(+994) 050 678 37 80
(+994) 070 534 65 52

qaynar xətt

BOS-da çadır şəhərciyi və ya təyyarə anqarı

BOS-da çadır şəhərciyi və ya təyyarə anqarı

Bakı Olimpiya Stadionu (BOS) istifadəyə veriləndən sonra bu arenanın xərclərini qarşılamaq üçün çox variant fikirləşdilər. Hansısa bir klubun oyunların burada keçirməsi mümkün olmadı, çünki tamaşaçı tutumu böyük, idman qurğusunun yeri narahat idi. Premyer Liqada bir mövsümə 65 min azarkeş yığmaq olmur, o ki qaldı bu qədər tutumu olan arenanı hansısa kluba təhkim edəsən.
 
Bir ara müxtəlif korporativ tədbirlər planlandı, hətta BOS-da toy mərasimlərini təşkil etmək variantı ortaya atıldı. Lakin bəlli oldu ki, hamısı xəyaldı, reallıqdan uzaqdı. Bir çox ofislərin burada yerləşməsi də böyük xərclərin qarşılanması üçün yetərli deyil. Bu arenanı ancaq böyük yarışlarda istifadə etmək olardı.
 
“Qarabağ”ın sayəsində 2 mövsüm yola verildi. Çempionlar Liqasının, ardınca Avropa Liqasının qrup oyunlarını burada keçirən ağdamlılar belinə yüklənən icarə haqqını ödəyib, idman qurğusunun nəfəs almasına şərait yaratdı. Milli komandanın oyunlarının məcburən bura salınması da çıxış yolu deyildi. “Neftçi” Sağlamlıq İdman Mərkəzinin balansına verilən arenanın saxlanma xərclərini SOCAR qarşılayır və obyekt hazırda zərərlə işləyir.
 
2015-ci ildəki Avropa Oyunlarından sonra BOS böyük yarışlar qəbul etməli idi. Və buna dövlət qayğısı sayəsində nail olundu. Ali futbol qurumları ilə böyük sponsor anlaşmalarından sonra 2019-cu ilin mayında baş tutacaq Avropa Liqasının final matçı və Avro-2020-nin bir qrupunun, eləcə də ¼ finalın bir matçının BOS-a salınması mümkün oldu. Bunların davamlı olması üçün mütləq etimad doğrulmalı, yüksək təşkilatçılıqla seçilməliyik. Bəs, biz nə edirik?
 
Avropa Liqasının finalına sayılı günlər qalıb. AFFA təşkilati məsələlərdə bacardığını edir, oyuna marağın böyük olmasını bilet satışındakı fəallıq da göstərir. Maraq o qədər çoxdu ki, onlayn bilet sifariş edənlər arasında püşk atılacaq. Bütün bunlar ölkəmizdə futbola marağın səviyyəsini göstərir və müsbət məqamdı.
 
Lakin BOS finala hazırdımı? Təşkilatçılara inansaq, hə! Bununla belə, xoş olmayan mənzərələr də var. Ölkəmizə turist kimi gələcək qonaqlar idman qurğusunu gəzsə, ən azı onu kənardan seyr etsə, evə xoş təəssüratlarla qayıtmayacaq, əksinə, xeyli məzəli videolarla gündəmə gələcəyik. Stadionun kənarındakı hündürlükdən baxanda ümumi panoramanı görsəz, siz də belə düşünərsiz.
 
BOS-un ərazisində müxtəlif meydançalar salınıb. Əksəriyyəti idman qurğusunu tam bir kompleks kimi göstərir, lakin mini-meydanların olduğu ərazidə xaosdu. Bildiyimizə görə, stadionun bu ərazisi müxtəlif adamlar tərəfindən 50 il müddətinə icarəyə götürülüb. BOS-un xərclərinin böyük hissəsini məhz bu meydançalardan gələn gəlirlə qarşılamaq mümkün olduğu halda, bu hissə çox ucuz qiymətə icarəyə verilib və orada müxtəlif insanlar şəxsi biznesini qurub. Hamısı tanışlar, qohumlar olduğu üçün 5 qat qazanmaq imkanı əldə ediblər.
 
Bəlkə də biznesin qaydalarıdı, belə də olmalıdı. Amma onlardan da müəyyən tələblər olmalıdı. Ümumi görünüşü korlamamaq, BOS-u dünya səviyyəli arena kimi tanıtmaq üçün müəyyən standartlara əməl olunmalıdı. Bu səliqə gələcəkdə digər yarışların ölkəmizə ayaq açmasına kömək edə bilər, amma...
 
Fotolara baxanda təəccüblənməyin. Bunlar BOS ərazisindəki mini-futbol meydanlarıdı. Vaxtilə burada toy mərasimləri təşkil etmək istəyənlərin arzusu ürəyində qalıb, sanki əvəzində mərasim çadırı qurublar. Yüzmilyonlar xərclənən qurğuda bu cür örtülü meydançaların olması ayıbdı. Metronun “İçərişəhər”, “Avtovağzal” və “Koroğlu” stansiyalarında olduğu kimi üçbucaq formalı çadır-meydançanın salınmasında bəlkə də başqa səbəb var, amma hətta belə olduqda da ümumi görünüş pozulmamalıdı. Yanaşı salınan meydançalardan biri fərqli, qalanları fərqlidi. Bu, həmin meydanların fərqli adamlara məxsus olmasını göstərir, lakin qurğunun rəhbərliyi buna imkan verməməliydi. Belə qarışıqlıq ümumi görünüşü korlayır.
 
