(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Qarayev danışmağa söz tapmır

Qarayev danışmağa söz tapmır

“Hansı komandaya qarşı oynadığımızı bilirdik. Macarıstan elə də sadə rəqib deyil. Ümidimiz var idi ki, bu oyunda yaxşı nəticə qazanacağıq, amma ilk dəqiqələrdən standart vəziyyətdən məğlub ayrıldıq. Bu da nəticədə rəqibin daha yaxşı oynamasına gətirib çıxardı. İkinci hissədə bir qol vurduq, fərqi azaltdıq, amma ondan artığına gücümüz çatmadı” - bunu Azərbaycan millisinin futbolçusu Qara Qarayev Macarıstana 1:3 hesabı ilə məğlub olduqları oyun barədə danışarkən deyib.
 
- Meydanda həm lider çatışmırdı, həm də komanda ruhu yox idi sanki. Hər iki millidə çıxış etmisiniz deyə Rəşad Sadıqovlu milli komanda ilə hazırkı milli komanda arasında fərq görürsünüzmü?
- Düzdü, Rəşad Sadıqov milli komanda üçün həmişə vacib oyunçulardan biri olub. Bu gün o yoxdu, onun yerinə oynayan futbolçunun pis oynadığını düşünmürəm. Məncə, Maksim komandaya heç də pis liderlik etmir. Rəşad milli komandanı yaşına görə tərk etdi. Bu gün ruhsuz oynadığımızı deməzdim, çünki ilk hissədə hər şey bizim istədiyimiz kimi idi, sadəcə, qapımızda qol gördük. Bu, oyunun nəticəsinə təsir etdi.
 
- Macarıstandan xal ala bilərdinizmi, sizcə komandada nə çatmadı?
- Qol vurduqdan sonra ümid yaranmışdı, amma rəqibin futbolçularının ustalığı özünü göstərdi. Biz də meydana uduzmağa çıxmırıq, əlimizdən gələni edirik ki, yaxşı nəticə qazanaq, amma alınmır.
 
- Rəqibin ikinci qolu zamanı komandanın müdafiəsində nə baş verdi?
-  Yenə standart vəziyyətdən sonra rəqib fərqləndi. Müdafiənin önünə top atıldı, ikinci ötürmədən sonra qapımızda qol gördük. Yenə standart vəziyyətdən qol buraxdıq.
 
-  Artıq 3 gün sonra Slovakiya millisi ilə oyun var, həmin görüşə necə hazırlaşacaqsınız?
-  Bizim başqa yolumuz yoxdur. Hazırlaşıb növbəti matç üçün meydana çıxıb oynamalıyıq. Bu gün məğlub olduq deyə növbəti oyuna çıxıb oynamırıq deyə bir şey yoxdu. Əlbəttə, bu gün bu qədər azarkeş önündə meydandan məğlub ayrılmaq bizim üçün çətindir. Bir vətəndaş kimi mənim üçün, bütün komanda üçün ağırdır və bizə pis təsir edir.
 
-  Slovakiya ilə matçda xal qazanmaq realdırmı?
-  Bu, çox çətin qrupdu. Tək biz yox, hər kəs deyir, bu, bəhanə deyil. Qrupun favoriti biz deyilik. Biz ən axırıncı yer üçün vuruşuruq.
 
-  8 oyundan sonra 1 xal belə qazana bilməyəcəyinizdən qorxmursunuz ki?
-  Əlimizdən gələni edirik. Real danışmaq lazımdır, biz hər iki oyunda xal almağa yaxın olmuşuq. Hər iki matçda rəqib futbolçuların ustalıq səviyyəsi bizi xal qazanmaqdan məhrum edib. Ona görə danışılası heç nə yoxdur.
 
-  Sizcə, azarkeşlər bu gün məğlub oldunuz deyə, 3 gün sonrakı oyunda sizi tək qoyacaq?
-  Bu gün göstərdikləri dəstəyə görə azarkeşlərə minnətdarıq. Uzun müddətdir ki, milli komandanın oyunlarında belə atmosfer olmurdu. Hər birinə təşəklür edirəm. Düzdür, biz onların dəstəyinə qarşılıq verə bilmədik, amma bu bayraq altında meydana çıxan hər kəs, bütün komanda onlarındır. Azarkeşlərə bir daha təşəkkürümü bildirirəm.

 
tarix: 09-06-2019 11:15


 
Xəbər lenti
27.06.2019
26.06.2019

22:30  Premyer Liqada yay bazarlığı - YENİLƏNİR

19:45  “Neftçi”nin Rumıniya klubu ilə oyunu yarıda qaldı

18:33  İtaliya millisində baş məşqçi ayrılığı

18:00  “Messiyəm” dedi, 23 qadını aldadaraq…

17:30  “Sumqayıt”da ispan məşqçi - RƏSMİ

17:00  “Qəbələ”dən “Sabah”a – RƏSMİ

16:40  Paytaxt klubunda yeni təyinat

16:21  “Neftçili Yay” futbol düşərgəsi başa çatdı

16:00  “Qarabağ”ın rəqibi milli üzvü ilə gücləndi

15:40  “Neftçi”nin rəqibindən kubokda darmadağın

15:20  “Barselona”nın qapıçısı rəsmən “Valensiya”da

15:00  “Qəbələ”nin 3 yetirməsi “Şüvəlan”da

14:40  Aftandil Hacıyevdən darmadağına şərh

14:20  “Səbail”dən növbəti transfer - RƏSMİ

14:00  Çempionlar Liqasında yeni mövsümə start verildi

13:30  “Fənərbaxça”da ayrılıq

13:00  “Mançester Siti”dən Belçika klubuna - RƏSMİ

12:30  “Sent-Etyen”dən Super Liqa klubuna

12:02  “Mançester Siti”də ayrılıq

11:41  Kamerun qələbə, Qana heç-heçə ilə başladı

11:20  Azərbaycan klubu ispaniyalı məşqçi gətirdi

11:00  “Barselona” hücumçusunu satdı

10:30  FİFA-dan Türkiyə klubuna sərt cəza

10:00  “Barselona”dan “Everton”a - RƏSMİ

09:30  Azərbaycan çempionuna ÇL püşkü öncəsi şad xəbər

09:00  “Zalsburq”dan Super Liqa klubuna

00:27  Mirabdulla icarə müqaviləsi imzaladı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az