(+994) 050 678 37 80
(+994) 070 534 65 52

qaynar xətt

Talana göz yummayanlar günahkardı?!

Talana göz yummayanlar günahkardı?!

Milli komandanın Xorvatiyaya uduzduğu, Litva ilə məğlubiyyətə bərabər heç-heçəyə razılaşdığı oyunlar artıq tarixə qovuşub. Bu qarşılaşmalarda xüsusi nəsə baş vermədi. Elə necə olmalıydısa da oldu.
 
Xorvatlarla qarşılaşma Uelsə, Portuqaliyaya, Rusiyaya minimal hesablı yenilgiləri xatırlatdı. Cüzi fərq onda idi ki, Ramil Şeydayev fərdi ustalığı sayəsində hələ ilk yarıda hesabı açmağı bacarmışdı. Bu faktın özü Azərbaycan çempionatının bataqlıq olmasını, burdan uzaqlaşmağı bacaranların səviyyəsində yüksəlişin baş verməsini isbatlayır. Yəni, biz illərdi istedadı olan futbolçularımızı məhz buna görə Biləcəridən o tərəfə adlamağa çağırırıq. İstəyirik ki, getsinlər, heç olmasa Rusiyada, Türkiyədə top qovsunlar, əsl futbolun nə olduğunu görsünlər. Həm də istedadları tam açılsın, peşəkarlıqları artsın. Bununla da Azərbaycan millisinə fayda versinlər. Nə yazıq ki, bizi eşitmək istəmirlər. Litva ilə görüşdə də fərqli nəsə yaşanmadı. Foqtsun zamanında Lixtenşteynə qarşı bu cür oynamışdıq. 90 dəqiqə rəqibin qapısına doğru mənasız həmlələr etmişdik, amma qapı torunu silkələməyə hünərimiz çatmamışdı. Deməli, Yurçeviçin gəlişi ilə heç nə dəyişməyib, heç dəyişməsi mümkün də deyil.
 
Əsl həngamə bu qarşılaşmalardan sonra yaşandı. AFFA-nın səxavət kisəsinin ağzını geniş açması, futbolçulara pul paylaması cəmiyyətdə geniş etirazlar, narazılıq doğurdu. Məsələ idman mətbuatının və azarkeşlərin sərhədlərini aşıb millət vəkillərinə qədər gedib çıxdı. Təsadüfi deyil ki, sonda AFFA-nın baş katibi Elxan Məmmədov özü sükutu pozmağa məcbur oldu.
 
"Həmişə mükafat heç-heçəyə və qələbəyə görə verilib. Yoldaşlıq oyunları da nəzərə alınaraq. Gördüm ki, mediada və sosial şəbəkələrdə bu məsələ müzakirə olunur. Amma hiss etdim ki, bu, süni şəkildə müzakirə olunur. Bəlkə kimsə qısqanır ki, komanda heç-heçə oynayıb. Bəlkə də bəziləri Litva ilə görüşdə qələbə arzusunda idilər və bu olmadı. Azarkeşdə əsəb yaranır ki, nəyə görə heç-heçəyə görə mükafat verilir? AFFA olaraq hər zaman şəffaflığa üstünlük veririk…”
 
Sözümüz bütün balaların şadlığına, Elxan Məmmədovun Beynəlxalq Gülüş Günündə "Real” TV-yə verdiyi açıqlamadan sitatları burda hələlik saxlayıram. Baş katibin Xorvatiya və Litva ilə oyunlardan sonrakı mükafat müzakirələrinə münasibət bildirməsi yaxşı haldı. Deməli, ölkədə baş verən müsbət dəyişikliklər AFFA-dan da yan keçməyib. İndiyə qədər ictimaiyyətin rəyini heçə sayan, özündənrazılıq nümayiş etdirən baş katib yavaş-yavaş bu rəylə hesablaşmağa başlayır, özündə hesabat vermək borcu hiss edir. Mən əminəm ki, proses davam edəcək, AFFA-nın ictimai rəyə münasibətində köklü dəyişikliklər baş verəcək. Ya bu münasibət və qurumun fəaliyyəti dəyişməlidi, ya da AFFA-nın idarəetmə aparatı. Başqa variant yoxdu. Buna şübhəniz olmasın.
 
Cənab Məmmədovun mükafatla bağlı dediyi sözlərdən daha çox AFFA-nın şəffaflığı və müzakirələrin süni surətdə aparılması ilə bağlı söylədikləri diqqətimi cəlb etdi. Həmin sözləri eşidincə əsl dejavü yaşadım. Xəyallarım məni 2017-ci ilin noyabrına apardı. Sizin də yadınızdadı, heç unudarıqmı? "Kəpəz”dəki böyün yeyintilərin, maliyyə pozuntularının üstü açılmışdı. Mikayıl Nərimanoğlunu qurbana çevirən Elxan bəy hər cəhdlə sudan quru çıxmağa çalışır, bundan ötrü illərlə bərabər yol gəldiyi adamdan, yəni Mikayıl Nərimanoğlundan imtina etməkdən belə çəkinmirdi. Mətbuatın vicdanlı kəsimi isə yeyintiləri, maliyyə fırıldaqlarını araşdırmağa davam edir, hər gün ortaya yeni faktlar çıxırdı. Bəli, baş katib həmin vaxt da eyniylə indiki kimi davranmışdı. Soyuq payız günlərində onun jurnalistlərin suallarına verdiyi cavabları birlikdə xatırlayaq.
 
