(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
İstefa şüarlarının qarşısını almaq üçün – matça 19 saat qalmış bilet “tükəndi”

İstefa şüarlarının qarşısını almaq üçün – matça 19 saat qalmış bilet “tükəndi”

Macarıstanla biabırçı oyundan sonra Slovakiya ilə qarşılaşmaya bilet tapılmırsa, deməli, burada nə isə “əmma” var. Avro-2020-nin seçmə mərhələsinin iyunun 8-də keçirilən matçına bütün fan-klubların səfərbər edilməsinə rəğmən, tribunalarda xeyli boş yer var idi. Üstəlik, zövqsüz oyun, rəzil günündə olan komandaya cəmi 3 gün sonra tam dəstək verilməsi qəribədi.
 
Matçın startına 19 saat qalarkən bütün biletlərin satıldığının elan edilməsi gülünc mənzərədi. Sadəcə, bunun səbəbi var. Azarkeşlərin sosial şəbəkədə kampaniya aparması, oyuna gedərək AFFA rəhbərliyini istefaya səsləməyə qərar verməsi qurum rəsmilərini hərəkətə keçirib. Onlar narazı fanatların tribunada az təmsil olunması üçün biletləri satışdan çıxarıb və müxtəlif idarələrə paylayıb.
 
Redaksiyamıza daxil olan məlumata görə, SOCAR-a bağlı müxtəlif müəssisələrə minlərlə bilet paylanılıb. Onlar gəlib tribunaları dolduracaq və etirazçılara səsini çıxarmağa imkan verilməyəcək. Kəsəsi, futboldan ciddi anlayışı olmayan, məcburən oyuna gətirilənlərin, macarlarla oyunda olduğu kimi, rəqibin qoluna əl çalanların sayı bu dəfə daha çox olacaq. Təbii ki, belə təşkilatlanma əsl fanatların bilet tapa bilməməsi ilə nəticələnəcək.
 
Tez bilet alanlar olub, amma onların sayı azdı və bu üzdən istefa şüarlarının səslənməsinin qarşısı alınacaq və ya bu, kütləvi olmayacaq. Həmin narazıları nəzarət götürmək üçün xüsusi adamlar da çox olacaq. Bu səbəbdən azarkeşlər ehtiyatlı olmalı, özülərini düşünməlidilər.
 
Əsas odur ki, AFFA azarkeşlərin narazılığının fərqindədi və təşvişə düşdüklərindən alternativ varianta əl atıblar. Lakin sosial şəbəkədəki narazılığın qarşısını almaq onların gücü daxilində deyil, insanların tribunadan ayağını kəsmək olar, səslərini yox.
 
Azarkeşlər Avro-2020-nin final mərhələsinə vəsiqə vəd edən, indi isə 0 xalla qrup sonuncusu olan milli komandanın rəhbərlərindən narazıdı. Onlar səriştəsiz idarəçilərə etiraz edirlər. Narazıların qarşısını bu cür süni yollarla yox, görülən işlə almaq lazım idi. AFFA isə illəri boşa verib, bu gün yaratdıqları üfunətin qoxusunu ört-basdır etməyə çalışırlar.
 
Həddindən çox narahat olan AFFA-dan hər şey gözləmək olar. Kresloların qorumaq üçün hər yola əl atan qurum rəsmiləri hakimlərə, rəqibə çıxış tapa, sürpriz nəticəyə nail ola bilərlər. Kiçik ehtimaldı, amma mümkündü. Lakin hətta bu gün qazanılacaq qələbə də heç nəyi dəyişməyəcək. Saxta, təsadüfi uğurla illərin eyiblərini örtmək mümkün deyil.
 
Vəziyyət o qədər qəlizdi ki, macarlarla oyunda birləşən fan-klublar arasında da fikir ayrılığı yaranıb. Onlardan bəzilərinin istefa şüarları səsləndirməsinin qarşısı alındığından bu dəfə hamını oyuna gətirmək mümkün olmayıb. Ona görə də indi başqa varianta əl atılıb. Əsas odur, tribunalar dolu olacaq. Azarkeşlə yox, tamaşaçı ilə...

 
tarix: 11-06-2019 09:00


 
Xəbər lenti
27.06.2019
26.06.2019

22:30  Premyer Liqada yay bazarlığı - YENİLƏNİR

19:45  “Neftçi”nin Rumıniya klubu ilə oyunu yarıda qaldı

18:33  İtaliya millisində baş məşqçi ayrılığı

18:00  “Messiyəm” dedi, 23 qadını aldadaraq…

17:30  “Sumqayıt”da ispan məşqçi - RƏSMİ

17:00  “Qəbələ”dən “Sabah”a – RƏSMİ

16:40  Paytaxt klubunda yeni təyinat

16:21  “Neftçili Yay” futbol düşərgəsi başa çatdı

16:00  “Qarabağ”ın rəqibi milli üzvü ilə gücləndi

15:40  “Neftçi”nin rəqibindən kubokda darmadağın

15:20  “Barselona”nın qapıçısı rəsmən “Valensiya”da

15:00  “Qəbələ”nin 3 yetirməsi “Şüvəlan”da

14:40  Aftandil Hacıyevdən darmadağına şərh

14:20  “Səbail”dən növbəti transfer - RƏSMİ

14:00  Çempionlar Liqasında yeni mövsümə start verildi

13:30  “Fənərbaxça”da ayrılıq

13:00  “Mançester Siti”dən Belçika klubuna - RƏSMİ

12:30  “Sent-Etyen”dən Super Liqa klubuna

12:02  “Mançester Siti”də ayrılıq

11:41  Kamerun qələbə, Qana heç-heçə ilə başladı

11:20  Azərbaycan klubu ispaniyalı məşqçi gətirdi

11:00  “Barselona” hücumçusunu satdı

10:30  FİFA-dan Türkiyə klubuna sərt cəza

10:00  “Barselona”dan “Everton”a - RƏSMİ

09:30  Azərbaycan çempionuna ÇL püşkü öncəsi şad xəbər

09:00  “Zalsburq”dan Super Liqa klubuna

00:27  Mirabdulla icarə müqaviləsi imzaladı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az