(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Alban azarkeşlər üsyan edir: “Ən yaxşısı “Qarabağ”la oyunlara çıxmayın”

Alban azarkeşlər üsyan edir: “Ən yaxşısı “Qarabağ”la oyunlara çıxmayın”

“Qarabağ”ın Çempionlar Liqasındakı rəqibi “Partizani” Sloveniyadakı təlim-məşq toplanışını davam etdirir. İyunun 23-də “Sarayevo” ilə qarşılaşan Albaniya çempionunun Bosniya və Hersoqovina təmsilçisinə 1:5 hesabıyla məğlub olduğunu yazmışdıq. Lakin həmin vaxt klubun rəsmi saytında və “feysbuk” səhifəsində qarşılaşmanın yekun nəticəsi ilə bağlı heç nə yazılmamışdı. Gözləmək olardı ki, gecikmə ilə olsa da, həftəiçi nəsə yazarlar. Lakin dünən yenidən göz gəzirdik. Və heç bir məlumat görmədik. Sanki belə bir oyun olmayıb. Halbuki matçın afişasını təqdim etmişdilər.

Əvəzində “Mura” ilə qarşılaşmanın baş tutduğunu da yazıblar, oyunda qeydə alınan hesabı da. “Partizani” yerli komandaya da boyun əyib – 1:2. 90 dəqiqəni 0:2 hesabı ilə yenik tamamlayan tiranalılar görüşə əlavə olunmuş 3-cü dəqiqədə Eraldo Çinarinin qolu sayəsində hesab arasındakı fərqi minimuma endiriblər. 

Albaniyanın son çempionunun yoldaşlıq görüşlərində qələbəyə həsrət qalması azarkeşlərin qəzəbinə səbəb olub. Hər halda, bunu onların sosial şəbəkədə yazdığı şərhlərdən görmək mümkündü.

Klodian Duro: “Görmüşük ki, komandanın cinah müdafiəçiləri olar. Meydanın mərkəzində oyun qurucusu yer alar. Hücumçu cinah ötürmələri və asmaları ilə “qidalanar”. Yəni gördüyümüz futbol budu. Bəs sizin oynadığınız nədi?”

Mirton Ceka: “Yoldaşlıq görüşlərindəki nəticələrə önəm verməyin tərəfdarı deyiləm. Amma Çempionlar Liqasında iştirak etməyə hazırlaşan komandanın ən azı müdafiə xətti etibarlı olmalıdı. Sənin ucaboy müdafiəçilərin var, amma nə edirlər, nə etmək istəyirlər – bunu bilən yoxdu. Onsuz da qaçıb yorulmurlar, heç olmasa, üzərilərinə gələn topları qaytarsınlar”.

Viron Proko: “Skender Geqanın halallığını almamışdız axı” (adı çəkilən mütəxəssis 26 ildən sonra “Partizani”yə çempionluq sevinci yaşadıb, ölkə kubokunu qazandırsa da, bir müddət öncə komandadan ayrılıb – H.).

Fiqiri Dashi: “Bu komandanın Çempionlar Liqasının adını tutması belə utandırıcıdı. ÇL-də belələrinə yer yoxdu. Ən yaxşısı “Qarabağ”la oyunlara çıxmayın. Biabır olmaqdansa, texniki məğlubiyyət verilsin, bəs edər. 90 dəqiqə ərzində “Mura”nın qapısına bir dəfə yaxınlaşan komandaya necə çempion demək olar, anlamıram”.

Denis Burnazi: “Sloveniya superliqasında öz yerini tapa bilməyən rəqibə boyun əyən komandanın futbolçuları “Qarabağ” səddini keçəcəklərinə inanırlar?”

Vladimir Dosti: “İtalyan məşqçinin strategiyası budu? Ha, ha, ha...”

Alfredo Fredo: “Biabırçılıq davam edir. Bu axmaq komanda tezliklə üzündə haqq etdiyi silləni görəcək”.

Besi Qordja: “Bu cür başlamısızsa, Qarabağa getməyin. Orda sizi bundan də betər günə qoyacaqlar”.

Antonio Salone: “Bu, “Partizani”nin yox, çempionatın faciəsidi. Texnika çatmır, güc yoxdu. Avropada uğur qazanmaq üçün çempionatın güclü olmalıdı”.

