(+994) 050 678 37 80
(+994) 070 534 65 52

qaynar xətt

Elxan Məmmədov “Futbolinfo”nun xəbərini təsdiqlədi: “Əşyalar anbara qaytarılıb”

Elxan Məmmədov “Futbolinfo”nun xəbərini təsdiqlədi: “Əşyalar anbara qaytarılıb”

AFFA xəbərimizi təsdiqlədi. Düzdü, bunu oğurluq yox, oğurluğa cəhd kimi qiymətləndirdilər, lakin əsas odu bacadan tüstü çıxdığını gizlətmədilər.
 
AFFA-nın anbarından oğurluq edildiyini və bunu mühafizə xidmətinin əməkdaşlarının reallaşdırdığını xəbər vermişdik. Məsələyə münasibət öyrənmək üçün baş katib Elxan Məmmədova müraciət etdik. Qurumun mətbuat katibi Firuz Abdulla assosiasiya rəsmisinin fikirlərini bizə çatdırdı.
 
Baş katib belə bir halın yaşandığını bildirib: “Mühafizədə çalışan həmin şəxslər AFFA-nın əməkdaşları deyil, xidmət göstərən şirkətin nümayəndələridi. Həqiqətən belə bir cəhd olub. AFFA-nın anbarına daxil olmağa çalışıblar. Lakin mütəmadi yoxlama olduğuna görə qarşısı alınıb. Həm videomüşahidə sistemi vasitəsilə nəzarət var, həm də müvafiq komissiya mütəmadi yoxlama aparır. Götürülməyə cəhd olunan əşyalar anbara qaytarılıb. Xidmət göstərən mühafizə şirkətinə əməkdaşlarının davranışı ilə bağlı məlumat verilib. Onlar da AFFA-da və quruma bağlı obyektlərdə çalışan əməkdaşlarını xidmətdən geri çağırıb”.
 
Firuz bəyin dediyinə görə, hazırda assosiasiyada mühafizəni adını çəkmədiyi həmin şirkət təmin etmir: “Hazırda AFFA-da həmin şirkətin əməkdaşları yoxdu. Gələcəkdə necə olacağını bilmirik. Çünki müqavilə var, onun ləğvinin və ya davam etməsinin necə təmzilənəcəyi hələlik dəqiqləşməyib”.
 
AFFA olayla bağlı hüquq-mühafizə orqanlarına müraciət etməyib: “Bizim əməkdaşlarımız olmadığı üçün hüquq-mühafizə orqanlarına müraciət etməmişik, öz işçilərimiz olsaydı, bunu dərhal edərdik. Biz həmin şirkətə məlumat vermişik, davamını özləri tənzimləyəcək”.
 
Beləliklə, daha bir xəbərimiz təsdiqləndi. Düzdü, AFFA xəbəri qismən fərqli təqdim etməyə, olayın böyüməsinin qarşısını almağa çalışır. Əsas olan informasiyanın doğruluğu, xoşagəlməz olayın həqiqətən baş verməsidi. Qarşısının alınması isə sevindirici haldı.
 
Lakin yuxarıda təqdim etdiyimiz açıqlamalarda bir-birini “döyən” məqamlar var. “AFFA-nın anbarına daxil olmağa çalışıblar... Götürülməyə cəhd olunan əşyalar anbara qaytarılıb” açıqlaması qəribədi. Əşya anbara qaytarılıbsa, deməli, götürülübmüş. Yox, götürülməyə cəhd edilibsə,o zaman götürülməyən şeyin geri qaytarılması mümkün deyil, o zatən orada imiş, onu götürməyə cəhd ediblərmiş.
 
Məmmədovun təzadlı açıqlaması olayın “yatırılması” məqsədi daşıyır və başadüşüləndi. Ən doğrusu, bizim yazdığımızdı. Çünki həqiqətən müəyyən inventarlar anbardan çıxarılıb. Onların necə geri qaytarıldığı, ümumiyyətlə, qaytarılıb-qaytarılmadığı AFFA-ya aid məsələdi. Mühafizə xidməti dəyişdirilibsə, deməli, cinayətin üstü açılıb və əməkdaşlığı dayandırmaq üçün əsas var.
 
Baş katibin “beləbir cəhd” açıqlaması isə yadımıza “Kəpəz”i saldı. Gəncə klubunun Müşahidə Şurasının üzvü Mikayıl Nərimanoğlu postundan qovulanda maliyyə yeyintisinə yol verdiyi aydın idi. Lakin sonradan bunu pul oğurluğu yox, oğurluğa cəhd kimi qiymətləndirdilər. Eyni ssenaridi...

 
tarix: 26-04-2019 19:38


 
Xəbər lenti
17.11.2019

01:50   Xorvatiya, Almaniya, Hollandiya və Avstriya AÇ-2020-də!

16.11.2019

23:55  Nikola Yurçeviç: “Penalti verilsəydi, fərqli nəticə ola bilərdi”

23:29  Rayan Giqqz: “Hesab qənaətbəxşdi”

22:53  Millimiz Uelsə də məğlub oldu

22:00  “Rəqibdən daha çox qaçdıq, mübarizə apardıq”

19:03  “Səbail” “Qəbələ”yə yoxlama matçında da uduzdu

18:39  “Qarabağ”la oyuna tam hazır olmağa çalışacağıq”

18:29  “Futbolçularda istədiyimizi görə bildik”

18:11  “Keşlə” yoxlama oyununda darmadağına sevindi

18:04  Millimiz Almaniyaya məğlub oldu

16:51  “Sumqayıt”la “Zirə”dən heç-heçə

16:30  Mançini İtaliya millisinin tarixinə düşdü

15:27  “Zirə”nin legioneri millidə 90 dəqiqə oynadı

15:00  Seydiyev “Zirə”yə keçidi barədə danışdı: “Transferimlə menecerim məşğul olur”

14:42  Volkov nə təsdiq, nə də təkzib etdi

14:20  Slovakiya - Azərbaycan matçı ukraynalı hakimlərə tapşırıldı

14:15  Millimizin rəqibi Uruqvaya məğlub oldu - VİDEO

13:16  Antonio Konte təhdid olundu – Gülləli məktub

12:42  İsveçi AÇ-2020-yə daşıyan qələbə - VİDEO

12:21  “Bavariya”nın baş məşqçisi bəlli oldu - RƏSMİ

12:01  Danimarka yığmasından 6 cavabsız qol - VİDEO

11:41  İtaliya yığmasından ardıcıl 9-cu qələbə - VİDEO

11:27  İspaniya yığmasından 7 cavabsız qol - VİDEO

11:03  Volkov “Keşlə”yə gedir

10:44  “Bavariya”da 40 illik dönəm başa çatdı

10:03  Argentina Braziliyanı Messinin qolu ilə məğlub etdi - VİDEO

09:36  Finlandiya yığmasından tarixi uğur

09:00  Avro-2020: Türkiyə gəlməsə, xoş mənzərə olmayacaq

01:48  İsveçlə Finlandiya da AÇ-2020-də!

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az