(+994) 050 678 37 80
(+994) 070 534 65 52

qaynar xətt

Sürpriz finalçılar

Sürpriz finalçılar

Mövsüm başlayanda ölkə kubokunun finalında “Qəbələ”ylə “Sumqayıt”ın oynayacağını çox az adam proqnozlaşdırardı. Təbii ki, “Qarabağ”la “Neftçi”dən ən azı birinin həlledici matça vəsiqə qazanacağı, hətta titula yiyələnəcəyi daha inandırıcıydı. Amma kubok yarışı fərqlidi, burada seçilən düzgün strategiya məqsədə çatmağa kömək edir.
 
 “Qəbələ” və “Sumqayıt” bu finala layiq idi. Çünki onlar favoritləri özləri sıradan çıxardılar – “Sumqayıt” hələ qışa kimi “Neftçi”ni dayandırmışdı, indi də “Qəbələ” çempionatın liderini finalsız qoydu.
 
“Qəbələ” bir az da bəxt sayəsində buna nail oldu. “Qarabağ” dünən rəqibindən qat-qat üstün oynadı, sadəcə, qol fürsətlərini boşa verdiyi üçün cəmi 2 dəfə toru silkələdi. Səfərdə 0:1 hesabıyla uduzan ağdamlılar 1 saat tamam olmamış bunun əvəzini artıqlaması ilə çıxmışdı. Yarımmüdafiə xətti əla görünürdü, müdafiə isə təzyiqdən uzaq qalmışdı. Yalnız standart vəziyyətlər zamanı “Qəbələ” rəqib azarkeşləri həyəcanlandırırdı.
 
Bir anlıq arxayınlaşma isə “Qarabağ”ın başına bəla oldu. Donald Geryə arxaya ötürmə edərkən səhvə yol verdi və Davit Volkov şansı qaçırmadı. 1:2 hesablı məğlubiyyət qonaqları qane etdiyindən qalan dəqiqələrdə onlar ustalıqla vaxt “öldürdülər”.
 
“Qarabağ” bu mövsüm də qızıl dubl edə bilməyəcək. Çempionluğu rəsmiləşdirmək üçün günlər sayan ağdamlılar ölkə kubokunu başqasının qaldırmasına imkan verdilər. Ardıcıl 2-ci il finala çıxan “Qəbələ”ninsə rəqibi yenə autsayder olacaq. Ötən il Qəbələdə çempionatın 7-cisinə boyun əyən “qırmızı-qaralar” bu dəfə də sondan 2-ci olanla üz-üzə gələcək.
 
“Sumqayıt” tarixində ilk dəfə final oynayacaq. Bu matç avrokuboklara sonuncu vəsiqənin sahibini də müəyyən edəcəyindən Naxçıvandakı duel çox maraqlı olacaq. Bəlkə də Ayxan Abbasovun yetirmələri finala yüksəlməklə boyundan hündürə tullanıb, lakin daha yaxşısına şans varkən sonadək mübarizə aparacaqlar.
 
“Zirə” ilk oyunda səfərdə qolsuz heç-heçəyə razılaşarkən üstünlük qazanıbmış kimi görünürdü. Lakin evdə buraxılan hər qolun əvəzini artıqlaması ilə çıxmaq lazım olduğundan ehtiyatlı oynamaq gərək idi. Qismətdən qonaqlar hələ 19-cu dəqiqədə arzusuna çatdı, fasiləyə yollanarən isə Peyman Babayi het-trik müəllifi idi.
 
Samir Abasov oyunu düz qurmamış, düzgün heyət seçməmişdi. Hələ fasilə ərəfəsində bunu başa düşdü, 2 dəyişikliyi birdən etdi. İkinci hissə başlayan kimi “Zirə” dəyişilmiş oyun tərzinin faydasını gördü. Amma baş məşqçinin çoxdan siyahıdan sildiyi, indisə məcburiyyətdən oynatdığı Pərdis Fərcad-Azadı 47-ci dəqiqədə vurduğu qolun davamı çox gec gəldi. Ayxan Abbasov bütün komandanı müdafiəyə çəkəndən sonra “qartallar” riskə getdi, meydanda 3 müdafiəçi saxladı. Ardıcıl hücumlar 84-cü dəqiqədə növbəti qolla nəticələndi, son saniyələrdə isə hesab bərabərləşdi. Bəlkə də daha bir neçə dəqiqə “Zirə”nin qələbə qoluna səbəb olacaqdı, lakin zaman yetmədi və qəsəbə təmsilçisinin avrokubok həsrəti uzandı.
 
Bu matçı Abbasovla Abasovun dueli kimi də dəyərləndirmək olar. Samir bəy yerli futbolçularla işləməkdən bezib “Sumqayıt”dan qaçmışdı və legionerlərdən qurulan güclü heyət istəyirdi. Ayxan bəy isə əks marşrutla yollanmışdı və daha zəif komandanın başındadı. Lakin yenə də qələbə qazanan Abbasov oldu. Deməli, güclü heyət hələ qələbə demək deyil. Daha çox işləyən, daha çox əzyyət çəkən sevinir.
 
Abbasovun qışda heyətə gətirdiyi oyunçular özünü doğruldub. Amma eyni sözləri rəqib haqda da demək olar. Xüsusilə Əmir Ağayev və Peyman Babayi Ayxan bəyin üzünü ağ edən oyunçulardı. Elitada qalmaq problem böyük ölçüdə həllini tapmaq üzrədi. Finala vəsiqəni isə bonus saymaq olar.
 
