İnanmıram ki, Qurban Qurbanov şansı əldən verə. "Qarabağ" bu il də çempion olacaq. (Sportinfo)


 
tarix: 29-03-2019 12:58


 
Xəbər lenti
11.12.2019

02:17   “İnter”lə “Ayaks” Çempionlar Liqası ilə vidalaşdı

10.12.2019

22:00  Beqoviç: “Qarabağ”a verdiyim sözə görə güclü klublara “yox” dedim”

21:55  “Sabah”ın baş məşqçisi: “Mən adlara önəm verən deyiləm” - VİDEO

21:46  Rəhim Həsənov: “Frits Stuxliklə münasibətlərimiz yaxşı deyil”

21:27  İlin ən yaxşı futbolçusu Trampı “manyak” adlandırdı

19:06  “Roma”nın sabiq futbolçusu həbs oluna bilər

17:54  Millimizin üzvü cəzalı duruma düşdü

17:25  Messi zirvədə, Ronaldo “20-lik”dən kənarda

17:00  UEFA-da AÇ-2020 ilə bağlı seminarlar

16:42  Paytaxt klubunda 2 itki

16:20  1/4 finalın cavab oyunlarının vaxtı açıqlandı

16:00  Süleymanov Xəlilzadəyə çatdı

15:41  Rauf Əliyevin hesabatı və milyon avroluq “qurban”

15:24  Messi: 8 ildən sonra ilk dəfə

15:04  Əliyar Ağayev Kiyev “Dinamo”sunun oyununda

14:40  Turun ən yaxşısı “Qarabağ”lı oldu

14:26  “Neftçi”nin 5 futbolçusu rəmzi komandada - FOTO

14:05  "Neftçi"nin yeni sponsoru hər il 100 min manat xərcləyəcək

13:51  “Qarabağ” - “Düdelanj” matçının hakimləri açıqlandı

13:43  “Qalatasaray” PSJ ilə oyuna ciddi itkilərlə çıxacaq

13:21  Adrian Skarlatake ilkə imza atıb, 40-cı oldu

13:02  80-ci qələbə

12:48  “Bakıya tez getmək üçün UEFA-dan icazə aldıq”

12:32  İsveçrə millisi Bakı proqramını açıqladı

12:15  “Qarabağ”ı keçsək, sürpriz olacaq” – “Keşlə”nin müdafiəçisi

12:00  “Traktor”da növbəti ayrılıq

11:46  Rüfət Dadaşovdan Almaniyada növbəti qol - VİDEO

11:33  APOEL Tomas Dollu istefaya göndərdi

11:16  Öncə Qurbanov, sonra Krasson

11:00  Evində yıxıldı, ili erkən başa vurdu - “Borussiya”nın futbolçusu

10:40  36 futbolçuya bəraət, klub prezidentinə həbs - Danışılmış oyunlara görə 

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az