Stefan Steji: “Bu nədi belə? Baş aça bilmirəm. Bu durumla avrokuboklara qatılmağın adı yoxdu. Baş məşqçi çarəsiz, futbolçular ruhsuz, rəhbərlik hara baxır, bilmirəm. Çox getməz”.

Mövsüm başa çatandan sonra çempion heyəti qorumağı bacaran paytaxt təmsilçisi güclənmək yolunda addımlar atmağa çalışır. İki gün öncəyə qədər yalnız qambiyalı Tican Caytehin keçidini həll edən “sarı-qırmızılar” daha bir futbolçunu rənglərinə bağlayıb. Bu, Albaniya və Kosovonun U-21-ində çıxış etmiş Rron Broyadı. Buna qədər Makedoniya (Şkupi) və Belçikada (“Gent”, “Deinze”) legioner həyatı yaşayan istedadlı yarımmüdafiəçi ilə ikiillik müqavilə imzalanıb. (Sportinfo)

Diqqətdən qaçıranlar üçün bir daha xatırladaq ki, “Partizani” – “Qarabağ” qarşılaşmasının start fiti iyulun 10-da, Bakı vaxtı ilə saat 19.30-da çalınacaq. Cavab görüşü isə düz bir həftə sonra Bakıda baş tutacaq ki, “Dalğa Arena”dakı görüş saat 21.00-da başlayacaq. 


 
tarix: 04-07-2019 21:50


 
Xəbər lenti
20.07.2019

09:30   “Real”ın hücumçusu rəsmən İtaliya klubunda

09:00   Sabiq “Qalatasaray”lı İtaliyada klubunu dəyişdi

00:55   Afrika Millətlər Kubokunun qalibi bəlli oldu

19.07.2019

23:53  Azərbaycan - Ukrayna matçı baş tutmadı

23:04  Dadaşovun komandası yeni mövsümə heç-heçə ilə başladı

22:31  “Sabah” ukraynalı qapıçı transfer etdi

22:19  UEFA “Fənərbaxça”nı cərimələdi

21:18  “Trabzonspor” argentinalı futbolçu aldı - RƏSMİ

18:30  Argentinalı hücumçu “Qarabağ”da?

18:00  Viktor Valdes yenidən “Barselona”da

17:30  “Azərbaycanda Avropa macərası yaşamaq istəyirəm”

17:00  “Qəbələ”də xorvatiyalı futbolçu - RƏSMİ

16:41  “Qəbələ” və “Neftçi”nin hər iki oyununun vaxtı təsdiqləndi

16:24  “Dandalk” Bakıya 150 minə gələcək

16:02  “Zirə” - “Keşlə” matçında 4 qol - VİDEO

15:44  “Atalanta”nın iki futbolçusu “Parma”da

15:25  UEFA Belçika klubunu Avroliqadan uzaqlaşdırdı

14:51  Keçmişi unutduranlar: göyərçinlə sünbül bir arada

14:40  2 dəfə “xərçəng”ə qalib gələn futbolçuya 7 illik müqavilə

14:21  “Qarabağ”dan nümunə götürməliyik”

14:00  Milli karyerasını başa vurdu

13:42  Azyaşlıya əxlaqsız təklif edən məşqçi tutuldu

13:34  “Atletiko”nun sabiq üzvü Argentina klubunda

13:24  Elnur Cəfərov yenə Rəfiyevin yanında

13:17  “İnter” hücumçusunu icarəyə verdi

13:01  Premyer Liqadan Çinə daha bir transfer

12:43  “Yuventus”un futbolçusu tibbi müayinədən keçə bilmədi

12:30  Premyer Liqada yay bazarlığı - YENİLƏNİR

12:20  “Arsenal” - “Neftçi” matçının biletləri satışda

12:00  “Barselona”nın futbolçusu rəsmən “Xetafe”də

11:45  Azərbaycan 26-cı pillədə qaldı

11:30  Samir Abasov: “Hər şey gözlədiyimdən də yaxşı keçdi”

11:15  “Qəbələ”nin gürcülərlə ilk oyununun başlama saatı məlum oldu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az