(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
“Neftçi”nin bacarmadıqları

“Neftçi”nin bacarmadıqları

“Neftçi” uzun marafona dözmədi. “Qarabağ” məqam tapan kimi önə keçdi və illərdi qazandığı təcrübədən yararlanıb, növbəti çempionluğu rəsmiləşdirdi.
 
Qaliblər mühakimə olunmur. Zəngin heyət, daha yaxşı maliyyə dayağı, oturuşmuş heyət öz yerində, “Qarabağ” həm də ağıl sayəsində zirvədə qərarlaşdı. Kritik məqamlarda verilən düzgün qərarlar, əla planlama, rəqibin səhvlərindən məharətlə istifadə edilməsi işə yaradı.
 
“Neftçi” 23 tur əlində saxladığı liderliyi itirdiyi üçün yalız özünü qınamalıdı. Evdə “Səbail” və “Sumqayıt”a şok məğlubiyyətlər olmamalıydı. Əsas rəqibi kimi, bakılılar da buna imkan verməməliydi. O zaman hər şey ən azı son tura qalacaqdı, mövsüm ərzində uduzmadıqları ağdamlılarla matçda heç-heçə də kifayət edəcəkdi.
 
Prinsipcə “Neftçi” ötən mövsümlərlə müqayisədə irəliləyişə nail olub. Həm nəticə, həm də oyun planında tərəqqi görünür. Amma bunun bir səbəbi də digər rəqiblərin zəifləməsi, çempionatda rəqabətin azalmasıdı. Lazımi zamanlarda doğru qərarlar vermək lazım idi ki, zirvədə qalasan.
 
“Neftçi” dünən Qəbələdə güclü azarkeş dəstəyi altında oynadı. Paytaxtdan 7 avtobus fanatın səfəri təşkil olunmuşdu. İşə belə münasibət alqışlanasıdı, lakin bunu mövsüm boyu etmək lazım idi. Bakılılarsa əvəzində bəzən azarkeşlərini küsdürdü, bəzən işə səhlənkar yanaşdı. Transferlərdəki yanlışlıqlar da mövsümü major notda başa vurmağa mane oldu. Yaxşı, nöqtə transferlər də gördük, lakin heyət çempion olacaq qədər komplektləşməmişdi, bu yükü çiyinlərində daşıyacaq çempion ruhlu futbolçular az idi. Baqali Dabo, Emin Mahmudov, Soni Mustivar, Mamadu Mbodj kimi oyunçuların sayı daha çox olmalıydı və bunun üçün yetərli imkanlar var idi.
 
Arıtq qatar gedib, indi “Neftçi” radikal islahatlardan qaçmalı, mövcud heyətə əl gəzdirib daha da güclənməlidi. Avropa Liqasında uğurla bu mövsümü unutdurmaq olar. Eyni zamanda gələn mövsüm üçün daha yaxşı heyət formalaşdırmağa imkan var. Roberto Bordin də dərsini alıb, Azərbaycan reallıqlarını öyrənib. İndi hər şeyi dağıtmaq yox, kosmetik dəyişikliklərlə daha yaxşı olmaq lazımdı.
 
“Qarabağ”ın qızıl medalları məhz “Neftçi”nin evində - “Bakcell Arena”da alması bakılılar üçün arzulanmayan sonluqdu. Bu reallıqla barışmaq çətin olacaq, gəl ki, başqa yol yoxdu. Azarkeşlər komandada satqın axtarmaqdansa, məhz bu matçda təsəlli qələbəsi üçün futbolçularla birləşməlidi. Bəlkə də yeni mövsümdəki uğurun təməli elə indidən qoyulmalıdı. “Neftçi”nin ciddi dəyişikliyə yox, güclənməsinə, bütünləşməsinə ehtiyac var.
 
Yeni mövsüm daha maraqlı olacaq. Güclənən “Sabah”, “Səbail” yarışa rəng qatacaq, “Qarabağ” da daha möhkəm komanda olmaq üçün islahatlar aparacaq. Deməli, “Neftçi”nin yenidən formalaşmasına ehtiyac yoxdu. Mövcud heyət, sistem var, onu daha da təkmilləşdirmək lazımdı.
 
CAVAD

 
tarix: 06-05-2019 11:14


 
Xəbər lenti
15.10.2019

01:20   Millimiz İsveçrəyə qarşı - YENİLƏNİR

00:46   Ukrayna AÇ-2020-də, Türkiyədən Fransa ilə heç-heçə

14.10.2019

23:45  “Qarabağ”ın legioneri sıradan çıxdı

20:04  Azər Bağırov “Qəbələ”də - RƏSMİ

19:48  Rudi Qarsiya rəsmən Lion “Olimpik”ində

18:30  Millimizin rəqibinin heyəti açıqlandı

18:00  “Bəlkə də, ömrümün sonuna qədər bunun peşmançılığını çəkəcəm” – Rəşad Sadıqov

17:42  Lion “Olimpik”ində yeni baş məşqçi

17:21  Təsəllin mübarək, AFFA!

17:00  “Qalatasaray”ın sabiq futbolçusu karyerasını başa vurdu

16:40  FIFA referimiz “Yuventus”un oyununda

16:22  Azərbaycanlı azarkeşlərdən etiraz aksiyası: “Xalımızı geri qaytarın”

16:11  Mançininin taleyinə aydınlıq gəldi

15:50  Millimizin rəqiblərindən heç-heçə - VİDEO

15:40  Sadıqov da etiraz etdi: "Daha bu qədər də haqsızlıq olmaz!" - FOTO

15:31  Uçurumun dibində: 2019-da millilərimiz 67 oyuna cəmi 8 qələbə görüb

15:22  "Hiqler Azərbaycan millisini "dəfn etdi" - Avropa mətbuatı

15:06  Fiasko...

14:41  Adı “Sabah”la hallanan məşqçi Polşa klubunu çalışdıra bilər

14:05  Fransa - Türkiyə matçında 40 min türk

13:48  Messi və Aquero yığmaya nə vaxt qayıdacaq?

13:27  “Qarabağ”da aprel şəhidlərinin övladlarıyla 1 gün - VİDEO

13:02  “Əsas odu ki, hələ sağıq”

12:43  Millimizin rəqibi Paraqvayla bacarmadı

12:24  Beyl Azərbaycanla oyunu buraxa bilər

12:01  Rusiya yığmasından Kiprə 5 cavabsız qol - VİDEO

11:45  Bəhlul Mustafazadə: “Top 100 faiz əlimə dəyməmişdi”

11:30  Uels yığması Bakıya itki ilə gələcək

11:15  İtaliya yığmasında itki

11:00  “Dua edirdim ki, hər hansı səbəbdən qol sayılmasın”

10:44  “Qol sayılmayıbsa, buna görə biz üzr istəyəsi deyilik”

10:30  Cavid Hüseynov: “Bu, onsuz da həmişə belə olub”

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az