(+994) 050 678 37 80
(+994) 070 534 65 52

qaynar xətt

“Sumqayıt” “Şeh”lənərkən

“Sumqayıt” “Şeh”lənərkən

“Sumqayıt" Futbol Klubu və “Şeh Group” MMC şirkəti arasında əməkdaşlıq müqaviləsi imzalanıb. Bir il davam edəcəyi açıqlanan anlaşmanın maliyyə detalları gizli saxlanılır.
 
"Kapital Bank Arena”nın konfrans zalında baş tutan tədbirdə "Sumqayıt"ın prezidenti Riad Rəfiyev və “Şeh Group” MMC-nin təsisçiləri Kərim Əliyev və Səbinə Abas-zadə iştirak ediblər. Başqa heç kim – nə mətbuat nümayəndələri, nə də başqa kimsə.
 
Müqavilə imzalandıqdan sonra “Şeh Group” MMC-nin rəhbərliyinə xatirə olaraq "Sumqayıt" FK-nın oyun geyimi hədiyyə olunub. Bundan başqa, qonaqlar "Kapital Bank Arena" və yeni inşa olunmuş stadionlarla yaxından tanış olub.
 
Təbii ki, təmizlik işləri ilə məşğul olan, əhatə və fəaliyyət dairəsi dar, yalnız şəxsi əlaqələr hesabına bir sıra tanınmış obyektlərin “şüşəsilən”i olan bir qurumun futbol klubuna ciddi maliyyə dəstəyi verəcəyi inandırıcı deyil. Yəqin ki, söhbət 20-30 min manatlıq anlaşmadan gedir və bunu hansısa marketinq uğuru kimi qələmə vermək olmaz. “Şeh Group”un da bu anlaşmadan ciddi fayda götürməsi mümkünsüzdü. “Sumqayıt” bu şirkətin təbliğatı üçün uyğun olmayan oyuncaq klubdu.
 
Bəlkə də taylı tayını tapıb, anlaşma sayəsində şirkət “Azərkimya”nın təmizlik işlərini görəcəksə, bu, “Şeh” adına uğurdu. Bəlkə də “Şeh Group” MMC elə özü hansısa məmurun şirkətlərinin törəmə müəssisəsidi. Fəaliyyət göstərdiyi 6 il ərzində Paşa Holding, Bank of Baku, ASAN xidmət, Tofiq Bəhramov stadionu, Azərbaycan Respublikasının Dövlət Neft Fondu, Olimpiya Komitəsi, Metropoliten, Avropa oyunları stadionu və digər mühüm məkanlarla işləyərək şirkətin nüfuzunu yüksəyə qaldıra bildiklərini bəyan edən şirkətin sadaladıqları adlardan çox şey əyan olur.
 
“Türkiyədə fəaliyyətə başlayaraq biz istənilən ölçülü məkanlarda gündəlik və əsaslı təmizlik sahəsində böyük təcrübə qazanmış və bu xidmət növünün bütün qayda və ənənələrini öyrənmişdir” cümləsindəki məna, məntiq, uzlaşma səhvləri isə rus dilində düşünüb, Azərbaycan dilində yazanlar qrupunun işartılarını göz önünə sərir. Lap AFFA-nı idarə edənlər və onların dost-tanışı kimi...
 
İstənilən halda, futbola yatırım qoymaq həvəsinə düşən, bu işdə kiçicik xidmət göstərən bütün iş adamlarını alqışlayırıq. Onların göndərilmiş, görüntü yaradan yox, həqiqətən iz qoymaq həvəsinə düşənlər olduğuna inanmaq istəyirik. Qoy səhər şehini özünə ad seçən şirkət günəş dağlar arxasından çıxanda buxarlanmasın, bulağa, çaya dönsün, təravətini qorusun.
 
Amma “Şeh”in “Sumqayıt”da işi çətin olacaq. Klubda təmizlik aparmaq lazım olsa, Riad Rəfiyevin özü də şüşəsilənə ilişəcək, şəxsi məqsədlərinə xidmət edən əməlləri açığa çıxacaq. Məsləhətdi ki, bu şirkət təmizlik işlərini dərindən aparmasın, kosmetik yanaşmanı üstün tutsun.
 
Bu mətn sizə reklam...
“Artıq dünyaya təmiz pəncərələrdən baxmanın zamanı gəldi! İdeal təmiz döşəmədə gəzmənin zamanı gəldi! Təmiri yekunlaşdırmanın zamanı gəldi! Qazonu biçmənin zamanı gəldi! Təmiz hovuzda üzmənin zamanı gəldi! Bir sözlə - təmizlikdə yaşamanın zamanı gəldi! Bu işdə ŞEH şirkəti sizə yardım edəcək”.
 
...bu şəkil isə antireklam olsun!
İmkan olanda xidməti maşınlarınızı da təmizləyin

 
tarix: 05-07-2019 10:00


 
Xəbər lenti
10.12.2019

10:20   “Barselona” Milana Messisiz yollandı

10:01   Elxan Məmmədovun “şişirtdiyi” gündəlik

09:44   “Traktor” Təbriz derbisindən məğlub ayrıldı

09:30   Dadaşovun vurduğu qol komandasını məğlubiyyətdən xilas etmədi

09:15   Avro-2020 üçün 40 çarter reysi bron edilib

09:00   Gəncə, Qəbələ, Lənkəran: Avro-2020 üçün onları da unutmayaq

01:57   “Arsenal”dan əzmkar qələbə

09.12.2019

23:02  Autsayder doğma meydanda sevindi

18:56  “Qarabağ” - “Düdelanj”: cəmi 5 min bilet satılıb

18:34  Uels yığmasının nümayəndələri Bakıda

18:00  120 illik rekord təkrarlandı

17:46  “Neftçi” yeni sponsorla müqavilə bağlayır

17:30  Şirvan da AFFA Həmkarlar İttifaqına “hə” dedi

17:07  Ayaz Quliyev “Spartak”dan ayrılır?

16:35  “Səbail” liderliyini qorudu, “Qarabağ”dan darmadağın

16:26  İngiltərə yığmasına daha bir rəqib

15:40  Premyer Liqada 150-ci qol

15:16  Rusiyaya dopinq şoku - DÇ-2022-də olmayacaqlar!

14:43  98 illik tarixlərində ilk dəfə aşağı liqaya düşdülər

14:23  “Fənərbaxça”dan şikayət edə bilərlər – FİFA-ya

14:00  Şotlandiyada Liqa kubokunun qalibi məlum oldu

13:38  İlkin Qırtımovun atası: “Qızım intihar etməyib”

13:09  Dünya futbol tarixində ikinci - Buffonu qabaqladı

12:38  Bolqarıstan millisinin üzvünə Azərbaycandan təklif

12:10  “Səbail”i məyus edən 100-cü qol

11:54  550-ci səfər qolu

11:42  “Qarabağ”ın legioneri 100-ə çatdı

11:31  2-ci dövrənin ən yaxşısı məlum oldu

11:20  Əliyar Ağayev İsrailə yollanır

11:03  İsgəndərliyə 2 müştəri: Polşa və Rumıniyadan

10:51  Gözlənilən düzülüş: “Neftçi” çempionluq yarışına qayıtdı

10:32  Bordini tarixə salan səbəb

10:17  La Liqada yeni rekordçu

10:01  Roxas “Sabah”da qalacağına ümid edir

09:47  Ufuk Budak üçün 90 dəqiqə və 3 xal

09:31  Ayaz Quliyevsiz “Spartak” 4 qola üzüldü

09:14  Dadaşovun komandası “Setubal”a da uduzdu

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az