(+994) 050 678 37 80
(+994) 070 534 65 52

qaynar xətt

Avrokubok iştirakçıları: 3 fərqli ölkədə 3 fərqli hazırlıq

Avrokubok iştirakçıları: 3 fərqli ölkədə 3 fərqli hazırlıq

Avrokubokları ilk təsnifat mərhələsində mübarizə aparacaq klublarımız ölkə xaricində hazırlığını yekunlaşdırır. Avropa Liqasına ikinci mərhələdən qoşulacaq “Qəbələ” və digər 4 klubumuz hələ vətəni tərk etməyibsə, 3 təmsilçimiz hazırlığın əsas hissəsini arxada qoyub.
 
Qarşıdakı həftə Çempionlar Liqasında mübarizə aparacaq “Qarabağ”, Avropa Liqasında gücünü sınayacaq “Neftçi” və “Səbail” üçün start zamanı olacaq. Bu 3 klub 3 ayrı ölkədə hazırlaşıb və hazır olmağa çalışıb.
 
Digərlərindən fərqli olaraq, Avstriyada hazırlıq keçən “Qarabağ” vətənə qayıtmadı. Buradan birbaşa Albaniyaya yollanacaq ağdamlılar oyun gününə kimi məşqlə kifayətlənəcək.
 
Ölkə çempionu toplanış zamanı 4 yoxlama oyunu keçirdi. Bolqarıstan “Ludoqorets”inə 0:2 hesabı ilə uduzan komanda Rumıniya “Krayova”sı (0:0) və “Çexiya “Viktoriya”sı (2:2) ilə heç-heçə etdi. Ağdam klubu yalnız Rusiya təmsilçisi “Ufa”nı 2:1 hesabıyla məğlub etməyi bacardı.
 
2 yeni legionerlə müqavilə bağlayan ağdamlılarda heyətlə bağlı narahatlıq davam edir. Müdafiə xəttində zədəli oyunçular çoxdu, Bədavi Hüseynovun “Partizani” ilə ilk matçı buraxacağı dəqiqdi. Bundan başqa, Haiti millisinin heyətində KONKAKAF “Golq Cup”da çıxış etdiyi üçün toplanışa qoşulmayan Donald Geryenin məsələsi də dəqiqləşməyib. Onunla bitən anlaşmanın uzadılması gözlənilir, lakin rəsmi qərar yoxdu, əvəzində məhz onun mövqeyinə Atltonun simasında yeni futbolçu alınıb.
 
Yoxlama oyunlarının nəticələri narahatlıq doğurmamalıdı. Bu, hazırlıq dövrü idi və ağdamlılar belə nəticələrə bizi öyrəşdirib. İlk rəqibin nisbətən zəif olmasını nəzərə alaraq, hazırlığı yüksələn templə davam etdirən “atlılar”ın zamanla daha yaxşı olacağını deyə bilərik. Bununla belə, yeni transferlər tezliklə yekunlaşmalıdı.
 
Gümüş medalçı “Neftçi” hazırda Bakıdadı. Moldovaya qarşıdakı çərşənbə axşamı yollanacaq paytaxt klubu “Sperantsa” qarşısında əziyyət çəkməməlidi. Hətta ötənilki heyət də bu klubu keçmək üçün yetərli olmalıdı. Lakin bakılılar 4 yeni futbolçu transfer edib ki, bu da ilkin hədəfə çatmaq üçün kifayətdi.
 
Türkiyədə toplanış keçən “Neftçi”ylə bağlı əsas narahatlıq doğuran məqam sınaq matçlarının az olmasıdı. 3 yoxlama oyunu keçirmək planlaşdırılsa da, bunlardan 2-si baş tutdu. Əvvəlcə Rusiya “SKA Xabarovsk”u ilə qarşılaşan “ağ-qaralar” 3:1 hesabı ilə qalib gəldi. Rumıniyanın “Politexnika İaşi” klubuna qarşı nəzərdə tutulan görüş isə güclü duman səbəbindən 12-ci dəqiqədən etibarən dayandırıldı. Son sınağında Ukrayna təmsilçisi “Vorskla” ilə üz-üzə gələn “Neftçi” 2:3 hesabı ilə məğlub oldu.
 
Bəlkə də baş məşqçi Roberto Bordin “Sperantsa” ilə matçları elə yoxlama matçı kimi qəbul edir. Moldova klubu zəifdi və onlarla oyunları Rusiya “Arsenal”ı ilə görüşlərə sınaq saymaq mümkündü. “Neftçi”nin əsas narahatlığı 2 önəmli oyunçunun hazırlıqdan kənarda qalması olmalıdı. Komandanın bombardiri Baqali Dabo və əsas heyət üzvlərindən Soni Mustivar zədə səbəbindən matçlarda iştirak etmədi və onların sıraya dönməsi zaman alacaq. Moldovada oynamayacaq cütlüyün sıraya qayıtması üçün həkimlər bacardığını edir.
 
