(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Milli maraqlar olan yerdə

Milli maraqlar olan yerdə

Futbol böyük qüvvədir. Çoxdan öz əhatə dairəsindən çıxıb. Nə qədər idmanın siyasətdən uzaq olması dönə-dönə vurğulansa da, futbolun ölkələrə, xalqlara, münasibətlərə təsir gücü ağlasığmaz dərəcədə yüksəkdir.

Müxtəlif dövrlərdə dövlətlər, siyasətçilər futboldan öz maraqları üçün istifadə ediblər. 
Futbolda olan adrenalin insanları özünə cəlb edir, emosiyaları pik həddə çatdırır. Futbol fəlsəfəsini, psixologiyasını bilməyənlər hər zaman bunun acısını yaşayırlar.

Bakı Avroliqa finalının keçirilməsini qazananda hansı klubların Azərbaycana gələcəyi bilinmirdi. Futbol tanrısının final seçimi bumeranq rolunu oynadı. Sanki ölkədə futbolun durumuna, təşkilatçılara təbii etirazı idi...

Düşmən ölkənin futbolçusunun çıxış etdiyi aparıcı bir klub ola, o da finala vəsiqə qazana. UEFA-nın sərt tələbləri və finalın səviyyəsi nəinki federasiyanı, təşkilatçı kimi ölkəni çətin duruma salmışdı. Bir yanlış addım Azərbaycanın nüfuzuna böyük zərbə vura bilərdi...

Düşmənlərimiz, istəməyənlərimiz onsuz da çoxdur. Səhv etməyə bir faiz də olsun şans yox idi. Fikirlər müxtəlif olsa da, xalqın kəsərli sözü, etirazı narahatlıqla yanaşı müvafiq qurumlarda bir inam yaratmışdı. Sonrakı gedişlər göstərdi ki, məsələnin ciddiliyi tam olaraq dərk olunurdu.

Futbol idmanın şahıdır, zarafatı, səhlənkarlığı qəbul etməz. Nə qədər deyilsə də ki, Bakıya yüzlərlə idmançı gəlib-gedib, futbolun çəkisi daha böyük, daha təsirlidir. Avropaya səs-küyün yayılması buna bir daha sübutdur.

Gərginliklə yanaşı bütün dünya Qarabağ məsələsinin necə dərin olduğunu əyani olaraq bir daha görmüş oldu. Bu amilin özü çox müsbət məqamlardan biri idi. Ingiltərə, Rusiya mətbuatının süni ajiotaj yaratması da istəmədən belə Qarabağ probleminin yenidən qabardılmasına şərait yaratdı.

Avroliqanın təbliğatı ilə məşğul olan AFFA eyforiyaya qapılaraq milli ruhu, dövlətçiliyi, xalqı unudaraq bəsit, kommersiya xarakterli açıqlamalarla gündəmə gəlirdi. Britaniya tərəfi tam hücuma atılmışdı. Vəziyyəti düzgün analiz edən dövlət, müvafiq strukturlar məsuliyyəti, məsələnin həllini tam olaraq öz üzərinə götürdü.

Milli maraqlar olan yerdə futbol da, digər narazılıqlar da kənara qoyulmalıdır. Dövlətçilik, xalqın mövqeyi ön planda olmalıdır. Futbol elə bir cazibə qüvvəsinə malikdir ki, xırda bir nüansın gözdən qaçırılması böyük fəsadlara, hətta faciələrə səbəb ola bilər.

Futbolda baş verən qığılcımlar, iğtişaşlar ölkələr arasında müharibələrə səbəb olub, münasibətləri gərgin olan dövlətlər arasında atom bombası rolunu oynayıb...

1969-cu ildə millilər arasında görüşlərdə intihar edən, döyülən, öldürülən futbolçular, fanatlardan sonra onsuz da münasibətləri gərgin olan Salvador-Honduras müharibəsi baş verib. Bir həftəlik genişmiqyaslı döyüşlərdə hər iki tərəfdən 5(!) mindən artıq insan qırılıb.

1990-cı ildə "Maksimir" stadionundakı Prosineçkinin də üzvü olduğu "Srvena Zvezda"nın yerli "Dinamo" ilə oyunundakı qarşıdurması, fanatlar arasında dava-dalaş, Bobanın polisi vurması Xorvatiya Serbiya müharibəsinin başlanmasına təkan verib.

Futbolda ciddi səhvlərə yol vermək olmaz, "şah" düşüncəsiz "piyada" gedişlərini bağışlamır. Stadionlarda emosiyaların cilovlanması, həddinin aşmaması mütləqdir. Qızışdırıcı, təxribat dolu çağırışlar fəlakətlər gətirə bilir.

Futbolun hansı gücə sahib olmasını bilən UEFA təşkilatçılıqla, futbol səviyyəsinin təmin olunması ilə yanaşı təhlükəsizliyə xüsusi önəm verir. "Arsenal"ın "xox" əməliyyatına da təmkinlə yanaşdı və kəsərli sözünü sonda dedi...

