(+994) 050 678 37 80
(+994) 070 534 65 52

qaynar xətt

Cavad
Natiq Muxtarlı
Tahir Süleymanov
Avrokuboklar üçün bugündən birləşin!

Avrokuboklar üçün bugündən birləşin!

Premyer Liqada mövsüm çempionatın 2 ən yaxşı komandasının görüşü ilə yekunlaşır. Qızıl medal uğrunda layiqli mübarizə aparan “Neftçi”ylə “Qarabağ” 8-ci kilometr stadionunda major notlar vuracaq.
 
Çempion da bəllidi, digər mükafatçılar da. Mübarizə, gərginlik bitib, hamı istirahətə hazırlaşır. Mövsüm boyu əla oyun sərgiləyən komandalar bu gün mükafatlarını alıb, avrokubok hazırlığı üçün fasilə götürəcək.
 
Matç ətrafında ciddi ajiotaj var və çox təəssüf ki, qarşılıqlı ittihamlar, təhqirlərlə müşaiyət  olunur. “Qarabağ”ın qızıl medalları əzəli rəqibinin meydanında alacağı süni gərginlik yaradıb. Oyunun məkanının dəyişdirilməməsi, buna cəhd edən “Neftçi”nin rəqibindən razılıq almaması əsəbləri tarıma çəkib. Bakılılar sanki bunu özünə ar bilir. Halbuki çempionluğun taleyi bu turadək həll olunmasaydı, eyni hal son turda da yaşana bilərdi. O zaman meydan dəyişmək heç kimin ağlına da gəlməzdi.
 
Həm də “Neftçi” öz meydanından niyə qaçmalıdı ki? Ağdamlılarla 3 oyunda 2 heç-heçə, 1 qələbə var, şəxsi görüşlərdə çempiondan geri qalmırlar. Qələbə və ya məğlubiyyət – birini bayram, digərini həzm etməyi bacarmaq lazımdı. Hər iki komandaya bunu ən yaxşı şəkildə etmək yaraşacaq. Hamı istənilən nəticəyə hazır olmalıdı.
 
Peşəkar Futbol Liqasının dünənki bəyanatından bəlli oldu ki, oyunda təhlükəsizliyi təmin etmək üçün bütün tədbirlər görüləcək. Gücləndirilmiş iş rejimində çalışacaq hüquq-mühafizə işçiləri istənilən xoşagəlməz olayın qarşısını almaq üçün hazır olacaq. Hər iki tərəfin azarkeşləri komandaları normal şəkildə dəstəkləyəcəyi halda, hər hansı problem yaşanmayacaq. Lakin asayişin pozulması cəhdi yəqin ki, bir sıra fanatların yolunu polis bölmələrindən salacaq. Bu xoşagəlməzliyə dəyməz.
 
Azarkeşlər ilk növbədə özünü düşünməlidi. Bəli, azarkeşlik, klub sevgisi olmalıdı, lakin bunu ifrat həddə çatdırmaq olmaz. İstənilən yersiz hərəkət elə fanatların özünə problem yaradacaq. Təmkinli olmaq, futbol bayramını pozmamaq gərəkdi. Qonaq fanatlara qıcıqlandırıcı hərəkətlərdən qaçmaq, meydan sahiblərinə səbrlə davranmaq yaraşar. Hər iki tərəf öz komandasını dəstəkləsə, bir yerdə qalibləri alqışlasa, nümunəvi davranış sərgiləmiş olarlar.
 
Əzəli rəqabətdi, təbii ki, sevgi də, nifrət də olacaq. Amma bəlkə elə bugündən birləşmək yaxşı olar. Axı, bir ay sonra hər iki komandanın fanatları avrokuboklarda onsuz da çiyin-çiyinə olacaq, rəqibləri məyus etmək üçün Azərbaycana, Azərbaycan klubuna azarkeşlik edəcəklər...

 
tarix: 11-05-2019 11:29


 
Xəbər lenti
25.05.2019

00:01   “Beşiktaş” mövsümü qələbə, “Qalatasaray” məğlubiyyətlə başa vurdu

24.05.2019

22:01  “Qəbələ” ilk kubokunun təqdimatını edəcək

20:15  İspaniya klubundan Azərbaycan millisinin üzvü ilə yeni anlaşma

19:47  Françesko Toldo ilə Maykl Ouen Bakıda

18:06  “Sabah”da yeni məşqçi təyinatları

17:40  Şenol Günəş Türkiyə millisinin heyətini açıqladı

17:12  Premyer Liqa klbunda 3 illik müqavilə

16:47  “Arsenal” Bakı finalından sonra onunla yolları ayıracaq

16:24  PSJ-nin futbolçusu əməliyyat olundu

15:51  “Liverpul” UEFA-dan narazıdı

15:32  Venger də Bakı finalından danışdı

15:17  Elşad Əhmədov: “Onun taleyinə rəhbərlik qərar verəcək”

14:53  “Ayaks”da 3 illik müqavilə

14:32  “Sumqayıt”ın son mövsümdə vurduğu bütün qollar - VİDEO

14:15  “Azarkeşlər Bakıdakı finaldan zövq alacaqlar”

13:54  “Qəbələ” Qriqorçukun bütün kadrlarını göndərdi

13:36  “Sevilya”da italiyalı baş məşqçi

13:07  “Sumqayıt” geridə qalan mövsümdə - STATİSTİKA

12:49  Emil Balayev ən yaxşılar arasında

12:24  Bakı finalına doğru: Azarkeşlər üçün VİDEObələdçi

12:00  Azərbaycanlı hakimlərə beynəlxalq təyinat

11:47  Marçello Lippi yenidən milli komandada

11:31  Bakı finalına doğru: “Görüşə Premyer Liqa oyunu kimi hazırlaşırıq”

11:22  PSJ-də Neymar - Mbappe gərginliyi: İkisindən biri gedir

11:11  Meneceri Petrovu Kiyev “Dinamo”suna layiq bilir

11:00  Braziliya millisinin sabiq forvardı karyerasını başa vurdu

10:33  “Bavariya” finala ciddi itkilərlə çıxacaq

10:00  Almaniyalı futbolçu İtaliya klubunda

09:30  “Ştutqart”dan ilk oyunda heç-heçə

09:00  Serbiya kubokunun qalibi bəlli oldu

00:25  Premyer Liqada yay bazarlığı - YENİLƏNİR

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az