(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
“Səfehlər günü”ndə ağ yalan və qara böhtan - GÜNDƏM

“Səfehlər günü”ndə ağ yalan və qara böhtan - GÜNDƏM

Baş katibin mükafat haqda fikirləri ilə Ümumdünya gülüş günündə tanış olanlardan çoxunun bunu zarafat saydığına əminəm. Nə yazıq ki, bunun zaraftla əlaqəsi yoxdu. Hə, Elxan Məmmədov Litva ilə Bakıda 0:0 hesablı heç-heçəyə razılaşan milli üzvlərinin hərəsinə 5 min manat pul verildiyini etiraf edib.

Məsələdən xəbəri olmayanlar üçün yenə təkrar edək: FİFA reytinqində Azərbaycan millisindən 30 pillə geridə - 138-ci yerdə olan Litva ilə matçdakı bərabərliyə görə yığmadakı futbolçuların AFFA tərəfindən mükafatlandırılması media və sosial şəbəkələrdə kəskin etirazla qarşılanıb. Futbol qurumunu və "vəzir”i qamçılayan jurnalistlər, səriştəsiz idarəçilikdən cana doyan xalq fakta bacardığı şəkildə təpki göstərib.

Adam maaş almayan milli üzvlərinin heç-heçə və bərabərliyə görə həmişə pul aldığını qabardıb, bunun əvvəlki baş məşqçilərin də dönəmində eyni qaydada həyata keçirildiyini dilə gətirib. Öncə Məmmədovun futbolun dünənindən xəbərdar, stajlı futbol adamlarına danışdığı ağ yalana diqqət yetirək:

"Bir mütəxəssis demişdi ki, milliyə mükafat veriləndə burada stimullaşdırma faktoru nəzərə alınır. Mən də bunu etiraf edirəm. Futbolçular milliyə gələndə onlara gündəlik ezamiyyət xərcləri ödənilir, amma maaş olmur. Ona görə də yaxşı nəticə qeydə alınanda, qələbə və heç-heçə olanda biz çalışırıq ki, onları mükafatlandıraq. Bu, futbolçulara maliyyə dəstəyi göstərmək üçün yeganə imkandır. Amma təbii ki, mükafat ancaq və ancaq qələbə və heç-heçəyə görə tətbiq olunur”.

Azərbaycan seçməsinə 2008-ci il 6 sentyabr tarixində Uelsə səfərdə 0:1 hesabıyla uduzduğu matçdan sonra mükafat verilib. Baş katibin öz yaddaşında işlərinin çoxluğu ilə əlaqədar problem yaranıbsa, AFFA-ya yığdığı "uçeniklər”indən soruşa bilər. Mən birini xatırlatdım, amma bu, yeganə fakt deyil.

Əlbəttə, millidə top qovmaq hər futbolçu üçün xüsusi missiyadı. Litva önünə 9 "milliləşdirilmiş” futbolçuyla çıxan seçməmizdə milli rəmzlər, bayraq, milli ruh, vətən təəssübkeşliyi adlı anlayışların nə səviyyədə olduğunu yenidən xırdalamağa, gülüş günündə darğın ruhları sızlatmağa dəyməz. Deməli, pul milli ruhu olmayan yığma üçün yeganə motivasiya mənbəyidi. Niyə ingilisdə, fransızda, kosovoluda olan o ruhdan bizdə yoxdu? Mentallıq, yerli psixologiya amilini heç vaxt nəzərə almayan elxan məmmədovlar bilər…

Mənim bildiyim odur ki, mükafat faktını etirazla qarşılayan qələm əhlinə və sadə azarkeşlərə böhtan atan (futbol məmuru müzakirələrin süni şəkildə yaradıldığını söyləyib) Elxan bəy indiki postunda olduğu dönəmdə yığma heç bir ciddi uğura imza atmayacaq. Litva ilə öz meydanında "quru” heç-heçə edən komandanın üzvləri pul yox, hərəyə 5000 kəlməlik danlaq almalıydı. Neftin xalqa çatmayan pullarının hayında deyiləm. Ən azı azarkeşlərə hörmət, futbol ictimaiyyətinin sağlam fikirli nümayəndələrinə sayğı, milli rəmzlər və mentallıq xatirinə.

P.S.Böyük Britaniyada 1 aprel gülüş yox, "səfehlər günü” adlandırılır.

Nihat Ağasoy, fanat.az


 
tarix: 01-04-2019 21:36


 
Xəbər lenti
23.07.2019

00:30   Premyer Liqada yay bazarlığı - YENİLƏNİR

22.07.2019

21:41  “Neftçi” Tulaya nə vaxt gedəcək?

19:15  Meza Kolli rəsmən “Keşlə”də

18:20  Azərbaycanda daha bir klub dağıldı

17:41  Millimizin 3 futbolçusu Rusiya klubunda - RƏSMİ

17:15  “Portu”dan ayrılan futbolçu Qətər klubunda

16:50  Avroliqada 3-cü təsnifat mərhələsinin püşkü atıldı

16:35  “Qarabağ” İrlandiyaya yola düşdü

16:18  “Qəbələ” üçün “Feyenoord”, “Neftçi” üçün “Bney Yehuda”

15:51  “Arsenal” - “Neftçi”: Mətbuat konfranslarının vaxtı bilindi

15:30  Millimiz Latviyaya qalib gəldi

15:08  Avroliqanın Çempionlar yolunda 3-cü mərhələnin cütlükləri

14:50  “Qarabağ”ın Avroliqadakı potensial rəqibləri məlum oldu

14:28  3-cü təsnifat mərhələsinin püşkü atıldı - ÇL

14:09  “Qarabağ”ın potensial rəqibi bəlli oldu – ÇL-də

13:47  Messinin 130 minlik avtomobili əlindən alınır

13:00  “Qarabağ”ı təhlil etmişik, yenə də edəcəyik”

12:37  “Napoli”ni “Benfika”ya dəyişdi

12:16  295 minə aldı, 16 milyona satdı - “Fənərbaxça”

11:47  Qaret Beyl dünyanın ən çox qazanan futbolçusuna çevrilir

11:00  AFFA-da dava: əlbəyaxa oldular

10:47  Qeye “Neftçi” ilə anlaşıbmış

10:28  PAOK-dan Super Liqa klubuna

10:15  Gürcülərlə oyunda - “Qəbələ” diqqətli olmalıdı

10:00  Fransalı futbolçu London klubunda

09:48  AFFA-nın sentyabr planı: Yurçeviç qurban veriləcək

09:34  Baş məşqçinin ürəyi getdi, oyun dayandı - VİDEO

09:23  Milli komandada baş məşqçi istefası

09:11  Əsgərov üçün 61 dəqiqə və 1 xal

09:00  Milli məşqçiləri narazıdı: hərəsi bir cür aldadılıb

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az