(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Bilaldan “tərif yağışı”: “Vergini klubun özü ödəyir”

Bilaldan “tərif yağışı”: “Vergini klubun özü ödəyir”

"Kipr macəramdan sonra məni Azərbaycana dəvət etdilər. İnsanlar Azərbaycanı eşidəndə düşünürlər və "bu nədi?" deyirlər. Ancaq buranın necə yer olduğunu gördükdən sonra müsbət mənada təəccüblənirlər" - bu sözləri "Zirə"nin yarımmüdafiəçisi Bilal Həmdi deyib (matc.az).
 
Əlcəzairli futbolçu Fransa mətbuatına müsahibəsində Azərbaycan haqda xoş fikirlər səsləndirib. O, ölkə çempionatının müsbət və mənfi cəhətlərindən danışıb: "Mənfi hal çox komandanın olmamasıdı. Premyer Liqada 8 klub var. Komandalar mövsüm ərzində bir-biriləri ilə 4 dəfə qarşılaşır. Onların da hamısı Bakıda məşq edir. Bölgə komandaları isə qonşu şəhərlərdədi. Bütün futbolçular paytaxtda yaşayır. Yalnız Qəbələ Bakıdan saatyarımlıq məsafədədi. Digərləri 30-45 dəqiqəlik uzaqlıqda yerləşir. Yerli futbolçuların səviyyəsi pis deyil. Əslində, təslim olmayan oyunçulardı. Texniki baxımdan avropalılar səviyyəsində olmasa da, çox maraqlı elementlər var. Fiziki cəhətdən vəziyyət yaxşıdı. Uşaqlar qaçmaqdan yorulmur, əsla təslim olmurlar. Çempionatda oyunlar əsasən qapalı keçir, çox qol olmur".
 
28 yaşlı vinger Azərbaycan futbolunu əvvəllər oynadığı Fransa və Kiprlə müqayisə edib: "Stadionlarda ot örtüyünün durumunun Fransa Liqa2-si ilə heç bir oxşarlığı yoxdu. Liqa2-də çox oynamışam, qışda fəlakət olur. Kiprdə bunun tam tərsidi: 4-5 peşəkar klub istisna olmaqla, qalanlarında vəziyyət qarışıqdı. "Zirə"də iki masajçımız, həkimimiz, hər şeyimiz var. Xoş sürprizlə qarşılaşacağımı demişdilər. Belə də oldu. Həmişə beşulduzlu otellərdə məskunlaşırıq. Hazırkı klubum Fransa Liqa2-dən tanıdığım klublardan peşəkardı. Bu, daha çox strukturlaşma ilə bağlıdı. O ki qaldı maaşa, vergini klub özü ödəyir. Bu, pis deyil. Burda orta əmək haqqı təxminən 300 avrodu. Sizin necə futbol oynadığınızı təsəvvür edə bilirəm. Çox rahat yaşayırsınız. Biz əsasən Liqa2 səviyyəsinə uyğun maaş alırıq. Futbolda pul var. Heç bir klubda maaş gecikməsi olmur. Hər şey tənzimlənib".
 
Həmdi Azərbaycanda təhlükəsizliklə bağlı sualı da cavablandırıb. O, ölkəmizdə hər şeyin ürəyincə olduğunu deyib: "Avropa Liqasının finalı ilə bağlı ölkədə canlanma var. Onlar hər şeyi hazırlayıblar. İki ingilis klubu möhtəşəm stadionda oynayacaq. Bu oyun ətrafında tənqidlər olduğunu bilirəm. Ancaq insanlar gəlib şəhəri görən kimi... Burda "Formula-1" yarışı təşkil edilir. Hər yerdə belə şey olmur. Yeganə problem çox uzaqda olmasıdı. Gəlməzdən əvvəl tanışlardan yaşam səviyyəsini öyrəndim. Dedilər ki, Bakı gözəl şəhərdi. Texnoloji cəhətdən çox inkişaf edib. Bu, həyatın reallığıdı. Ailəm üçün kiçik bir fransız cəmiyyəti var, fransız və ingilis məktəbləri mövcuddu. İnsanlar açıq fikirlidi. Burda yaşayaraq özümü görürəm. Uşaqların təhsili üçün gözəl yerdi. Tam təhlükəsiz ölkədi. Müsəlman ölkəsidi və heç bir problem olmur".

 
tarix: 29-05-2019 12:01


 
Xəbər lenti
25.08.2019

01:06   “Fənərbaxça”dan əzmkar qələbə

00:55   “Real” doğma meydanda xal itirdi

00:41   “Yuventus”la “Napoli” qələbə ilə başladı

24.08.2019

23:55  “Bordo”dan səfərdə inamlı qələbə

23:16  Azərbaycanlı futbolçuların komandası “Zenit”ə qalib gəldi

23:03  Riad Rəfiyev AFFA-ya üsyan etdi: “Hakim qərəzli idi”

22:45  “Bavariya”dan darmadağın

22:00  “Səbail”dən “Sumqayıt”a 3 cavabsız qol - VİDEO

22:00  “Liverpul” “Arsenal”a qalib gəldi, MY evdə uduzdu

21:51  Ayxan Abbasov: “Hakim matçı alt-üst etdi”

21:37  “Səhvlərdən daha yaxşı istifadə edən biz olduq”

20:56  “Sumqayıt” “Səbail”ə böyük hesabla uduzdu

20:23  Bundesliqada yeni rekordçu

19:51  Emil Balayevli “Tobol”dan inamlı qələbə - VİDEO

19:11  Dadaşov üçün 90 dəqiqə və 1 xal

18:39  Vensan Kompaniyə daha bir zərbə

17:36  “Linfild”in oyunu təxirə salındı – “Qarabağ”a görə

17:10  “Dinamo”dan Şeydayevsiz qələbə

15:11  “Sumqayıt”la oyuna 4 itki ilə

15:01  “Zirə”nin “Neftçi” ilə 17-ci sınağı

14:21  “Neftçi”nin futbolçusu Qvineya yığmasında

13:47  Millimizin heyəti açıqlandı

12:49  Portuqaliyalı futbolçu rəsmən “Monako”da

11:59  İsrafilovsuz qələbə

11:03  UEFA “Qarabağ”ı cərimələdi

09:47  "Neftçi"nin legioneri Hindistan klubunda

09:21  “Bavariya”nın futbolçusu rəsmən “Lill”də

09:14  Kamran Quliyev oynadı, komandası yenə uduzdu

09:00  Əhmədov maksimum nəticə istəyir: “Kaş yadıma salmazdız”

01:52  “Sevilya” qalib gəldi, “Vilyarreal” uduzdu

00:58  “Aston Villa” “Everton”u məğlub yola saldı

00:48  “Qarabağ” - “Linfild” matçında rusiyalı hakimlər

00:25  “Borussiya”dan inamlı qələbə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az