(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
3R-lə 3S-in qovuşması: “Sumqayıt”ın Saxta Strategiyası

3R-lə 3S-in qovuşması: “Sumqayıt”ın Saxta Strategiyası

Bu, sumqayıtlıların əsəbiylə oynamaqdı. Artıq 9 ildi ölkənin əhali sayına görə ikinci ən böyük şəhərinə qondarma klub calaq ediblər və yerli camaatı aldatmaqla məşğuldular.
 
Daim futbolda öz dəst-xətti olan, yetirmələri milli komandaların əsas zərbə qüvvəsini təşkil edən “Gənclik şəhəri” indi asılı vəziyyətə salınıb. Hətta SSRİ-nin müxtəlif yaş qrupundan olan yığmalarına futbolçu verən, Arif Əsədov kimi Avropa, dünya çempionu yetişdirən Sumqayıt futbol məktəbi son illər heç Azərbaycan millisində də təmsil olunmur.
 
Şəhər də həminkidi, əhalisi də, futbolu sevən fanatları da, uşaq məşqçiləri də. Sadəcə, bu şəhərdə futbolu idarə edənlər dəyişib, Sumqayıt Sumqayıtdan olmayanların, Sumqayıtı sevməyənlərin, Sumqayıtı düşünməyənlərin əsirinə çevrilib. AFFA-nın himayəsində can verən, süni nəfəs aparatına qoşularaq yaşadılan, hər an ölüm riskinə atılan şəhər futbolunun ənənələri beləcə məhv edilir. Gəncə, Tovuz, Lənkəran, Mingəçevir kimi…
 
“Sumqayıt” milli komandalara ehtiyat qüvvə hazırlanması məqsədi ilə yaradılmışdı. AFFA bunu əsas gətirərək şəhərdə tarixi olan klubları (məsələn, “Xəzər”i) bərpa etmədi, yenisini yaratdı, ilk vaxtlar adını da qaqaşvari seçdi. Londonda oxumuş ruskafalılar Azərbaycan çempionatının Güclülər Dəstəsini Premyer Liqaya çevirdi, bu şəhərin komandasını da “Sumqayıt Şəhər” (Siti) adlandırdılar. Bəxtiyar Vahabzadə demişkən, “kasıb kasıblığını gizlətmək üçün, itinin adını Gümüş çağırır”.
 
Zaman keçdi, bu ad məsxərəyə qoyuldu və klub “Sumqayıt”a çevrildi, strategiya isə dəyişmədi. Əməl olunsaydı, pis deyildi, amma saxta olduğunu sonrakı illər göstərdi. Əslində, bu klub kimlər üçünsə pul silmək vasitəsinə çevrildi.
 
İndi “Sumqayıt”dan neçə futbolçu əsas milli komandamızdadı? Son 2-3 ildə kimsənin adını çəkə bilmərik. Hətta namizəd olan da yoxdu, arabir düşərgəyə cəlb edilənlər tapılır. Yalnız “Qarabağ”dakı uğurlarına görə Əfran İsmayılov arabir kiminsə yadına düşür. Sumqayıt futbolu o günə qalıb ki, son sınaq matçında ötən il İsraildə oynayan, bu ölkə ilə nəfəs alan Əli Babayevə 28 yaşında (!) “tapıntı” adı altında milli forma geydirilir. Komandanı son pilləyə salanlardan biri, damarlarında İsrail qanı axması ilə fəxr edən Əli…
 
“Sumqayıt” milliyə namizədlərin məkanı olmalı, bu komandalara düşmək üçün çalışanlar yetişdirilməliydi. Amma heyətdəki oyunçuların 20-30 faizi yaşca baş məşqçidən böyükdü, karyeralarının qürub çağını burada yaşayırlar, qalanları isə digər komandalarımıza lazım olmayan yerlilər və məqsədli gətirilən əcnəbilərdi.
 
Komandanın normal büdcəsi var, klub xüsusilə yerli gənclərə güvənmək üçün kifayət edəcək vəsaitə sahibdi. Lakin seçilən strategiya ilə manipulyasiya edirlər. Milliyə namizədlər hazırlanır deyə, əcnəbi transferinə qadağa qoyulub, guya ki, legioner gətirilməsi yasaqdı. Lakin reallıq başqadı: hazırda əsas heyətin 8 üzvü əcnəbidi, milliləşdirilərək oynadılır. Nə Atilla Yıldırım milli komandaya yüksələcək səviyyədədi, nə Peyman Babayi, nə də Mehdi Cənnətov. Sadəcə, bu adla israillini, iranlını, dağıstanlını azərbaycanlı edib, pul qazanırlar.
 
Və bu, təkcə Riad Rəfiyevin günahı deyil. Hə, o baş roldadı, klub prezidentidi, bütün əcnəbilərin həm də şəxsi meneceridi. Ötən illərdə klub rəhbərliyi başqası olanda da əsas əməliyyatları o həyata keçirirdi. AFFA-dakı himayədarı, baş katib Elxan Məmmədov şərait yaradır, o isə pulsilmə dəzgahını işlədirdi. Rəfiyev Sumqayıt“ın prezidenti olsa da, bütün xəyalı futbolçu transferindən qazanmaq, milli üzvlərini klublara yerləşdirib faiz “tutmaq”, milli komandalara məşqçi gətirib kompensasiya əldə etməkdi.
 
