(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Ponomaryovla B planı

Ponomaryovla B planı

Aylardı susan İqor Ponomaryov danışırsa, hətta 3 gün ərzində xüsusiən rusdilli saytlara 2 (!) müsahibə verirsə, deməli, ortada nə isə var. Söhbət sadəcə, danışmaqdan getmir, olimpiya çempionu sağ göstərib, sol vurur.
 
Vaxtilə Azərbaycanı qaçqın kimi tərk edən, “bu ölkədə rusları sıxışdırırlar” deyə yalançı fəryad edib, İsveçdə sığınacaq alan Ponomaryov sonradan “bağışlandı”. Fuad Musayev onu milli komandaya baş məşqçi təyin etdi, ardınca “Qarabağ” və “Xəzər Lənkəran”da işlədi. Və gördü ki, Azərbaycanda nəinki rusları sıxmırlar, əksinə, bu dildə danışanlar daha böyük imtiyazlara malikdi.
 
Zaman keçdi, Ponomaryovun məşqçi kimi güclü olmadığı aydınlaşdı. Amma hələ də ölkəmizdə sayğıyla anılır, fəxri ad alıb, müxtəlif futbol tədbirlərində önə çıxarılır. Yuxarı dairələrdə də hörmət sahibidi. “Neftçi”dəki oyunu ilə xatırlanır, olimpiya çempionu olması da əlavə bonusdu. Bu səbəbdən bəzən yanlış danışanda da, sözləri qəbul edilir.
 
Və bu şəxs indi danışmağa başlayıb, açıqlamaları da çox maraqlıdı. Elə danışır ki, sanli Amerika kəşf edib. Halbuki onun dediklərini mətbuat illərdi yazır, azarkeşlər fəryad edir, mütəxəssislər deyir. Və Ponomaryov indi ayılıb.
 
Situasiyadan gözəl yararlanır, azarkeşlərin ürəyindən keçəni deyir, AFFA-nı tənqid edir. STOP! AFFA-nı yox, futboldakı strategiyanı, idarəetməni, əsasən də Rövnəq Abdullayevi. Bütün pərdəarxası oyunlara baxmayaraq, AFFA prezidenti bu şəxsin futbol təsərrüfatına soxulmasına imkan verməyib. Düz də edib – bacarığı da bəllidi, keçmişi də.
 
Amma Ponomaryov rusdillilərin sevimlisidi axı. Vitze-prezident Elşad Nəsirov onun birbaşa hamisidi. Elə kartlar da burada açılır.
 
Milli komandanın son oyununda azarkeşlərin məlum istefa şüarları yuxarıları silkələyib. Futbolda islahatlar qaçılmazdı. Güman ki, Avro-2020-nin final mərhələsi bitənə kimi ciddi dəyişikliklər görəcəyik. 12 ildi futbola milyardlar xərclənib. İndi dağıdılan maliyyəni kiminsə boynuna yıxmaq, boşa verilən zamanın səbəkarını tapmaq, inkişafa əngəl olan birini müəyyənləşdirmək lazımdı. Kimsə qurban getməlidi, əks halda, hamı postundan olacaq.
 
İlk hədəf Elxan Məmmədovdu. İstər futbol ictimaiyyəti, istər azarkeşlər, istərsə də jurnalistlər məhz baş katibin əsas günahkar olduğunu görür və bəyan edir. Bu şəxs isə həm SOCAR-ın, həm də AFFA-nın vitse-prezidenti olan Nəsirovun əsas adamıdı. Onun vurulması dəstənin darmadağın olması deməkdi. Bu səbəbdən B planı işə salınıb, Ponomaryov danışdırılır. Yuxarılarda hörmət sahibi olan veteran futbolçunun AFFA-nı tənqid etməsi də buna görədi.
 
Ponomaryovun istifadə etdiyi cümlələrə diqqət etsəz, mənzərə aydınlaşar. Ölkədə yeni futbolçuların yetişmədiyini, müstəqil klubların olmadığını, millidə irəliləyiş hiss edilmədiyini və s. aşkar dilə gətirir.
 
AFFA prezidenti kimdir? Rövnəq Abdullayev. Və Nəsirov bütün bu narazılıqların birbaşa AFFA prezidentindən olduğunu məruzə edəcək, hazırda qovluqların hazırlanması prosesi gedir. Zərbə hədəfi Rövnəq bəyə yönəlir.
 
Nəsirovun istəyi Məmmədovu qorumaq, hətta rəhbərinə xəyanət edən bu şəxsi Abdullayevə xələf etməkdi. Beləcə daha bir neçə il udmağa çalışacaqlar. Futbol monopoliyasını əldən vermək istəmirlər. Çünki buradakı islahatlar yalnız işdənçıxarılma olmayacaq, hesabatı verilməli olan yüzmilyonlar, boşa verilən 12 il var. Elxan bəy bugünədək futbolun yeganə idarəçisi olub, amma rəsmiyyətdə ad başqadı axı...
 
İndi kölgə kabineti azarkeşlərin narazılığını, istefa tələbini dəf edə bilmir, zərbə gücünü axına salıb öz xeyirlərinə istifadə etmək istəyirlər. Özləri yayınıb, onu başqa yerə yönəltmək, hətta bundan da yararlanmaq məqsədi güdürlər. Belədə həm məsuliyyəti boynuna yıxmalı adam olacaq, həm də hakimiyyəti tam ələ almaq mümkünləşəcək.
 
