(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Bakı finalı: milyardların mübarizəsi

Bakı finalı: milyardların mübarizəsi

Azarkeşsiz futbol, futbol deyil. Futbol tribunaları varlısından kasıbına, 7-dən 77-yə kimi hər kəsi birləşdirir, bərabərləşdirir, vahid bir varlığa çevirir.

Futbol sehrbazları yaşıl meydanda 90 dəqiqə ərzində insanların dərd-sərini, problemlərini unutdurur, xoş anlar bəxş edir. Acı məğlubiyyətlər belə azarkeşləri futboldan soyutmur, yeni qələbələrə səsləyir, təkan verir.

Futbol bütün dünyanı özündə birləşdirən təbii dopinqdir. Bu "xəstəlik" bəla gətirmir, sevinc, kədər dolu göz yaşları ilə sabaha ümid verir. Futbol irq, din, mənsubiyyət tanımır, azarkeş sevgisinə ruhunu verir və illər ötdükcə daha çox sevilir...

Bakı Avroliqa finalına sayılı günlər qalıb. UEFA-nın tələbləri çox yüksəkdir. Futboldan öncə insan təhlükəsizliyi əsas amildir. Bununla yanaşı biletlərin qiymətləri də bəllidir. Keyfiyyətli məhsul hər zaman baha olur...

Futbolun ayaqda durmasının, inkişafının təmin olunmasının əsas 4-5 faktoru var. Bunlardan biri azarkeşlərdir. Daha doğrusu, azarkeşlərdən gələn gəlir...

Kommersiya gəlirləri, tv-yayımdan qazanılan vəsaitlərlə yanaşı matç/oyun günlərində əldə edilən mənfəət klubların büdcəsini formalaraşdırır. Finalda qarşılaşacaq "Çelsi" və "Arsenal" üzərində dayanaq...

Klub olaraq "Arsenal"ın dəyəri 2,5 milyard dollardır. "Çelsi" də geri qalmır, qiyməti 2 milyarddan çoxdur. Dünyanın ən varlı, gəlirli klubları siyahısında olan "topçu"ların ötən mövsüm ümumi qazancı 435 milyon avro təşkil edib:
-Kommersiya gəlirləri- 135.8 mln. €
-TV-yayım- 167.1 mln. €
-matç/oyun günü- 132 mln. €

"Çelsi"-420 milyon avro:
-Kommersiya- 148.7 mln. €
-TV-yayım- 178.2 mln. € 
-matç/oyun günü- 93.1 mln. €

"Arsenal" hər oyunda 1 azarkeşdən 97, "Çelsi" isə 90 dollar qazanır...

Siyahıda oyun günlərindən gələn gəlirlər 3-cüdür. Bu, üzdə görünən faktiki göstəricilərdir. 
Reallıqda isə, bütün gəlirlərin kökündə fanat, azarkeşlər dayanır. Milyonların futbola marağı olmasa, nə sponsorlar, reklamlar olar, nə də ki, tv-kanalların çempionatlara milyardlarla yatırımı...

Futbolda gəlirləri şərtləndirən bir nömrəli səbəbkarlar azarkeşlərdir. Onlar olmasa futbola heç bir kommersiya, marketinq marağı göstərilməz. Təbii ki, burada maraqla yanaşı ölkələr üzrə yaşayış səviyyəsi də gəlirlərə birmənalı təsirini göstərir.

Böyük futbol dərin təhlillərə söykənməli, münasibət tam fərqli olmalıdır. Azərbaycan futbolunun İngiltərə, klublarımızın "Çelsi", "Arsenal"la müqayisəsi doğru olmasa da, Avropa futboluna daha yaxından inteqrasiyasını istəyiriksə, futbola fərqli yanaşılmalıdır...

Ölkədə ümumi futbolun durumu bəllidir. Üzdənyanaşmalar, pafoslu, emosional fikirlər, analizlərə söykənməyən tənqidlər futbol problemlərinin dəqiq araşdırılmasını, həllini ləngidir, sonda irəli getməsini daha da zəiflədir. İndiki vəziyyət futboldakı yadlara əlverişlidir...