Bu saxta strategiya olmasaydı, 3-4 səviyyəli legioner gətirilər, onların yanında yerli gənclər oynadılardı. Belədə həm nəticə yaxşılaşar, həm də həqiqətən şəhər üçün gələcək nəsil yetişərdi. Və əmin olun ki, o zaman komandanın nəticələri də daha yaxşı olardı.
 
Əcnəbilərdən imtina qərarı pis deyil, bir şərtlə ki, buna əməl edəsən. Sumqayıt futbolunda yeni nəsil üzə çıxsaydı, “bravo” deyərdik. Lakin ötən 9 ildə “Sumqayıt” milli komandalar üçün kimi yetişdirib, kimi yığmaların daimi üzvünə çevirib? Pərdis Fərcad-Azad, Uğur Pamuk, Andrey Popoviç, onlarla dağıstanlı, türkiyəli yalnız öz karyeralarını qurub, yüzminlər qazanıb, kimlərəsə qazandırıblar. Milli komandada isə hərəsi heç 5-6 oyun keçirməyib, arabir düşərgəyə çağırılıb, lazımsız biliniblər. Çünki saxta strategiyanın məhsullarıdılar.
 
İndi “Sumqayıt” turnir cədvəlinin dibindədi. Amma yerli cammat futbolu sevir. Son turun digər 3 oyununa 2200 azarkeş gəlmişdisə, təkcə “Gənclik şəhəri”ndə 2000 adam matçı tribunadan izləyirdi. Halbuki “KapitalBank Arena”nın tutumu imkan versəydi, bu say ikiqat olardı, çünki bir o qədər insan da meydanın kənarındakı hasarlardan boylanırdı. Kluba o qədər diqqətsiz yanaşılır ki, hətta futbol üçün can verən yerli camaatın asudə vaxtını təmin etmək də yaddan çıxıb. Halbuki “daydaylı” Qvanzav Maqomedovu, Atilla Yıldırımı əvəzedici heyətdə oynadan rəhbərlik, bu faydasız milliləşdirilənlərə xərclədiyi pula yeni tribunanı çoxdan tikib təhvil verərdi.
 
Sumqayıt futbolu belə idarə olunur. AFFA-nın, klub prezidentinin öz maraqları var, şəhər rəhbərliyi özünü görməməzliyə vurub, haqqı tapdanan yerli istedadlar, nəticə həsrətiylə qovrulan azarkeşlərdi. Halbuki Sumqayıt çoxdan avrokuboklarda təmsil olunmalıydı.
 
Riad Rəfiyevin 3R adlanan menecer şirkətinin işləri qaydasında getsin, sumqayıtlılar hər matçdan sonra 3S-lə (“Sumqayıt”ın saxta strategiyası) köks ötürsə də olar…
 
CAVAD

 
tarix: 03-04-2019 09:00


 
Xəbər lenti
18.07.2019

00:12   Rəşad Sadıqov: “Qol zamanında gəldi”

17.07.2019

23:48  Tahir Gözəl: “Oyun ilk qoldan sonra başladı”

23:39  “Qarabağ” bizdən güclü olduğu üçün müdafiədən oynadıq”

23:29  Qurbanov: “Komanda hələ ən yaxşı performansından uzaqdı”

23:15  “Qarabağ” İrlandiya çempionu ilə qarşılaşacaq

23:01  “Qarabağ” avrokuboklarda 100-ə çatdı

22:52  “Qarabağ” ÇL-in ikinci təsnifat mərhələsində!

22:29  “Tottenhem”in futbolçusu rəsmən “Atletiko”da

21:55  Avropa Liqası: Gürcüstan klubu növbəti mərhələdə

21:27  Kristian Efros: “Fikrimi dəyişməmişəm”

21:09  Sənan Qurbanov Türkiyə toplanışını dəyərləndirdi

20:46  Əmirquliyev: “İçimizdə bir inam var”

20:11  Aftandil Hacıyev: “Gərək 3 qol vurub, rəqibi təəccübləndirək”

19:57  “Səbail”ə mən də qol vurmaq istəyirəm”

19:18  “Səbail”lə oyunda müdafiə olunarkən diqqətli olmalıyıq”

18:58  “Qəbələ” Türkiyədən qələbə ilə qayıdır

18:30  Premyer Liqada yay bazarlığı - YENİLƏNİR

18:22  “Zirə” növbəti transferini açıqladı

18:00  Roberto Bordin: “3:0 bizi aldatmamalıdı”

17:47  Emin Mahmudov: “Hücum futbolu göstərəcəyik”

17:14  “Vest Hem”dən rekord transfer

16:50  Hollandiya Futbolçular Birliyində ukraynalı prezident

16:25  “Qarabağ” yeni transferini rəsmən açıqladı

16:00  Mançini “Roma”da

15:37  “Sumqayıt” Rumıniya klubu ilə qarşılaşacaq

15:10  “Qarabağ”ın oyununa nə qədər bilet satılıb?

14:56  De Xea qərarını verdi

14:27  Latviya klubunda daha bir azərbaycanlı futbolçu

14:00  Premyer Liqa klubundan yeni transfer

13:42  İspan futbolçu La Liqada klubunu dəyişdi

13:21  Premyer Liqa klubunda yeni baş məşqçi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az