(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
“Keşlə”də yeni dönəm: növbəti səhvin bəraəti olmayacaq!

“Keşlə”də yeni dönəm: növbəti səhvin bəraəti olmayacaq!

“Keşlə” yeni eraya qədəm qoyur. Sonuncu olmasına baxmayaraq, Premyer Liqada qalacaq bakılılar yenidən təşkilatlanmaq məcburiyyətindədi.
 
Son mövsüm göstərdi ki, klubda görülən işlər qaydasında deyilmiş. 3 dəfə məşqçi dəyişməsi, heyətin başdansovdu yığılması, komandadaxili qruplaşmalar həm sanballı büdcənin havaya sovrulmasına, həm də axırıncı yerə enməyə səbəb oldu.
 
Əslində, bir əvvəlki mövsüm də fərqli deyildi, komanda 7-ci yeri tutmuşdu. Sadəcə, kubokun təsadüfən qazanılmasıyla eyiblərin üstü örtüldü. Məhz həmin titul “Keşlə”nin bügünkü faciələrinin başlanğıcı oldu. Klub rəhbərliyi eyforiyaya qapıldı, heyətin yarıtmazlığını görmədi və eyni adlarla yola davam etmək fiaskoya gətirib çıxardı. Yuri Maksimovu titula daşıyan Adrian Skarlatake, Sezar Meza Kolli kimi futbolçuların gedişi unuduldu və... aqibət bəllidi.
 
“Keşlə” həddindən artıq pis komplektləşmişdi. Hər gələn məşqçi yeni futbolçular gətirdir, yırtığa yamaq vurmağa çalışırdı. Belədə heyət həddindən artıq yüklənmişdi. Eyni tipli oyunçuların sayı çox idi, bəzi mövqelərə ümumiyyətlə, futbolçu tapılmır, orada fərqli amplualılar oynadılırdı. Belə xaosun nəticəsi isə sonuncu pillə olmalıydı.
 
Komandanın ən böyük problemi qeyri-sabitlik idi. Tez-tez dəyişmələrlə çalxalanma qaçılmaz idi, klub hər gün bir ab-havaya bürünürdü, heç kim rahat deyildi. Futbolçular müxtəlif məşqçilərin dəvəti ilə gəldiyindən sabahları ilə bağlı narahat idilər, vahid kollektiv ola bilmirdilər.
 
AFFA maliyyələşdirdiyi “Keşlə”yə daha bir şans verir. Bəlkə də hansısa divizion klubu lisenziya tələblərini yerinə yetirsəydi, belə olmayacaqdı. Ancaq bəxtdən paytaxt klubu məcburən elitada saxlanılır və rəhbərlik nəticələri yaxşılaşdırmaq üçün ciddi işlər görməlidi. Açıqlanan siyahıdan görünür ki, baş məşqçi Tərlan Əhmədova etimad göstərmək lazım bilinib. Əks halda, Kamran Ağayevlə yeni müqavilə imzalanmalıydı. Tərlan bəylə qapıçı arasında seçim edilməli idi və rəhbərlik sevimlisi ilə vidalaşmaqla daha şirin dilə aldanmadığını nümayiş etdirdi.
 
 
 
 
Bu, Əhmədovun da son şansıdı. İndi ona yeni komanda qurmaq üçün şərait yaradılıb, daha şikayətlənməyə haqqı olmayacaq. Öz komandasını formalaşdırmaq üçün hər cür imkanı var. Ya “Neftçi”ni böhrandan çıxarıb 3-cü pilləyə yüksəltməsinin davamını gətirməli, ya da uzun müddət işsiz qalmaq perspektivini göz önünə almalıdı. Heyət seçimində, oyun üslubunun müəyyənləşməsində səlahiyyət ondadı. Kifayət qədər zaman var və buyurub, özünü göstərsin.
 
İlk vaxtlar uğursuzluq ola bilər. Yeni komanda formalaşdırmaq zaman alacaq. Bu məqamda rəhbərliyin dəstəyi vacibdi. Əvvəlki məşqçilərlə bağlı durumlarda olduğu kimi isti başla qərar verilsə, yenə eyni problemlər yaşanacaq. Ona görə Müşahidə Şurasının sədri Zaur Axundovdan da çox şey tələb olunur. O, transferlərə indidən nəzarət etməlidi ki, daha bir uğursuz mövsümün yekununda növbəti dəfə aldadıldığını deməsin.
 
