(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
AFFA xain axtarışında: gündəmi dəyişib, iz azdırırlar

AFFA xain axtarışında: gündəmi dəyişib, iz azdırırlar

AFFA İcraiyyə Komitəsinin dünənki təcili iclasıyla bağlı rəsmi açıqlama yayılıb. Avro-2020-nin seçmə mərhələsi çərçivəsində keçirilmiş Azərbaycan – Slovakiya oyunundan (1:5) sonra 8-ci km stadionunda təşkil olunan tədbirdə biabırçı çıxış müzakirə olunub.
 
Azərbaycan milli komandasının baş məşqçisi Nikola Yurçeviçin də dəvət olunduğu iclasda millinin son iki oyunda göstərdiyi uğursuz nəticələr müzakirə olunub. Xorvat çalışdırıcı qısa hesabat verib və bildirilib ki, yaxın günlərdə ətraflı hesabat təqdim olunacaq.
 
Maraqlıdı ki, İcraiyyə Komitəsi məsuliyyəti futbolçuların boynuna qoyub. Guya ki, Azərbaycan milli komandasına dəvət olunan futbolçular üzərlərinə düşən məsuliyyəti dərk etməli, bütün oyunlarda var gücləri ilə mübarizə aparmalı, heç bir halda imkanlarından aşağı səviyyədə çıxış etməməlidirlər. Bu, oyunçuları bilərəkdən zəif oynamaqda günahkar bilməkdi.
 
AFFA rəhbərliyi hədəf yayındırır. 10 ildən çoxdu ölkə futbolunu məhv edən qurum rəhbərliyi dar məqamda hamını ayağa verir. Ola bilsin, vaxtilə özləri hakimiyyətə gəlmək üçün bu üsuldan istifadə ediblər, bilərəkdən zəif oynanılması hesabına məğlubiyyətlərə nail olublar. Ona görə də indi hamıdan şübhələnirlər.
 
Əslində isə ölkə rəhbərliyini aldatmaq, iz azdırmaq, məsuliyyətdən qaçmaq niyyətri güdürlər. Bəli,komanda zəif oynadı, amma hansısa futbolçular yox, bütün komanda. Və buna görə baş məşqçi məsuliyyət daşıyır. Belə bir şey var idisə, fasilədəcə bütün əvəzləmələrdən istifadə olunmalı, zəif oynayanlar meydandan çıxarılmalıydı. Məşqçinin taktiki savadsızlığını, oyun qura bilməməsini, meydana anormal heyət buraxmasını unudub kimisə günahlandırmaq ayıbdı.
 
Bilərəkdən zəif oynayanlardan danışırıqsa, o zaman siyahının başında Renat Dadaşovla Dmitri Nazarov gəlməlidi. Bu futbolçular Macarıstanla oyundakı zəif çıxışları üzündən dünən ümumiyyətlə, meydana buraxılmamışdı. Əgər həqiqətən belə şübhə var idisə, bütün heyət dəyişilməli idi. Amma bunu da edə bilmirlər, çünki ehtiyat qüvvə yoxdu. İllər boşa verilib, baş büdcənin talanmasına qarışıb, heç kim yetişdirilməyib.
 
Son oyunda meydanda olanlardan 4-ü (Bədavi Hüseynov, Ramil Şeydayev, Anton Krivotsyuk, Riçard Almeyda), ehtiyatda oturanlardan 7-si (Şahruddin Məhəmmədəliyev, Emin Mahmudov, Dmitri Nazarov, Rüfət Dadaşov, Renat Dadaşov, Əli Babayev, Pavel Paşayev) Azərbaycanda yetişməyənlər idi. 23 oyunçudan yarısı kənardan gələndisə və onların da yarısı əsas heyətə layiq deyilsə, sual yaranır: Bəs, bu illər ərzində siz nə iş görmüsüz və ya ehtiyatda oturacaqdılarsa, bu futbolçuları niyə milliləşdirmisiz?
 
AFFA oyun oynayır, iz azdırır, futbolçuların şərəfini şübhə altına salır. Bu isə elə qurum rəsmilərinin özünə şərəf gətirməyəcək və batdıqca batacaqlar. Azarkeşlər kor deyil, onlar kimi istefaya çağırdıqlarını gözəl bilirdilər.
 
Futbolçuların səviyyəsi budur, rəqabət yoxdu, zəif ölkə empionatında oynayırlar və beynəlxalq arenaya çıxanda qüsurları üzə çıxır. Təkcə Ramil Şeydayev oyunu ilə sübut etdi ki, xaricdə çıxış etmək, legioner olmaq tam fərqli bir şeydi və Azərbaycanda istedadlar mühitin bərbadlığı üzündən məhv olur.
 
AFFA komandada xain axtarmaqdansa, öz içinə baxsın. Pərdə arxasında “niyə Rövnəq Abdullayev qala-qala məni istefaya çağırırlar” deyən baş katib Elxan Məmmədovdan başlamaq lazımdı. Futbolu məhv edənlər indi ortaya boş mövzular atırlar, kimlərisə üz-üzə qoyurlar.
 
FƏRİD

 
tarix: 12-06-2019 13:01


 
Xəbər lenti
20.08.2019
19.08.2019

23:24  “Fənərbaxça” 3 xalı 5 qolla qazandı

23:03  Mövsümün ilk heç-heçəsi - VİDEO

22:50  Roberto Bordin: “Onlar əsl “Neftçi” azarkeşləri deyildi”

22:14  Elşad Əhmədov: “Avropa Liqasına vəsiqə qazanmaq istəyirik”

21:56  “Sabah”la “Neftçi” heç-heçə ilə başladı

21:36  Daliç: “Onların Azərbaycanla matçda ümidləri doğruldacaqlarını gözləyirəm”

21:03  “Forza Neftçi” istefa şüarlarına dəstək vermədi

19:34  Susan, gözdən salınan Orxan Məmmədov

19:30  Birinci Divizionda ilk turun hakim təyinatları

19:12  FİFA ilin ən yaxşı qoluna namizədləri açıqladı

18:48  “Qarabağ”la oyunun çəkisi daha yüksəkdi”

18:10  Soldado La Liqanın tarixinə düşdü

17:37  PSJ 55 illik rekordu təkrarladı

17:08  “Çelsi”nin sabiq futbolçusu karyerasını başa vurdu

16:40  PSJ belə uduzdu - VİDEO

16:04  Premyer Liqada kuryoz hadisə: Hakim tıxaca düşdü, əvəzində…

15:41  Startda 5 debüt

15:24  Xorvatiyanın Azərbaycanla oyun üçün heyəti açıqlandı

15:03  UEFA Bakıya 70 nəfərlik nümayəndə göndərdi

14:44  “Real”ın sabiq üzvü istefaya göndərildi

14:14  “Neftçi” - “Sabah” matçı 1 manata

13:57  “Qəbələ”dən “Sumqayıt”a

13:14  Əsgərova 73 dəqiqə bəs etmədi

12:56  “Bavariya” Koutinyonu təqdim etdi – RƏSMİ

12:33  Dadaşovun komandası yenə uduzdu

12:19  Messi sağaldı

11:55  “Sabah”ın yeni mövsüm üçün formaları - VİDEO

11:40  Millimizin meneceri Avroliqa matçına təyinat aldı

11:29  “Linfild”in sahibi: “Qrupa düşməklə oyun sayımızı artırmış olacağıq”

10:39  Balotelli nəhs rəqəmə görə təqdim edilmir

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az