Abdullayevin tənqidlərdən qorunması üçün bircə cəhd görmüsüzmü? Onu faktiki heç kim müdafiə etmir. Əksinə, problemli məsələ ortaya çıxanda, Məmmədov qərarın İcraiyyə Komitəsində verildiyini deyir, yanlış addımları bu qurumun üzvlərinin atdığını sezdirir. Bu həmin komitədi ki, orada başda Rövnəq bəy əyləşir.
 
AFFA prezidentinin mətbuatdan uzaq saxlanması, müsahibə verməsinə imkan yaradılmaması da təsadüf deyil. Özünə bunun qorunması məqsədi ilə edildiyi deyilir, əslində isə mətbuatla komunikasiyasının qarşısı alınır. Jurnalistlərin problemləri çatdırmasına, suallarına cavab almasına süni əngəl törədilir.
 
Əslində, problemlərin böyük ölçüdə Rövnəq bəyə aidiyyatı yoxdur. Bəli, o, qurumun rəhbəridi, məsuliyyət daşımalıdı. Lakin onun üzərində o qədər yük var ki, futbola vaxt ayırması mümkün deyil. Sadəcə, sponsordu, futbola vəsait ayıran qurumun rəhbəridi, ən yüksək şəraiti də yaradır. Nətcə yoxdursa, o da narazı olmalı, külli-ixtiyarı verdiyi Elxan bəyin boğazından yapışmalıdı. Lazım gələndə elə İcraiyyə Komitəsində onunla müqavilə uzadılmamalı, Məmmədov istefaya göndərilməlidi. Amma Abdullayevin futbolda kadrı qalmayıb, hamısı kənarlaşdırılıb, bütün rıçaqlar Nəsirovun və dəstəsinin əlindədi.
 
Bütün narazılıqların kökündə milli komandanın nəticələri dayanır. Bu sahənin kurasiyası birbaşa Nəsirovdadı. Və indi azarkeşlərin narazılığına görə də bu dəstə yola salınmalıdı. Amma B planı məharətlə işlənib, yuxarılara əli çatanlar onu elə təqdim edir ki, əsas yox, dolayısıyla günahkar olan haqda hökm çıxarılacaq.
 
Özünüz fikirləşin: narazılığın həddən artıq olduğu bir dönəmdə Nəsirovun dostu olan Ponomaryov belə müsahibə (özü də ikisini burdən) verməlidimi? Yox, əksinə, malalamalı, ya da susmalıdı. Amma o, odun üstünə benzin tökür. Deməli, bu dəstə də problemin qabarmasında maraqlıdı. Futbolun xilası naminə yox, bizneslərinə mane olan əsas əngəli aradan qaldırmaq üçün.
 
Ponomaryovun missiyası bitdi, indi növbə başqa “qəhrəmanlardadı”. Abdullayevsə hələ də nağıllara inanır.
 
FƏRİD
 

 
tarix: 15-06-2019 13:40


 
Xəbər lenti
16.10.2019

01:28   Cənubi Koreya yığması 29 il sonra Şimali Koreyada oyuna çıxdı

00:53   İspaniya AÇ-2020-də!

00:25   Millimiz İsveçrəyə belə uduzdu - VİDEO

00:14   Azərbaycan - İsveçrə oyununda yanğın

00:09   “Neftçi” məşqləri bərpa etdi

00:01   Mircavadovun Dadaşlinski imtahanı - VİDEO

15.10.2019

23:53  Federasiya prezidenti istefa verdi

22:48  Obradoviç: “Düzələsi çox şey var”

22:23  “Daha çox qol vura bilərdik, amma heç-heçə də ədalətli olardı”

21:51  Millimiz İsveçrəyə Sumqayıtda uduzdu

20:37  Çempionlar Liqasının finalı İstanbuldan alına bilər

19:49  İbrahimoviç “ən yaxşı” adına namizədlər arasında

19:20  UEFA Türkiyəyə qarşı intizam işi açdı

19:00  Millimiz San Marinoya qalib gəldi

18:41  Tovuzda və Gəncədə danışılmış oyunlarla bağlı seminar keçirildi

18:24  Narkotik alverçisi olan sabiq futbolçu ABŞ-a təhvil verilir

18:00  Milli karyerasını başa vurdu

17:42  35 ildən sonra…

17:20  Elita hakimləri Divizion oyunlarına təyinat aldı

17:00  Premyer Liqada 8-ci turun hakim təyinatları

16:41  “Hansısa komanda uduzan kimi 2-3 pillə aşağı düşür” - Alxasov

16:27  Riçard Qadze: “Yenidən evimə qayıtdım”

16:08  İvan Rakitiç: “Azərbaycanla heç-heçədən sonra...”

15:44  Fransızların tələbi: UEFA Türkiyəyə sanksiya tətbiq etsin

15:26  Millimizin lideri - Ramil Şeydayev!

15:01  UEFA “Qarabağ”a 1 milyon 140 min avro ödədi

14:42  Premyer Liqanın 8-ci turu rəqəmlərin gözü ilə

14:21  AFFA hakimi söyən futbolçuları cəzalandırdı

14:00  Şenol Güneş: “Bunu Makrondan, Trampdan soruşun”

13:42  Millinin Macarıstanla oyunu “Bol idman”da müzakirə edildi - VİDEO

13:30  Uçurumun dibində: 1/3-i bir adama ayrılan büdcə

13:17  Ronaldo 700-cü qoluna imza atdı: “Rekordlar özü məni tapır”

12:43  “Azərbaycan insanların düşündüyündən güclüdü”

12:21  Millimiz San Marino ilə üz-üzə

12:07  AÇ-2020-nin oyununda “meymun səsləri”

11:48  Türkiyə millisi Fransadan səfərdə də xal aldı - VİDEO

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az