(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Ayxan Abbasov: “Ayrılmaq istəyim nəticələrə görə deyildi”

Ayxan Abbasov: “Ayrılmaq istəyim nəticələrə görə deyildi”

“Kubokda səbrli və dözümlü olan komanda turu keçir. Cütün favoritini göstərməkdə çətinlik çəksəm də, öz komandama inanıram”.

Futbolinfo.az xəbər verir ki, bunu “Report”a “Sumqayıt”ın baş məşqçisi Ayxan Abbasov Azərbaycan Kubokunun yarımfinalında evdə “Sumqayıt”a qarşı keçirəcəkləri ilk oyun barədə danışarkən deyib.

38 yaşlı mütəxəssis aprelin 23-də “Kapital Bank Arena”da baş tutacaq oyunun Avropa Liqasına vəsiqə baxımından önəmli olduğunu söyləyib. O, yarışın favoritini də açıqlayıb: “Ən çətini bizim cütlükdür. Həm “Sumqayıt”, həm də “Zirə” tarixlərində ilk dəfə final həyəcanı yaşaya, rəqibin baş məşqçisi Samir Abasovla mənim vaxtilə rəhbərlik etdiyimiz komandalara qarşı oynayacağımız isə mətbuat üçün maraqlı ola bilər. Amma özüm üçün bu mövzu keçmişdə qalıb. İndi hər ikimiz öz komandamıza köklənmişik. Avrokuboka düşmək üçün son şansımızdır. Durumun fərqindəyik. Çalışacağıq ki, finala adlayan biz olaq. “Qəbələ” ilə “Qarabağ” digər cütü təşkil edirlər. Ağdam klubu çempionatda liderdir. Bu komandanı kubokun da favoriti saymaq olar. Hər halda məsələyə real yanaşsaq, “Qarabağ” üstün görünür".

Abbasov deyib ki, hazırda Azərbaycandakı futbol matçlarında ev - səfər prinsipi böyük önəm daşımır: “Əlbəttə, öz azarkeşlərimiz önündə oynamaq üstünlükdür. Lakin hazırda Azərbaycanda ev - səfər prinsipi bir qədər arxa planda qalıb. Əvvəllər Lənkəran, Tovuz, Şəmkir və digər bölgələrə səfərlərdə fərqi hiss edirdik. Amma bu gün görünür ki, Bakıda belə bir problem yoxdur. İstənilən komanda səfərdə də rahat qalib gəlir”.

Peşəkar Futbol Liqası (PFL) Azərbaycan Kubokunun finalını mayın 19-da Naxçıvanda təşkil etmək istəsə də, klublar bunun əleyhinədir. “Sumqayıt”ın baş məşqçisi də həlledici görüş üçün başqa stadionu məqbul sayır: “Final oyunu bir şəhərdə olursa, növbəti dəfə başqa şəhərə təşkil etmək olar. Naxçıvanda şərait ideal deyil ki, tez-tez ora üstünlük verilsin. 2017-ci ildə final orada olub. İndi həlledici matçı Gəncə və ya Tovuzda da təşkil etmək olar. Lakin qərarı PFL verir. Seçimi də bu qurum edəcək”.

Baş məşqçinin fikrincə, hazırda digər komandalar “Sumqayıt”dan üstündürlər: “Ötən ilin dekabrında “Neftçi”ni Azərbaycan Kubokunun 1/4 finalında keçmək bizim üçün böyük uğur idi. Ancaq sonradan eniş oldu. Qış fasiləsində rəqiblərin güclənməsi vəziyyətə təsir etdi. Bir müddət əvvəl “Sumqayıt”dan ayrılmaq istəyim nəticələrə görə deyildi, başqa səbəblər vardı. Bura gələndən çalışmışam ki, ab-havanı, bəzi baxış və fikirləri dəyişək. Bəli, vuruşuruq, uşaqlar da çalışır, amma digər komandaların üstünlüyü bizdən çoxdur. Söhbət təkcə legionerdən getmir. Məsələn, “Zirə”də 11 əcnəbi var, lakin komanda 6-cı yerdədir. Yaxud “Keşlə”nin 8 legioneri var, amma komanda son sıradadır. Mövsüm bitəndən sonra rəhbərliklə danışacağıq. Narazı olsalar, başqa məsələ. Komandanı elə vaxtda götürmüşdük ki, böyük dəyişiklik edə bilmədik. Üstəlik, geniş seçimimiz də yoxdur. Gəldiyim gündən mənim olmayan komandaya tez bir zamanda uyğunlaşmağa çalışmışam. Hazırda bəzi işlər gedir. Əsas məsələ seleksiyadır. İlk növbədə, məqsədimizi təyin etməliyik. Ondan sonra problemləri həll etmək olar”.

