(+994) 050 678 37 80
(+994) 070 534 65 52

qaynar xətt

50 manatlıq ajiotaj

50 manatlıq ajiotaj

“Neftçi”  bir tura 250 min manat qabağa düşdü və bu, klubun gələn il açıqlayacağı maliyyə hesabatında mütləq əksini tapmalıdı. Bakılılar “Qarabağ”la son tur matçına biletlərin qiymətini 50 manata qaldırsa da, qarşılaşmanı izləmək üçün 5000 nəfər “Bakcell Arena”ya təşrif buyurdu və qaliblərin mükafatlandırılması mərasimini canlı izlədi.
 
“Neftçi”nin bilet qiymətlərini 50 dəfə qaldırması sosial şəbəkədə çox müzakirə olundu, klub tənqid edildi. Qəfil qərar gülməli görünə bilər, amma insaf naminə oyuna marağı, ajiotajı artırdığını deməliyik. Rəqabətə vurulan yeni naxış klubların meydandankənar mübarizəsində yeni dövrü başlatdı. Gələn mövsüm bu komandaların duelləri daha maraqlı alınacaq.
 
Doğrusu, hamının stadiona azarkeşin gəlməməsidən şikayətləndiyi bir zamanda bilet qiymətlərindəki bu artım mənfi effekt verməliydi. 1 manatlıq bilet almağa imkanı olmayan və ya almaq istəməyən insanların 50 manatında keçəcəyi mümkünsüz idi. Lakin qıcıq doğuran təşəbbüs əks dalğaya səbəb oldu, “Qarabağ” azarkeşlərinə jest edib 700 bileti birdən aldı. Bakılılarla prinsipə düşdülər və klub 35 min manatından keçməklə həm dəstəksiz qalmamasını təmin etdi, həm də azarkeşləri ilə münasibəti daha da yaxşılaşdırdılar, möhkəmləndirdilər.
 
“Neftçi” bu mövsüm 23 tur ərzində “Qarabağ”dan öndə oldu, bəzən boyundan yuxarı tullandı, imkanlarından maksimum istifadə edib, çempionluq yarışına rəng qatdı. Mövsümün ilk 3 oyununda 1 qələbə, 2 heç-heçəylə əsas rəqibindən üstün olan “ağ-qaralar”ın öyünməyə haqqı var idi. Lakin çempionatın sonluğu fərqli məcrada keçdi.
 
“Qarabağ” çempion oldu, kuboku əsas rəqibinin meydanında qaldırdı, prinsipial görüşdə qələbə, bilet olayında psixoloji üstünlük qazandı. Bu azmış kimi hətta bombardir də Ağdam klubunun üzvü oldu – Mahir Mədətov Baqali Daboyla əyani mübarizədə qalib gəldi.
 
Oyunda “varlığını hiss etdirən” təcrübəsiz hakimlər, qonaqların kapitanı Rəşad Sadıqovun son hadisələrdən sonra əsəblərinə hakim ola bilməyib rəqib futbolçularla, onların baş məşqçisi Roberto Bordinlə meydanda atışması, eyhamlı jestləri maraqlı idi. Bu çılğınlığına görə Rəşadın fasilədə əvəzlənməsi, indiyədək bir neçə nəfərlə eyni münaqişəni yaşayan, həmişə də barışığa gedən italiyalının yenə eyni addımı atması, kuboku qaldırmaq üçün ABŞ-dan çağırılan ağdamlıların sabiq futbolçusu Ansi Aqolli – matçda belə epizodlar çox oldu. Və  solğun keçən mövsüm “Neftçi”nin bizə görə çox qeyri-adi qərarından sonra əla bitdi. Çempionatda belə olaylar olmayınca hansısa azarkeş marağından, rəqabətdən danışa bilməyəcəyik.
 
Oyun göstərdi ki, təhlükəsizliklə bağlı narahatlıq əbəs imiş. PFL yenə təşkilatçılıq məsələlərində səriştəli, hüquq-mühafizə işçiləri asayişin təmin olunmasında bacarıqlı olduğunu göstərdi. Heç bir qanqaraldıcı hadisə yaşanmadı, şüarlar səslənmədi, yalnız “Neftçi” fanatlarının mükafatlandırmanı gözləmədən tribunaları tərk etməsi yaxşı olmadı ki, onları da başa düşmək olar.
 
İndi bakılıların protokolda yazılan 5000 rəqəminin hesabatını necə verəcəyi maraqlıdı. Bilet qiymətləri ilə yanaşı, “Qarabağ”ın çempionluğunun dəyəri də artdı. 35 min manatı ağdamlılar ödədi, bəs, qalan biletlər?..
 
FƏRİD 

 
tarix: 12-05-2019 11:15


 
Xəbər lenti
11.12.2019

02:17   “İnter”lə “Ayaks” Çempionlar Liqası ilə vidalaşdı

10.12.2019

22:00  Beqoviç: “Qarabağ”a verdiyim sözə görə güclü klublara “yox” dedim”

21:55  “Sabah”ın baş məşqçisi: “Mən adlara önəm verən deyiləm” - VİDEO

21:46  Rəhim Həsənov: “Frits Stuxliklə münasibətlərimiz yaxşı deyil”

21:27  İlin ən yaxşı futbolçusu Trampı “manyak” adlandırdı

19:06  “Roma”nın sabiq futbolçusu həbs oluna bilər

17:54  Millimizin üzvü cəzalı duruma düşdü

17:25  Messi zirvədə, Ronaldo “20-lik”dən kənarda

17:00  UEFA-da AÇ-2020 ilə bağlı seminarlar

16:42  Paytaxt klubunda 2 itki

16:20  1/4 finalın cavab oyunlarının vaxtı açıqlandı

16:00  Süleymanov Xəlilzadəyə çatdı

15:41  Rauf Əliyevin hesabatı və milyon avroluq “qurban”

15:24  Messi: 8 ildən sonra ilk dəfə

15:04  Əliyar Ağayev Kiyev “Dinamo”sunun oyununda

14:40  Turun ən yaxşısı “Qarabağ”lı oldu

14:26  “Neftçi”nin 5 futbolçusu rəmzi komandada - FOTO

14:05  "Neftçi"nin yeni sponsoru hər il 100 min manat xərcləyəcək

13:51  “Qarabağ” - “Düdelanj” matçının hakimləri açıqlandı

13:43  “Qalatasaray” PSJ ilə oyuna ciddi itkilərlə çıxacaq

13:21  Adrian Skarlatake ilkə imza atıb, 40-cı oldu

13:02  80-ci qələbə

12:48  “Bakıya tez getmək üçün UEFA-dan icazə aldıq”

12:32  İsveçrə millisi Bakı proqramını açıqladı

12:15  “Qarabağ”ı keçsək, sürpriz olacaq” – “Keşlə”nin müdafiəçisi

12:00  “Traktor”da növbəti ayrılıq

11:46  Rüfət Dadaşovdan Almaniyada növbəti qol - VİDEO

11:33  APOEL Tomas Dollu istefaya göndərdi

11:16  Öncə Qurbanov, sonra Krasson

11:00  Evində yıxıldı, ili erkən başa vurdu - “Borussiya”nın futbolçusu

10:40  36 futbolçuya bəraət, klub prezidentinə həbs - Danışılmış oyunlara görə 

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az