Çadır-meydançanın yuxarı hissəsində 2 deşik də qoyulub, sanki soba bacasıdı. Digərləri də burada futbol oynandığını işarə vermir, elə bil təyyarə anqarlarıdı. Hər halda, kənardan belə görünür. Dünya praktikasında belə vacib yarışlar, turnirlər ərəfəsində azarkeşlər üçün fan-zonalar təşkil olunur, bizdə isə fərqlidi: kənardan baxanda “palatka-zonalar”ın salındığı təəssüratı yaranır. Sanki məhv edilmiş Azərbaycan futbolunun 3, 7 mərasimi üçün çadır qurulub.
 
Təbii ki, faciəvi nəsə baş verməyib. Hələlik turistlər gəlməyib, mayın 29-dakı final matçına da 2 ay qalıb. BOS rəhbərliyi təcili tədbir görüb, idman qurğusunun ərazisinə əl gəzdirə, ümumi görünüşü düzəldə bilər. Ölkə rəhbərliyi büdcədən bu qədər pulu Azərbaycanın müsbət imicini formalaşdırmaq üçün xərcləyib. İndi onu hansısa vəzifə sahiblərinin öz maraqları naminə korlaması, səriştəsizlik üzündən biabırçılıq yaratması doğru olmaz.
 
 
 
 
 
FƏRİD

 
tarix: 03-04-2019 12:00


 
Xəbər lenti
16.12.2019

18:00   “Neftçi” “Sumqayıt”a qarşı - YENİLƏNİR

18:00   23 yaşında 200-cü oyununu keçirdi

17:43   44 illik rekord yeniləndi

17:19   Premyer Liqa klubunda baş məşqçi ayrılığı

16:51   Azərbaycan kubokunda 4 debüt

16:32   Prosineçki iyə gəlir

16:28   Avroliqada 1/16 finalın püşkü atıldı

15:47   5-ci dəfə “Palmeyras”ın “sükanı arxasına” keçdi

15:20   ÇL-də 1/8 final mərhələsinin püşkü atıldı

14:50   Balayevin komandasında 3 yeni futbolçu

14:24   Van Bommel istefaya göndərildi

14:08   ÇL-də qrup mərhələsinin rəmzi komandası - FOTO

13:44   “Zirə”nin 50-ci heç-heçəsi

13:22   Milli komandada baş məşqçi istefası

13:04   Fransa klubu bir oyunda iki futbolçusunu itirdi – Mövsümü başa vurdular

12:42   “Fənərbaxça”lı üçün mövsüm erkən bitdi

12:23   Prosineçki Azərbaycana qayıdır? – “Hər şey mümkündü, görəcəyik”

12:02   Rəcəb Tayyib Ərdoğan AÇ-2020 üçün Bakıya gələcək

11:31   “Sabah”ı Kolumbiya klubuna dəyişə bilər

11:03   Dadaşov oynadı, komandası “Braqa”ya qalib gəldi

10:47   İsrafilov qovuldu, oyun yarıda qaldı

10:32   Nizamnamə dəyişikliyi: Məmmədovun Musayev planı

10:16   Ufuk Budak üçün 90 dəqiqə və 1 xal

10:00   “Sabah” “Audi Cup”da çıxışını başa vurdu

09:44   “Azərbaycanı Botsvanada mənə görə yaxşı tanıyırlar”

09:31   Paşayevin komandasından səfər qələbəsi

09:18   Riçard Qadze: “Bu oyun çempionatdakılardan daha vacib idi”

09:00   “Qəbələ” işin yarısını gördü, “Sabah”...

02:14   PSJ-dən darmadağın

02:03   “Real” Valensiyadan 1 xalla döndü

01:52   Lider büdrədi, “Yuventus” qalib gəldi

15.12.2019

23:01  Lider səfərdən xalsız döndü

22:34  MS “Arsenal”a qalib gəldi, MY xal itirdi

22:03  “Fənərbaxça” səfərdə, “Beşiktaş” evdə uduzdu

21:00  150-ci dəfə qələbə sevinci yaşadı

20:13  “Səbail”lə “Zirə” ilk oyunda heç-heçəyə razılaşdı - VİDEO

19:36  Aftandil Hacıyev: “Kubokda belə şansımız yoxdu”

19:13  Zaur Həşimov: “Bu hesab rəqibin üstünlüyüdü”

18:52  Qəbələdə darmadağın, Bakıda heç-heçə

18:26  “Qəbələ” - “Sabah” 3:0 - VİDEO

18:06  Elmar Baxşıyev oyundan razı qalmayıb: “Şanslar yenə bərabərdi”

17:58  Sopiç: “Xorvatiyada “Qəbələ” kimi şəraiti olan klub yoxdu”

17:49  Yalnız Peyman Babayi

16:12  “Neftçi” - “Sumqayıt” matçının biletləri satışda

15:51  “Liverpul” DÇ-yə 20 futbolçu ilə yollandı

14:15  Kosta Rika klubunun forvardına Azərbaycandan cəlbedici təklif

13:46  “Napoli”də ciddi itki

12:59  Peyman Babayi: “Kubokda bu mövsüm də uğurlu olmağa çalışacağıq”

12:02  “Bavariya”da 300-cü oyun

11:09  Turabovun komandası səfərdən 1 xalla döndü

10:24  Millimizin üzvü “Bolton” üzərində qələbəyə sevindi

09:17  Klublararası dünya çempionatı: Yarımfinalçılar bəlli oldu

01:54  “Barselona” səfərdə xal itirdi

01:41  “Napoli” yeni baş məşqçi ilə də məğlub oldu

01:02  Marsel “Olimpik”i səfərdə xal itirdi

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az