Gənc mütəxəssis “Zirə” ilə oyun ərəfəsində müdafiəçilər - Vurğun Hüseynov və Arif Daşdəmirovun cəzalı olduğunu, yarımmüdafiəçi Ehtiram Şahverdiyevin isə zədədən əziyyət çəkdiyini də diqqətə çatdırıb.

Qeyd edək ki, “Sumqayıt” – “Zirə” matçı 18:30-da başlayacaq. Bu komandalar arasında cari çempionatda baş tutmuş 4 oyundan 3-də qəsəbə təmsilçisi qalib gəlib - 3:1, 1:0, 2:0, 0:1. 


 
tarix: 22-04-2019 18:00


 
Xəbər lenti
22.07.2019

13:00   “Qarabağ”ı təhlil etmişik, yenə də edəcəyik”

12:37   “Napoli”ni “Benfika”ya dəyişdi

12:16   295 minə aldı, 16 milyona satdı - “Fənərbaxça”

11:47   Qaret Beyl dünyanın ən çox qazanan futbolçusuna çevrilir

11:30   “Qarabağ” Avroliqada kimlə qarşılaşa bilər? - YENİLƏNİR

11:20   “Neftçi” və “Qəbələ”nin potensial rəqibləri bilinir - YENİLƏNİR

11:10   “Qarabağ”ın potensial rəqibi məlum olur - YENİLƏNİR

11:00   AFFA-da dava: əlbəyaxa oldular

10:47   Qeye “Neftçi” ilə anlaşıbmış

10:28   PAOK-dan Super Liqa klubuna

10:15   Gürcülərlə oyunda - “Qəbələ” diqqətli olmalıdı

10:00   Fransalı futbolçu London klubunda

09:48   AFFA-nın sentyabr planı: Yurçeviç qurban veriləcək

09:34   Baş məşqçinin ürəyi getdi, oyun dayandı - VİDEO

09:23   Milli komandada baş məşqçi istefası

09:11   Əsgərov üçün 61 dəqiqə və 1 xal

09:00   Milli məşqçiləri narazıdı: hərəsi bir cür aldadılıb

00:15   Premyer Liqada yay bazarlığı - YENİLƏNİR

21.07.2019

23:46  Millimiz İspaniyaya böyük hesabla uduzdu

22:35  “Meydandakı mübarizə bizi qane etsə də, səhvlərimiz də var idi”

22:23  Şeydayev 1 hissə oynadı, “Dinamo”...

21:30  Əli oynamadı, “Dauqavpils” darmadağın oldu

20:20  “Sumqayıt”dan Rumıniya klubu ilə məhsuldar heç-heçə

18:43  Emil Balayevli “Tobol” 5 qola üzüldü - VİDEO

17:32  Xudiyevlə Hacıyevə UEFA-dan yeni təyinat

17:00  “Atletiko” braziliyalı ilə rəsmən vidalaşdı

16:30  “Qəbələ” “Feyenoord” və “Olimpiakos”a rəqib ola bilər

16:00  “Qarabağ”la oyuna biletlər bir gündə satıldı

15:27  “Neftçi” “Trabzonspor”la qarşılaşa bilər - Avroliqa

14:18  Emil Balayev baş məşqçisiz qaldı

13:39  “Neftçi” - “Speranta” matçının ən yaxşısı bilindi

13:35  Beyl “Real”dan gedir - Zidan açıqladı

13:00  Millimizin üzvü Avstriya klubunda - FOTO

12:45  “Qəbələ” “Dinamo” ilə oyuna Bakıda hazırlaşır

12:31  “Qəbələ” - “Dinamo” matçında şotlandiyalı hakimlər

12:00  Kökcü Türkiyə millisini seçdi

11:40  “Qəbələ” Avroliqa üçün 26 futbolçu sifariş etdi

11:30  “Roma”dan yeni transfer - RƏSMİ

11:00  Əliyev üçün 58 dəqiqə və 3 xal

10:47  İsrafilovsuz qələbə

10:30  “Traktor” Super Liqa klubuna qalib gəldi

10:00  Nazarov üçün 45 dəqiqə və heç-heçə

09:30  Millimizin futbolçusu İngiltərə klubunda qol hesabını açdı

09:14  Asif Məmmədov klub tapdı

09:00  İbrahimov sistemin təkmilləşməsini gözləyir: “Hələlik markanı yaratmaqla məşğuluq”

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az