Bu yerdə “Sumqayıt” rəhbərliyi də alqışlanmalıdı. Onların ən böyük uğuru ən çətin vaxtlarda Abbasova arxa çevirməmələri, inanmaları oldu və bu gün həmin addımın xeyrini görürlər. “Sumqayıt” tarixinin ən böyük uğuruna yaxındı. Abasov isə özünü sübut etmək üçün gələn mövsümü gözləyəcək.
 
Gənc məşqçilərin finaldakı dueli maraqlı olacaq. Sənan Qurbanov və Ayxan Abbasovun hər ikisi tarixə düşməyin astanasındadı. Onlar həm özlərinin, həm də klublarının ilk titulunu qazanmaq üçün Naxçıvanda tər tökəcək.
 
AĞA

 
tarix: 02-05-2019 09:00


 
Xəbər lenti
21.11.2019

20:24   Ağabala Ramazanov: “Şerif”də oynamaq istəyirəm”

19:40   Ermənistan futbolu başsız qaldı

18:34   Rusiyalı futbolçu Türkiyə klubundan ayrıldı

18:11   “Qarabağ”ın “Sevilya” ilə matçına stadiondan baxmaq istəyənlərin diqqətinə

17:45   Ən sadiq futbolçular

17:14   “Borussiya”dan 250 milyon avroluq anlaşma

16:49   “Kəpəz”dən darmadağın, çempiondan məğlubiyyət

16:27   Sumqayıt şəhər stadionuna 5 milyon manat ayrıldı!

16:16   Neymar sıraya döndü, Mbappe...

15:49   “Real”ın futbolçusunun barmağı sındı

15:10   “Atletiko” Dieqo Kostanı 3 aylıq itirdi

14:33   “Golden Boy” mükafatına son 3 namizəd

14:09   Depay birinci, Ronaldo 10-cu oldu

13:41   UEFA Rumıniya millisi ilə intizam işi açdı

13:16   “Qarabağ” nə “Yuventus”, nə də “Lion"du”

12:44   “Borussiya”lı üçün il bitdi

12:32   “Messi və Ronaldo ilə eyni səviyyədə ola bilərdim, amma bunu istəmədim”

12:17   “Milan”dan İbrahimoviçə 1,5 illik təklif

11:53   “Zirə” ilə matça qələbə üçün çıxacağıq”

11:44   Ronaldonun əvəzinə Mbappe

11:30   "Heç vaxt bu qədər sevinməmişdim"

11:25   Daha bir milli baş məşqçisiz qaldı

11:19   Slavçevin vidası reallaşır

11:00   Milli oyuncaq

10:49   “Bavariya”dan qapıçısı ilə yeni müqavilə

10:34   “Fiorentina”nın futbolçusu 5 min avroya görə döyüldü

10:15   Xayme Romero: “Enişin olması normaldı”

10:00   AÇ-2020-nin püşkatmasını tənqid etdi

09:40   Mourinyonun “Tottenhem”də illik qazancı bəlli oldu

09:27   Milli komandada baş məşqçi istefası

09:14   Məmmədovla “süni müsahibə”

09:00   “Fənərbaxça”da iki ciddi itki

08:46   Şeydayevlə İsrafilov əlbəyaxa oldu: "Sənin kimilər bu formanı geyinməməlidi"

20.11.2019

19:31  “Tottenhem” Poçettinoya nə qədər təzminat ödəyəcək?

19:00  Milli komandada yeni rekordçu

18:30  AÇ-2020: Pley-offun püşkatma tarixi bəlli oldu

18:00  “Genk”də baş məşqçi dəyişikliyi

17:42  “Hamı düşünürdü ki, Azərbaycana 5 qol vuracağıq”

17:20  “Azərbaycana oyuna nəzarət etmək imkanı vermədik”

17:00  AÇ-2020-yə son 4 vəsiqə üçün mübarizə aparacaq komandalar

16:42  Premyer Liqa klubunda baş məşqçi ayrılığı

16:21  AFFA rəsmisi “Reyncers”in oyununda

16:00  “Azərbaycanla oyunda ilk qoldan sonra görəcəyimiz bir iş yox idi”

15:40  Azərbaycanda yeni futbol klubu yaradıldı

15:21  Niyə bu günə düşdük?

15:00  “Bakı”nın sabiq futbolçusu həbs olundu

14:42  “Peruca”nın futbolçusu millimizə çağırıldı

14:21  Milan Şkrinyar: “Qələbəyə heç kim sevinmirdi”

14:00  Boz binada futbol cinayəti

13:43  “Azərbaycan millisi onlara səfərdə işgəncə vermişdi”

13:22  “Qarabağ”ın oyunundan əvvəl musiqili proqram

13:00  Hakimi vuran oyunçuya 10 oyunluq cəza

12:47  Əliyar Ağayev Divizion matçına təyinat aldı

12:30  Premyer Liqada 12-ci turun hakim təyinatları

12:15  Almaniya millisində yeni rekordçu

11:53  Mourinyo rəsmən “Tottenhem”də

11:37  İnqilab Məmmədov DÇ-nin final mərhələsində

11:19  Qərar günü: bundan pisi olmayacaq

11:00  AÇ-2020: Kim, hansı səbətdə olacaq?

10:40  Maradona istefa verdi

10:20  Filip Ozobiç: “Pozitiv olmaq və inanmaq lazımdı”

10:00  “Traktor”un oyunu təxirə salındı – Etirazlara görə

09:30  “Yuventus”da yeni müqavilə

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az