(+994) 050 678 37 80
(+994) 070 534 65 52

qaynar xətt

Tahir Süleymanov
Stuxlik 4 hakimi mövsümün sonuna kimi cəzalandırdı

Stuxlik 4 hakimi mövsümün sonuna kimi cəzalandırdı

AFFA Hakimlər Komitəsində özbaşınalıq davam edir. Qurum idarəolunmaz vəziyyətdədi. Sədr Frits Stuxlik hakimlərlə istədiyi kimi davranır, komitə üzvləri isə bu vəziyyətdən şəxsi məqsədləri üçün istifadə edir.
 
Bir neçə gün öncə ikisi FIFA referisi olmaqla, 4 hakimin “qələmi qırılıb”. Rəhim Həsənov, Rauf Cabbarov, Rəvan Həmzəzadə və Orxan Məmmədov mövsümün sonuna kimi cəzalandırılıb. Onların son tura təyinat almaması da bununla bağlıdı. Hakimlərə cəza tətbiq edilmədiyini bildirən, işində bu prinsipə sadiq qalan avstriyalı sədr mövsümün sonunda nədənsə belə bir addım atıb.
 
Bəzi komitə üzvlərinin də dəstək verdiyi qərarın əsas səbəbi çempionatın sonunda gənc və təcrübəsiz hakimlərlə hoqqalar çıxarmaqdı. Lazım olan komandalara kömək etmək üçün onsuz da müəyyən işlər görülür. Lakin adı çəkilən təcrübəlilərin yoxluğunda bunu daha rahat etmək olacaq. Necə ki, dünən hakim Vüqar Həsənli “Keşlə”nin xal qazanması üçün hər şey etdi. Sadəcə, “Qəbələ” güclü olub, vacib qollar vurdu və meydan sahiblərini xilas etmək mümkün olmadı. Dmitri Bezotosnıya qarşı kobudluq edərək qol vurulması, hakimlərin buna göz yumması təsadüfi deyildi.
 
4 hakimin cəzalanmasının, Premyer Liqadan kənar saxlanmasının səbəbi də onlara qarşı qərəzin olduğunu, hər şeyin planlı edildiyini göstərir. Belə ki, bu hakimlərdən 23-cü tur bitən kimi normativ götürülüb. Rəhim və Orxan baş, Rauf 4-cü hakim kimi təyinat aldıqları oyunun ertəsi imtahana cəlb olunub, faktiki fiziki güclərini bərpa etməyə imkan tapmayıblar. Belədə onların normativi verə bilməməsi hardasa gözlənilən olub. Stuxlikin gözünə “pis görünən” Əliyar Ağayev isə tora düşməyib, vəziyyətdən çıxmağı bacarıb.
 
Təbii ki, normativ vermək vacibdi, hakimlərin formada olması şərtdi. Lakin ilin-günün bu vaxtında ədalət təmsilçilərini test etmək özü anormaldı. Hakimlər normativi ildə 2 dəfə verir və bu, mövsümün startında, eyni zamanda qış fasiləsində olur. Çempionatın gedişində, hətta finişə bir ay qalmış qəfil yoxlanışın arxasında məkr olmalıdı.
 
Premyer Liqada 2019-cu ildə cəmi 9 hakimin fit çaldığını nəzərə alsaq, yarışı 5 referi ilə yola vermək lazım gələcək. Qarşıda isə çempionluğun, digər medalçıların, son pillənin sahibinin taleyinin həll olunduğu 4 tur və 5 vacib kubok matçı var. İlinə 150 min avro maaş almaqla 3 illik müqavilə bağlayan avstriyalı isə heç kimlə hesablaşmır, hətta AFFA rəhbərliyini də saya salmır, öz bildiyini edir.
 
FƏRİD

 
tarix: 15-04-2019 10:50


 
Xəbər lenti
20.04.2019

01:00   Dörd qolluq heç-heçə

00:41   Meydan sahiblərindən çətin qələbə

00:25   “Bursaspor” yenə qələbəyə həsrət qaldı

00:01   Avroliqada həftənin ən yaxşı futbolçusu bəlli oldu

19.04.2019

23:09  Ələsgərov: “Hədəfimiz qarşıdakı bütün oyunlarda qalib gəlməkdi”

21:24  “Neftçi”ni Ələsgərov sevindirdi - VİDEO

21:15  Elşad Əhmədov: “Həmin epizoda baxmaq lazımdı”

20:56  Bordin: “Qalib gəlsək də, üzüldüyüm məqamlar da var”

20:22  “Neftçi”dən inamlı qələbə

19:55  Samir Abasov: “Bu oyun bütün suallara aydınlıq gətirdi”

19:38  Bakı finalına doğru: Aleksanr Səmədov səfir seçildi

19:02  “Futbolçuya meydanda ehtiyatlı olmağı tapşıra bilmərik”

18:54  “Qəbələ” - “Zirə” matçında 3 qol - VİDEO

18:37  “Neftçi” Petrovu itirdi: 2-ci dəqiqədə

17:53  “Qəbələ” “Zirə”ni məğlub yola saldı

17:44  Mahirdən xəstəxanalıq etdiyi futbolçuya ziyarət – FOTO

17:35  Kapitanın 150-ci oyunu

17:14  “Qəbələ”də Bezotosnı şoku

17:03  ÇL-də həftənin ən yaxşı futbolçusu açıqlandı

16:41  Mədətovla Medvedevdən yubiley

16:22  “Qarabağ”dan mövsümün rekordu

16:04  Maksim Medvedev: “Bu sürprizi çox bəyəndim”

15:42  “Qarabağ”ın təxirə salınan matçının vaxtı bilindi

15:25  Premyer Liqada 26-cı turun oyun cədvəli

14:54  Birinci Divizion: Növbəti turun oyun cədvəli açıqlandı

14:26  Maksim Medvedevin 400-ü - FOTOLAR

13:55  “Valensiya”lı mövsümü erkən başa vurdu

13:05  Paytaxt klubunda ciddi itki

12:46  “Çelsi”də yeni rekordçu

12:23  “FC Baku” oyun alveri edib? – AFFA-dan gözlənilməz qərar

12:00  Avroliqada həftənin ən yaxşısı adına 4 namizəd

11:42  Qaliblər mükafatlandırıldı

11:21  Region Liqası: Yarımfinal oyunlarının vaxtı bilindi

11:01  “Qəbələ”dəki yerdəyişmə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az