Diplomatlarımızın son günlərdəki bəyanatları, tutarlı açıqlamaları problemin zərgər dəqiqliyi ilə yoluna qoyulduğunu, vaxtında lazımı tədbirlərin görülməsini, günahın tam olaraq əks tərəfdə olduğunu sübut etmiş oldu.
Artıq kəsərli hücuma Azərbaycan tərəfi keçib...

İstər futbolda, istərsə də həyatda məğlub psixologiyaya yol verilməməlidir. Xalqın aşağılanması qəbuledilməzdir. Zaman-zaman tarixdə uğursuz illər, hətta əsrlər olur...

Yaponiya yaxın keçmişdə Çin xalqının başına nə müsibətlər gətirib, Rusiya əsrlərlə əsarət altında olub. Sınmayıblar, dirçəliblər, bu gün söz sahibidirlər. İkinci dünya müharibəsində milyonlarla yəhudilər qırılıb, alçaldılıb, indi planeti idarə edirlər. Tarixdən belə nümunələr çox gətirmək olar...

Milli ideologiya, təbliğat düzgün istiqamətdə aparılmalıdır. Müvəqqəti məğlubiyyətlər xalqı, hər birimizi sarsıtsa da, daha da birləşdirməli, mətinləşdirməlidir. Hər bir xırdalı-böyüklü faktiki, psixoloji qələbələr xalqın birliyini təmin edərək sabaha inamı artırmalıdır...

Qələbələr tək səngərlərdə, yaşıl meydanlarda qazanılmır. Siyasi, iqtisadi, diplomatik uğurlar dövlətçilik, xalq olaraq gələcək möhtəşəm qələbələrin önəmli təminatçısıdır.

Son günlər Azərbaycan diplomatiyasının səbr, eyni zamanda ağılla, qətiyyətlə apardıqları danışıqlar, düşmənin Bakıda 60-70 min azarkeşin qarşısına çıxa bilməməsini təmin etdi, təhlükəsizliyinə tam təminat verilsə də, qorxaq erməni xislətini sübut etmiş oldu.

Futbol dünyanı ayağa qaldıran əlçatmaz bir zirvədir. Xalqın qarşısında düşmən ayağının yaşıl meydana dəyməsi bağışlanmaz, sağalmaz sarsıntı olardı. Qələbələrin təməli öncədən, doğru strategiya, taktiki hazırlıqla qoyulur.

Futbolun gücünü hər kəs bir daha görmüş oldu. Qalır Avroliqa finalının son akkordlarının möhtəşəm şəkildə vurulması və ən əsası da ölkə futbolunda nəhayət ki, dönüşün yaradılması...

Tahir Süleymanov


 
tarix: 27-05-2019 15:43


 
Xəbər lenti
19.08.2019

00:03   “Səbail”in “Zirə” üzərində qələbəsi - VİDEO

18.08.2019

23:45  Şeydayev yenə 90 dəqiqə oynadı, “Dinamo”...

23:10  “Leyptsiq” yeni mövsümə darmadağınla başladı

22:50  “Mən ancaq cibimdəki pulun nə qədər olduğunu deyə bilərəm”

22:39  Samir Abasov: “Kanallar qarışmışdı”

22:11  Premyer Liqada 2-ci turun oyun cədvəli açıqlandı

21:56  “Səbail”ə bir qol bəs etdi

21:33  “Çelsi” doğma meydanda xal itirdi

19:42  Əliyev üçün 62 dəqiqə və 3 xal

19:37  CONCACAF-ın qalibi “Sabah”la müqavilə imzalamağa gəlib

18:51  “Borussiya”dan “Bavariya”ya

17:23  İsrafilovsuz və uğursuz start

16:38  Əli Şirinov oynamadı, komandası uduzdu

16:14  Novruzov “Zimbru”ya qarşı 80 dəqiqə oynadı

15:15  “Neftçi”nin sabiq prezidenti "Astana" - BATE görüşündə

15:07  Fəriddən Çexiyada növbəti qol

14:51  Xavinin məşqçi kimi ilk titulu

14:31  “İdman Azərbaycan”ın şərhçisi Kanteyə görə cəzalandı

11:03  Oyuncaq klub: “Keşlə” yenə həvəskarcasına idarə olunur

10:48  Hasan Şaş “Qalatasaray”dan ayrıldı

10:39  Modriçin “siftə”si

10:27  Qurbanovla itiriləcək daha bir mövsüm

09:59  Frey icarəyə getdi

09:47  Kovaçı məmnun edən transfer

09:39  “Barselona”ya qol vurub, Messiyə şərik oldu

09:25  Balotelli “Breşia”da

09:15  “Keşlə”nin 500-cü məyusluğu

09:00  “Qarabağ” Zubiri satmağın əleyhinə deyil

01:53  Vurğun 300 həddinə çatan 21-ci futbolçu oldu

01:31  "Monako"nu 3 qolla devirdilər

01:19  "Real" mövsümə qələbə ilə başladı – VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az