Hələlik məşqçiylə rəhbərlik eyni nöqtəyə vurur. Hər ikisi heyətin 95 faiz dəyişəcəyini demişdi və dünən göndərilənlərin siyahısına baxanda bunun təsadüf omadığı göründü. Deməli, ümumi müzakirə aparılıb və qərar verilib. 13 futbolçuyla yeni müqavilə bağlanmayıb və bu, təsadüfi deyil, bir adamın qərarı da ola bilməz.
 
Davud Kərimi və Kamran Ağayevlə vidalaşmaq yaşlı qapıçılardan qurtilmaq deməkdi. Xüsusilə Ağayevin gedişi sağlam mühit üçün vacibdi. Kamranın dilini uzun etməmək üçün klub ona layiqli əvəzedici tapmalıdı. Qolkiper son vaxtlar formasından çox uzaq idi, ciddi səhvlər edirdi, lakin hər necə olsa, kapitan, lider idi. Ondan imtina edilibsə, mütləq daha yaxşısı gətirilməlidi. Ölkədə belə birisi gözə dəymir, deməli, əcnəbi əlcək sahibi axtarılacaq.
 
Seymur Əsədov, Ruslan Nəsirli, Fuad Bayramov, Amil Yunanov kimi yerli oyunçuların gedişi gözləniləndi. Seymur sabit deyildi, Ruslanın bir ildi komandada nəsə etdiyini xatırlamırıq. Bu oyunçular ən yaxşı halda hansısa divizion klubuna, bəlkə də Region Liqasında oynayacaq komandalardan birinə gedəcək. Fuad klubun yetirmələrindəndi, lakin ağır zədədən sonra özünə gəlmədi, üstəlik, 3 nəfərin ömürlük diskvalifikasiya edildiyi olaylarda da baş rolda idi – onun indiyədək klubda qalması da şans məsələsidi, çoxdan göndərilməliydi. Amil ən yaxşı halda “Sumqayıt”da özünü göstərə bilər, yəqin ki, ora da qayıdacaq.
 
“95 faizlik imtina” qərarı hələlik legionerlərə şamil olunub. Yerli oyunçu tapmaq çətin olduğundan, bəzi futbolçular saxlanılıb, lakin heyət müəyyənləşdikcə yenə gedənlər olacaq. Transferlərin reallaşması Azər Salahlı, Ruslan Əmircanov, Tərlan Quliyev kimi futbolçuların da yola salınmasına səbəb ola bilər. Hələliksə əcnəbilərlə bağlı radikal qərar verilib. Edvinas Girdvainis, Denis Silva Kruz, Nikola Mitroviç, Jonatan Ayite, Andre Clennon, Valeri Kutsenko və Angelo Pena komandaya heç bir fayda vermirdi və göndərilmələri normaldı. Yalnız Mitroviçlə bağlı mübahisə etmək olar, onun da yaşı göndərilməsinə bəraət verir.
 
Legionerlərdən təkcə Con Kamara yeni mövsümə “Keşlə”də başlayacaq. Qışda gələn syerra-leonelini tapıntı saymaq olar. Superistedad deyil, amma çempionatımız üçün normal dayaq yarımmüdafiəçidi. Azərbaycanlı olsa da, Rusiya vətəndaşı kimi qeydiyyatdan keçmiş Samir Məsimov da göndəriləcək. Hələlik müqaviləsi olduğundan onun adı siyahıya salınmayıb.
 
Faydasız, yaşlı legioner yığını göndərilirsə, onların yerinə daha yaxşıları seçilməlidi. Və klubun ən çətin işi də budur. Daha səhvə yer yoxdu, hər bir oyunçu xüsusi titizliklə seçilməlidi. Həm də hamısı Əhmədovun müəyyənləşdirdiyi oyun üslubuna uyğun olmalıdı. Son mövsümdə “Keşlə”də məşqçi işi görünmürdü. “İnter”dən qalma stil unutdurulmamışdı, komandanın nə oynadığı da bilinmirdi. Futbolçu seçimi elə aparılmışdı ki, hansısa üslubu tətbiq etmək mümkün də deyildi,əldə olan materiala görə davranılırdı.
 
İndi Əhmədov öz gələcəyini də müəyyənləşdirəcək yeni eranı başlamalıdı. Amma o, futbolulardan əvvəl məşqçi heyətindəki çatışmazlığı yoluna qoymalıdı. Bildiyimizə görə, Vadar Nuriyev yenidən Tərlan bəylə birgə olmaq imkanı qazanıb. AZAL-da, “Neftçi”də birgə işləyiblər, indi də “Keşlə”də qoşalacaqlar. Olsun, lakin Əhmədova daha öncə fiziki hazırlıq üzrə məşqçi lazımdı. Komanda son mövsümdə ikinci hissələrdə çatdırmırdı və bunun da bir səbəbi Çinə gedən mütəxəssisin yerinin doldurulmaması idi.
 
