(+994) 050 678 37 80
(+994) 070 534 65 52

qaynar xətt

Cavad
Natiq Muxtarlı
Tahir Süleymanov
“Sabah” üçün dönüş anı

“Sabah” üçün dönüş anı

“Sabah” rahat nəfəs ala bilər. Debütant dünənki qələbə ilə Premyer Liqada qalmaq yolunda böyük atdı. Bununla da qışdan bu yana davam edən uğursuzluq zolağından çıxmaq mümkün oldu.
 
Bakılılar axırıncı qələbəsini 15-ci turda qazanmış, ümumiyyətlə, 2019-da cəmi 6 xal əldə etmişdi. Bu səbəbdən autsayderlər qrupuna enən komandada problemlər yaranmışdı. Rəhbərliyin müdaxiləsi, məşqçi və futbolçuların vəziyyəti dəyərləndirib, düzgün addım atması sayəsində böhrandan çıxmaq mümkün oldu. “Səbail”lə oyun həqiqətən dönüş anı oldu.
 
Qonaqlar matça 1:0 öndə başlamışdı. Amma hələ ilk dəqiqədə buraxılan qol “Sabah”ı çətinvəziyyətə salmadı, əksinə, əzmkarlığı daha da artırdı. Elşad Əhmədovun mövsümdə 6-cı dəfə hələ ilk yarıda əvəzləməyə əl atması qəribə görünsə də, əslində, baş məşqçi bu dəfə doğru qərar vermişdi. O, müdafiəçinin əvəzinə orta sahə oyunçusu buraxmaqla matçı çevirməyi düşünürdü və bu dəfə yanılmadı.
 
Aftandil Hacıyev isə hesabda üstün olduqları matçda 3 xalı əldən vedri. Rəqibin aqressiv oyunu qarşısında boyun əyən “Səbail” 4-cü pillədəki izləyicisindən uzaqlaşmaq şansını əldən verdi. Fasiləyə kimi hesabı bərabərləşdirən “Sabah” ikinci hissədə meydanın tək ağası idi. Beləcə qollar sıralandı və bu rəqib üzərində ilk qələbə reallaşdı.
 
İndi “Sabah” təzyiqlərdən xilas olub, rahat oynaya bilər. Belə olduqda nəticələr daha da yaxşılaşmalıdı. Komanda rahat olanda, nəticə üçün ciddi narahatlıq keçirməyəndə psixoloji durum da qaydasına düşür. Görünür, Miloş Bosançiçlə müqaviləyə xitam veriləndən sonra klubdaxili əhval-ruhiyyə də düzəlib və səhlənkarlıq edənlər dərsini alıb.
 
“Sabah” hazırda ən yaxın izləyicisindən 4, son pillədən isə 7 xal öndədi. Böyük fərq deyil, amma aşağıdakıların daha zəif olduğunu nəzərə alsaq, elitada qalmaq problem olmamalıdı. 5 tura bu fərqin əriməsi müşkül məsələdi, bir şərtlə ki, futbolçular öz oyununu oynasın, arxayınlaşmasınlar.
 
FƏRİD

 
tarix: 08-04-2019 09:00


 
Xəbər lenti
27.05.2019

00:41   A Seriyasında mövsümə yekun vuruldu

00:25   Premyer Liqada yay bazarlığı - YENİLƏNİR

26.05.2019

22:36  Super Liqada mövsümə yekun vuruldu

20:46  Azər Əliyev üçün son turda 32 dəqiqə

19:28  Səfirlik: “Mxitaryan 3 dəfə Azərbaycanın işğal olunmuş ərazilərinə səfər edib”

19:18  Ayaz Quliyevin komandası Avropa Liqasında

18:17  Ramil Şeydayev darmadağına üzüldü

17:17  Emil Balayev oynadı, “Tobol” qalib gəldi

16:12  İsrafilov üçün 45 dəqiqə və 1 xal

15:36  Balotelli Fransa klubundan ayrıldı

14:39  TFF prezidentliyinə 5 namizəd

14:06  “Qalatasaray”da ilk ayrılıq - RƏSMİ

13:33  “Barselona” finalda belə uduzdu - VİDEO

13:02  Bakı finalı: milyardların mübarizəsi

12:30  “Bavariya” darmadağınla kubok qazandı - VİDEO

11:31  “Qalatasaray”dan Fatih Terimlə yeni müqavilə - RƏSMİ

11:20  Şotlandiya kubokunda 39 qat qalib

11:00  “Qəbələ” heyəti gəncləşdirir: Volkovdan başqa hamı yola salınacaq

10:28  Portuqaliya kubokunun qalibi bəlli oldu

09:30  Amit Quluzadə mövsümün son matçında da oynamadı

01:05  “Napoli” mövsümü məğlubiyyətlə qapadı

00:58  İspaniya kubokunu “Valensiya” qazandı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az