2017-ci ilin payızında, U-21 yığmasının Almaniya ilə oyunundan sonra baş katib belə demişdi: "Bizim problemimiz odur ki, çox şəffaf təşkilatıq. Hər zaman çalışmışıq, gələcəkdə çalışacağıq ki, hər addımımız açıq olsun. Çünki futbol milyonların oyunudu. 2008-ci ildən etibarən öz işlərimizi şəffaf görməyə çalışırıq. Bəzi, bəzi starteji qərarlar olur ki, onlar qəbul olunduqdan sonra ictimaiyyətə açıqlanır. Ancaq belə məsələlərdə çox şəffafıq. "Kəpəz”də baş verənləri biz özümüz elan verdik, açıqladıq. Bəziləri bundan istifadə edir. Vəzifəyə təyin olunmuş şəxs son zamanlar işinin öhdəsindən gələ bilməyib, müəyyən qüsurlar olub, biz də onu azad etmişik. Qalan məsələlərlə hüquq-mühafizə orqanları məşğul olacaqlar. Nəticələrdən belə başa düşmək olar ki, müəyyən səhvlər var, ancaq kritik deyil. Bunu dəfələrlə demişəm. Sadəcə, bu məsələni süni şəkildə gündəmdə saxlamağa çalışırlar”.
 
Baş katibin intonasiyası, mətbuatı günahlandırması, özlərinin şəffaflığından danışması eyni qalıb. Özlərindən başqa hamı pisdi. Problemi araşdıranlar bunu yenə də süni surətdə edirmiş. Ay səni, cənab Məmmədov. Yenə də bulanıq sudan quru çıxmaq üçün özlərini şəffaf elan edir, ətrafdakıları günahlandırır. Bunun adı riyakarlıqdı, dostlar. Neftdən futbola ayrılan pullar insafsızcasına talanır, buna göz yummayanlar isə günahkar olur. Amma riyakarlıqla uzağa gedə bilməyəcəklər, buna şübhəniz olmasın!
 
Mənbə: sport7.az

 
tarix: 04-04-2019 10:39


 
Xəbər lenti
09.12.2019

02:08   Marsel “Olimpik”indən inamlı qələbə

01:56   “Sevilya” səfərdə xal itirdi

01:38   “Milan” 3 xalı 3 qolla qazandı

00:43   Yığmamızda oynayan futbolçunun bacısı intihar etdi

08.12.2019

23:08  “Beşiktaş”dan növbəti qələbə

22:58  “Verder” autsayderə məğlub oldu

22:28  “Lester Siti”dən ardıcıl 8-ci qələbə

21:17  “Psixoloji baxımdan da əhəmiyyətli qələbədi”

20:12  Rahid Əmirquliyev: “Klubda daxili problemlər var”

20:07  “Sumqayıt” “Qəbələ”dən heç-heçə - VİDEO

19:58  “Sabah” “Neftçi”yə belə məğlub oldu - VİDEO

19:46  “Zirə” - “Səbail” matçında 5 qol - VİDEO

19:20  Sopiç: “Pul mənim komandamda heç vaxt önəmli rol oynamayacaq”

19:13  “Futbolçular tapşırıqlarımıza əməl etdilər”

18:57  “Neftçi” və “Zirə” ili qələbə ilə başa vurdu

18:20  “Səbail”lə kubok oyunları daha çətin olacaq”

18:09  Aftandil Hacıyev: “Səbail”dən gedənlərin sayı artacaq”

17:27  Ayxan Abbasov: “Bu komanda 1-2 ildən sonra daha iddialı ola bilər”

17:16  Elmar Baxşıyev: “Onların cəzasını özümüz verəcəyik”

16:12  Qvardioladan antirekord

14:40  “Real”ın 1700-cü qələbəsi

14:21  Nazim Süleymanov Şirvanda da təşkilat yaratdı

14:00  Messi Ronaldonu geridə qoydu

13:40  Beqoviç üçün 2 ölkə seçimi

13:04  Millimizin üzvü üçün 28 dəqiqə və 1 xal

11:58  Əliyev komandasına qələbə qazandırdı, yenə matçın ən yaxşısı seçildi

10:31  Paşayevli “Aleksandriya”dan darmadağın

10:00  “Qarabağ”ın rəqibi 4 qolla 1/4 finalda

09:30  Turabovun komandasından “Partizani” üzərində qələbə

02:07  “Barselona” 3 xalı 5, “Real” 2 qolla qazandı

01:50  “Napoli” xal itirdi, “Yuventus” uduzdu

01:36  PSJ Monpelyedən də qələbə ilə döndü

00:02  “Borussiya” “Bavariya”ya da qalib gəldi

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az