AĞA

 
tarix: 17-05-2019 09:00


 
Xəbər lenti
26.06.2019

22:30   Premyer Liqada yay bazarlığı - YENİLƏNİR

19:45   “Neftçi”nin Rumıniya klubu ilə oyunu yarıda qaldı

18:33   İtaliya millisində baş məşqçi ayrılığı

18:00   “Messiyəm” dedi, 23 qadını aldadaraq…

17:30   “Sumqayıt”da ispan məşqçi - RƏSMİ

17:00   “Qəbələ”dən “Sabah”a – RƏSMİ

16:40   Paytaxt klubunda yeni təyinat

16:21   “Neftçili Yay” futbol düşərgəsi başa çatdı

16:00   “Qarabağ”ın rəqibi milli üzvü ilə gücləndi

15:40   “Neftçi”nin rəqibindən kubokda darmadağın

15:20   “Barselona”nın qapıçısı rəsmən “Valensiya”da

15:00   “Qəbələ”nin 3 yetirməsi “Şüvəlan”da

14:40   Aftandil Hacıyevdən darmadağına şərh

14:20   “Səbail”dən növbəti transfer - RƏSMİ

14:00   Çempionlar Liqasında yeni mövsümə start verildi

13:30   “Fənərbaxça”da ayrılıq

13:00   “Mançester Siti”dən Belçika klubuna - RƏSMİ

12:30   “Sent-Etyen”dən Super Liqa klubuna

12:02   “Mançester Siti”də ayrılıq

11:41   Kamerun qələbə, Qana heç-heçə ilə başladı

11:20   Azərbaycan klubu ispaniyalı məşqçi gətirdi

11:00   “Barselona” hücumçusunu satdı

10:30   FİFA-dan Türkiyə klubuna sərt cəza

10:00   “Barselona”dan “Everton”a - RƏSMİ

09:30   Azərbaycan çempionuna ÇL püşkü öncəsi şad xəbər

09:00   “Zalsburq”dan Super Liqa klubuna

00:27   Mirabdulla icarə müqaviləsi imzaladı

25.06.2019

23:00  Qurbanov daha yaxşı olacaqlarını vəd etdi

21:51  "Qarabağ": yenə qolsuz, yenə qələbəsiz - YENİLƏNİB

21:00  "Səbail"i darmadağın etdilər - YENİLƏNİB

19:46  “Keşlə”dən Latviya klubuna

19:23  “Neftçi” ilə oyundan sonra sevinməyimiz Qurban Qurbanovun xoşuna gəlmirdi”

17:43  “Sevilya”nın futbolçusu qəza törətdi, 2 nəfər öldü - FOTO

17:21  “Sumqayıt”da istirahət başa çatdı

17:00  “Çelsi” Lempardla danışıqlara başladı - RƏSMİ

16:44  Lion “Olimpik”ində yeni futbolçu

16:23  “Borussiya”dan Premyer Liqa klubuna

16:02  Şeydayev yeni mövsümü bu klubda keçirəcək

15:46  Milli komandada ciddi itki

15:25  “Qarabağ”ın legioneri oynamadı, komandası qalib gəldi

15:01  Super Liqa təmsilçisindən Liqa 1 klubuna

14:42  “Səbail”in yoxlama oyununun vaxtı dəyişdirildi

14:24  UEFA “Qarabağ”ın albanlarla ilk oyununun saatını açıqladı

14:00  “Neftçi”nin cavab matçının da vaxtı bilindi

13:43  “Azərbaycanın futbol ənənəsi olan bütün bölgələrinə səfər edəcəyik”

13:22  “Neftçi”nin yeni transferi: “Hədəfim bacardığım qədər çoxlu qol vurmaqdı”

13:00  Amerika kubokunda 1/4 finalın cütlükləri

12:41  Millimizin futbolçusu ən yaxşılar arasında

12:20  Tunis xal itkisi ilə başladı

12:00  Emil Balayev Qazaxıstanda hamını qabaqladı

11:46  Uruqvay qrup lideri, Çili ikinci oldu

11:30  Yeni transferi “Qarabağ”la məşqlərə başladı

11:00  Azərbaycanlı referi final oyununa təyinat aldı

10:30  Dəniz Yılmazın klubundan yeni transfer

10:00  Super Liqa klubundan 2 transfer

09:30  “Sevilya”dan “Ayaks”a 15,7 milyonluq transfer

09:00  “Neftçi”nin Türkiyədə 10-cu günü - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az