(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
“Real” transfer rekordunu yenilədi

“Real” transfer rekordunu yenilədi

Son olaraq Lion “Olimpik”indən Ferland Mendini heyətinə qatan “Real” transferdə klub rekordunu yeniləyib.

Futbolinfo.az xəbər verir ki, bu barədə İspaniya mətbuatı məlumat yayıb.

“Real” yay transfer pəncərəsi dövründə “Olimpik”dən Ferland Mendini (48 milyon), “Çelsi”dən Eden Hazardı (100), “Ayntraxt”dan Luka Yoviçi (60), “Portu”dan Eder Militanonu (50) və “Santos”dan Rodriqonu (45) heyətinə qatıb. “Real” bu transferlər üçün ümumilikdə 303 milyon avro xərcləyib. Bu, “Real”ın klub tarixində bir transfer pəncərəsində futbolçulara xərclədiyi ən yüksək məbləğdi.

“Real” bununla da, 10 il əvvəlki şəxsi rekordunu yeniləyib. 2009-cu ilin yayında “kral klub”u Kriştiano Ronaldo, Kaka, Xabi Alonso, Kərim Benzema, Raul Albiol, Alvaro Neqredo, Alvaro Arbeloa və Esteban Qranero üçün ümumilikdə 258,5 milyon avro xərcləmişdi.


 
tarix: 13-06-2019 11:53


 
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az