Mövcud durumda min əziyyətlə qruplar üzü görən klublarımızdan reallığa uyğun olmayan daha böyük nəticələr tələb edilir, rəqiblər, Avropa futbolu incələnmir. Əksinə, uğursuzlar kölgədə qalır, uğur qazananlar amansız təzyiqlərlə üzləşir, daha çox tənqid edilir...

Belə münasibət futbolumuzda lövbər salanlara daha sərfəlidir. Futbol ictimaiyyətində psixoloji durum o həddə çatıb ki, bir çoxu daxili futboldan bezərək üz döndərir, digərləri isə dünən yaradılmış klublar üzərində qələbələrə sevinir.

Avropa klub reytinqində ilk 15-yə 4-5 pillə qalırdı. Bu, əsl böyük futbol ailəsinin daimi sakininə çevrilmək, əlavə bir klubumuzun da yolunun açılması demək idi. İrəli addımlamaq əvəzinə geri dönürük...

Bu gün Azərbaycanda klubların milyonlar qazanmasının tək yolu var, Avropada nəticə, qruplar! Əks halda dağılmış, dağıdılmış klublarımız kimi hamısı gec-tez məhvə sürüklənəcək. Ən yaxşı halda əksəriyyətinin indiki kimi 1-2 milyon "yetim payı" ilə baş girləməsi olacaq...

Sky Sports/BT Sports kanalları Ingiltərə Premyer liqasının 160 oyunu üçün 6 (!) milyarda yaxın vəsait ödəyib. Ötən mövsüm 20 kluba ümumilikdə 3.1 milyard dollar pul ödənilib.

Ümumi məbləğin bir hissəsi bərabər bölünsə də, qalan hissəsi xüsusi kriteriyalara uyğun həyata keçirilir. Bunlardan biri də yuxarıda qeyd etdiyim azarkeş faktorudur. Hansı komandaların oyunlarında tribunalar dolursa, tv-yayımdan əlavə vəsait əldə edilir.

Azərbaycan liqasını adaşı ilə müqayisə etməkdən uzağıq, qeyd olunanlar ictimaiyyətin futbola düzgün yanaşması üçündür. Heç Rusiya, Türkiyə, Hollandiya deyil, liqamız Polşa, Rumıniya klublarının tv-yayımlardan qazandıqları gəlirlərə belə yaxın dura bilməz.

Azərbaycan çempionatında tv-yayımdan "qazanılan" məbləğ 0-a bərabərdir. Bilet satışından da "əldə edilən" qəpik-quruş ancaq son turdakı kimi əcaib şəkildə "ilklər"lə ola bilər. Ölkə çempionatında ev oyunlarında anşlaq olsa belə, bu heç bir səviyyəli legionerin illik müqaviləsini ödəməz...

"Arsenal"ın ancaq azarkeşlərdən qazandığı mövsümlük gəlir aparıcı klublarımızın 15-20 illik büdcəsi edir. Azərbaycan futbolunda donor-sponsorun "qanını"/pulunu sovurub son damlasına kimi axırına çıxmayana qədər əl çəkilmir. Sponsor futbola bir gələndə sevinir, bir də bəxti gətirsə, müflis olmayıb gedəndə...

"Bütün günahlar klublardadı" təfəkkürü birdəfəlik beyinlərdən silinməlidir. Onsuz da klub qalmayıb, ildən-ilə tükənirlər. Komandalar öz aralarında məhlə-məhlə oyunları keçirmirlər, çempionatda çıxış edirlər. Yarışları keçirən isə federasiyadır, müvafiq qurumlardır.

İngiltərədə, digər ölkələrdə, elə UEFA-nın özü kimi yarışlar o səviyyədə təşkil edilir ki, azarkeş marağı olur, klublar müxtəlif gəlirlərlə təbii olaraq stimullaşdırılır. Son 20 ildə klubların gəlirləri 6-7 dəfə artıb, artıq milyonlar deyil, milyardlarla ölçülür...

