(+994) 050 678 37 80
(+994) 070 534 65 52

qaynar xətt

Cavad
Natiq Muxtarlı
Tahir Süleymanov
Mahir Mədətov: “Ən böyük problem transfer haqqıdı”

Mahir Mədətov: “Ən böyük problem transfer haqqıdı”

“Əslində bombardirlik ikinci planda idi. Çünki bu, əvvəlcədən məlum idi. Sadəcə, bu gün "Neftçi"yə uduzmağımızı istəmirdim. Onlara qalib gəlməyin həzzi başqadır. Çünki bu, derbidir. Sevinirəm ki, qalib gəldik və çempion olduq. Çempion ola bilməsəydik, əziyyətimiz yerdə qalacaqdı. Komandamız bunun üçün çox əziyyət çəkmişdi". 

Futbolinfo.az xəbər verir ki, bunu "Qarabağ"ın futbolçusu Mahir Mədətov səfərdə "Neftçi"yə 3:2 hesabı ilə qalib gəldikləri Azərbaycan Premyer Liqasının 28-ci tur matçından sonra jurnalistlərə müsahibəsində deyib. 

Ən yaxşı bombardir üçün nəzərdə tutulan mükafatı da alan Mədətov digər sualları da cavablandırıb:

- Qış fasiləsindən sonra oyununuzda irəliləyişlər nə ilə əlaqədardır?
- Ailə problemlərim artıq heç kimə sirr deyil. Hər şeyin başında bu durur. Sadəcə, gördüm ki, iş burdadır, ailə burdadır. Tənzimləmək istəyirdim. Amma gördüm ki, həm ordan, həm də burdan oluram. Kapitanımız Rəşad Sadıqova və baş məşqçimiz Qurban Qurbanova bu haqda danışdım. Onlar da dəstək olduqdan sonra oyunumda artıma nail oldum.

- Mövzudan söz düşmüşkən, sosial şəbəkələrdə paylaşılan şəxsiyyət vəsiqəsi sizə məxsusdur?
- Bəli. Babamın adı Emrelini özümə soyad götürmüşəm. Bu, anamın soyadı deyil. Babam yarı avar, yarı azərbaycanlı olub. Ailəmizdə bu soyad bir dayım oğlunda, bir də məndədir.

- Bu problem gələcək karyeranıza psixoloji təsir göstərməyəcək?
- Xeyr. Mənim vəzifəm anamın, bacımın yanında olmaq idi. Bundan sonra da belə olacaq. Onlara sahib çıxmalıyam. Sadəcə, hər şey ani olduğu üçün şok keçirdim.

- Adətən, belə problemlər olduqda futbolçuda eniş baş verir. Amma sizdə bu cür hal müşahidə olunmadı...
- Eniş getsəydi, anam və bacım çox pis olardılar. Gözlərini mənə dikiblər, onlar üçün çox vacibəm. Eləcə də onlar mənim üçün. Çalışıram ki, öz işimlə onları da sevindirim.

- Qızıl medalı da onlara həsr edirsiniz?
- Hər şeyi. Çempionluğu da, bombardirliyimi də.

- Gələcək mövsüm formanızda "Emreli" yazılacaq?
- Xeyr, Mahir. Artıq soyad məsələsini unudaq.

- Mövsümün gedişində Yunanıstan AEK-inə keçəcəyinizə dair xəbərlər yayılmışdı...
- Bunu yeni mövsümdə görəcəyik. Ola bilər ki, xaricə üz tutum. Avropada yaxşı klub, oynaya biləcəyim yer olsa, can-başla gedərəm. AEK isə məni hələ "Kopenhagen"ə qalib gələrək, Çempionlar Liqasına vəsiqə qazandığımız vaxt istəyirdi. Son olaraq, rəsmi təklif göndərdikləri vaxt mövsümün ikinci hissəsinə 3 gün qalırdı, "Neftçi" ilə oyuna hazırlaşırdıq. Hələ "Qarabağ"la 1 illik müqaviləm var. Ən böyük problem transfer haqqıdı.

- Sizcə, AEK lazımi məbləği verməz?
- Verər. Sadəcə, fikirləşirlər ki, Azərbaycan çempionatıdır. Amma bir nüans da var ki, Avropada nadir hallarda eyni klub ard-arda 5 il avrokuboklarda qrup mərhələsinə vəsiqə qazanır. "Qarabağ" kiçik yox, hörmətə layiq klubdur. Ona görə də klubumun məndən ötrü transfer məbləği istəməyə tam haqqı çatır.

- Son oyunlarda "Qarabağ"ın lideri kimi görünürdünüz...
- Bunu hiss etmisinizsə, nə xoşdur mənə. (Sportnet)


 
tarix: 11-05-2019 22:04


 
Xəbər lenti
22.05.2019
21.05.2019

21:29  Fariz Nəcəfov: “Bu qələbə bir ay ərzində görülmüş işin nəticəsi deyil”

20:51  AFFA-dan Mxitaryan açıqlaması: “Bu, finalın möhtəşəmliyinə heç bir şəkildə mənfi təsir göstərməyəcək”

19:07  Yurçeviç: “Dəyişikliyə ehtiyac görmürəm”

18:44  “Neftçi”nin futbolçusu Qvineya millisinə dəvət aldı

18:26  Fransa klubu baş məşqçi ilə bağlı qərarını açıqladı

17:44  Premyer Liqada mövsümün qolu - VİDEO

17:14  Avropa Liqasının kuboku Cocuq Mərcanlıda

16:54  Bakı finalı öncəsi yeni müqavilə

16:37  La Liqa klubunda yeni baş məşqçi

16:15  “Araz”ın ÇL-dəki rəqibləri nə vaxt müəyyənləşəcək?

15:53  Bakı finalına doğru: “Arsenal” üçün fantastik mükafat

15:34  Finala görə “Tarqovı”ya giriş məhdudlaşdırılır

15:11  “Arsenal” rəsmən açıqladı: Mxitaryan Bakıya gəlmir!

14:52  “Keşlə” - “Neftçi” matçında 7 qol

14:35  Bakı finalına doğru: Bilet satışında 4-cü mərhələ

14:16  Almaniya millisinin üzvü “Borussiya”da

13:55  Dadaşovun komanda yoldaşı Bundesliqa klubunda

13:33  Bombardir milli karyerasını başa vurdu

13:12  Final “Sumqayıt”a 1600, “Qəbələ”yə 800 manata başa gəldi

12:53  “Trabzonspor”lu futbolçu seçim qarşısında: Azərbaycan, yoxsa Türkiyə?

12:44  La Liqanı tərk edən klub baş məşqçisini qovdu

12:31  “Keşlə” daha bir futbolçuyla anlaşdı - RƏSMİ

12:22  Unudulmuş “Bakı” mövsümə bombardirləri ilə damğa vurdu

12:14  Bakı finalına doğru: Mavi rəngli qanı olan Jiru

12:05  Yurçeviç media önünə çıxır

11:55  “Qəbələ”dən Makedoniyaya

11:48  Azərbaycan millisinə 23 futbolçu çağırıldı

11:42  "Çelsi"də Sarrini Lempard əvəz edir

11:35  "Arsenal" Mxitaryanla bağlı qərarını bu gün açıqlayacaq

11:29  “Mançester Siti”də mövsümün ən yaxşısı açıqlandı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az