Almaniya Bundesliqasında hər il klub akademiyalarına 200 milyon avro vəsait xərclənilir. Bu, federasiyanın tələbidir, amma boş-boşuna diqtəsi deyil. Çempionatdan qazandırır və buna uyğun da tələb edir, ümumi futbol strategiyasını müəyyənləşdirir.

Azərbaycan futbolunda yeni futbol sistemi, işlək mexanizm formalaşdırmadan, çempionatın səviyyəsini artırmadan, xüsusi layihə ilə köklü bölgə klublarının bərpasını təmin etmədən, azarkeşləri yenidən tribunalarda qaytarmadan gələcək inkişafdan danışmağa dəyməz.

Ciddi islahatlar olmadan futbol qurumları, klublar son damlaya kimi dövlətin, xalqın, sponsorların qanını zəli kimi sovurmağa davam edəcəklər.

Tək futbolda olanların deyil, ictimaiyyətin də futbola münasibəti fərqli olmalıdır. Hamı Avropa futbolunu arzulayır, amma böyük futbol düşüncəsini yaxına buraxmaq, təfəkkür olaraq dəyişilmək istəmirik.

Böyük futbolun nə olduğunu azarkeşlərimiz canlı olaraq Avroliqa finalında bir daha görəcəklər. Nə olursa olsun, futbolu möhtəşəm edən meydanda göstərilən oyunla yanaşı stadionları dolduran fanat, azarkeşlərdi...

Pulunu ödəyib dünya, Avropa futbolunun inkişafına önəmli töhfəsini verən təmənnasız azarkeşlər...

Tahir Süleymanov


 
tarix: 26-05-2019 13:02


 
Xəbər lenti
21.08.2019

00:55   “Ayaks” APOEL-lə ilk oyunda bacarmadı

20.08.2019

21:44  “Qarabağ” Belfasta getdi - FOTOLAR

19:30  Premyer Liqada yay bazarlığı - YENİLƏNİR

19:00  “Real”ın yeni transferi sıraya döndü

18:44  Honduras millisinin forvardı rəsmən “Sabah”da

18:33  Riberi İtaliya klubu ilə anlaşdı

18:05  “Fənərbaxça”da ciddi itki

17:44  Azarkeşlər AÇ-2020 fristaylerlərini seçir

17:23  “Real”da ciddi itki

17:00  “Zirə”nin 2 futbolçusuna milli dəvət

16:42  Yaşar Vahabzadə: “Nəyin alınıb-alınmadığını oyunlar göstərəcək”

16:21  “Qarabağ”ın maraqlandığı qapıçı B Seriyasında

16:00  İtaliya klubu müraciət etdi, millimizdən uzaqlaşdırıldı

15:41  “Neftçi”nin futbolçusu milliyə çağırıldı

15:20  Şehiçə görə 250 min avro?

15:00  “Linfild” - “Qarabağ” matçı canlı yayımda

14:48  “Azərsun Arena” təmirə bağlanır – “Qarabağ” harada oynayacaq?

14:36  Kamran Quliyev azarkeşlərin tribunadan uzaqlaşdırılmasına aydınlıq gətirdi

14:14  “Yuventus” yeni transferini icarəyə verdi

13:52  “Qarabağ”ın futbolçusu İngiltərə ilə oyuna dəvət aldı

13:38  “Azərbaycan aldadıcı komandadı”

13:15  “Arsenal”dan Bundesliqa klubuna – RƏSMİ

12:51  “Barselona”da itki – 4-5 həftə olmayacaq

12:30  “Səbail”in yubiley qələbəsi

12:19  Əliyev də legionerə ehtiyac duyur: “Futbolçu yetişdirmək heç kimə maraqlı deyil”

12:00  Emil Balayevdən yeni “quru seriya”

11:41  Dabonun xanımından incik mesaj: “Şansı başqalarına buraxaq”

11:31  İlqar Qurbanov rəsmən “Sumqayıt”da

11:23  Millimizin heyəti açıqlandı

11:12  Radikal qərar zamanı

11:01  Mahir üçün seçim anı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az