Bununla belə, “Neftçi”nin müdafiənin cinahlarına, yarımmüdafiə xəttinə yeni oyunçular almasına ehtiyac var. Bu mövqelərdə ehtiyat qüvvə azdı və faktiki, rəqabət yoxdu.
 
Bolqarıstanda hazırlıq keçən “Səbail” toplanış zamanı 4 yoxlama oyunu keçirdi. Yerli “Lokomotiv” (Plovdiv) və “Beroe”yə müvafiq olaraq, 0:1 və 0:4 uduzan bakılılar Rumıniya “Klinçeni”si ilə qolsuz heç-heçəyə razılaşdı. “Makedoniya GP” ilə qarşılaşma isə rəqibin minimal hesablı qələbəsiylə başa çatdı.
 
Nəticələr yaxşı deyil. Avroliqanın debütantının hətta qol vura bilməməsi düşündürücü məqamdı. Hiss olunur ki, yenidən yığılan heyət tam komplektləşməyib. Aftandil Hacıyevin bir hücumçunun ümidinə qalması, transferlərdə gecikməsi mənfi məqamdı. Rəqibin də digərləri ilə müqayisədə güclü olduğunu nəzərə alsaq, nikbinliyə əsas qalmır. Rumıniya təmsilçisi “Universtatea Krayova” “Səbail”ə qeyri-ciddi yanaşmasa, möcüzə olmayacaq.
 
FƏRİD

 
tarix: 05-07-2019 12:44


 
Xəbər lenti
07.12.2019

11:19   Stankoviç oyunundan razıdı: “Bu sualın cavabını bilmirəm”

10:14   Premyer Liqa klubunda baş məşqçi ilə yeni müqavilə

09:59   Namaşko hakimdən üzr istəyib: “Emosiyalara qapılmışdım”

09:44   Debütant rəqabətə hazırdı

09:30   İsrafilovlu “Albasete” evdə xal itirdi

09:15   Ramil Şeydayevsiz “Dinamo” darmadağına üzüldü

09:00   Dani Kintana: “Həmişə neqativ suallar verirsiz”

02:12   Hərəyə 2 qol, 1 xal

02:03   Lion “Olimpik”i səfərdə darmadağına sevindi

01:55   “Atletiko”dan “Vilyarreal”la heç-heçə

01:48   “İnter” “Roma” ilə heç-heçəyə razılaşdı

06.12.2019

23:40  “Fənərbaxça” 3 xalı 5 qolla qazandı

22:29  Ruslan Qurbanov: “Qol mənim adıma yazılsaydı, əla olardı”

21:46  “Qarabağ” - “Keşlə” oyununda 4 qol - VİDEO

21:22  Qurban Qurbanov: “Onlar daha artığına layiqdilər və qadirdilər”

21:12  “Mübarizədən qaçası deyilik” - Tərlan Əhmədov

20:50  “Qarabağ”la “Keşlə”dən məhsuldar heç-heçə

19:21  AFFA İcraiyyə Komitəsinin iclası keçiriləcək - Gündəlikdə 13 məsələ var

18:41  Bekhemin klubunun debüt edəcəyi tarix bilindi

18:09  “Arsenal”n forvardı 100-ə çatdı

17:42  Azərbaycanlı FİFA hakimi karyerasını bitirdi

17:20  Millimiz Monteneqroya məğlub oldu

17:00  Essyen: “Onlar mənim böyük məbləğə layiq olmadığımı düşünürdülər”

16:44  “Eddi İsrafilovla danışmışam, əhvalı yaxşıdı”

16:28  “Qarabağ”ın qapıçısını Superliqa klubu istəyir

16:10  “Çelsi”nin transfer qadağası ləğv edildi

15:57  Esyen Britaniya səfiri ilə görüşdü

15:48  Yuri Şikunov: “Dinamo” oyunu “Neftçi”yə verdi”

15:35  “Real”da daha bir ciddi itki

15:27  Ən gənc məşqçilər Azərbaycan Premyer Liqasındadı

15:11  Millimizin oyunu qumara qoyulubmuş: Obradoviç və 5 futbolçu şübhəli rolunda

14:53  Fransa klubunun sahibi dəyişdi

14:36  “Səbail”in qapıçısı Türkiyə klubundan pulunu tələb edir

14:14  Azərbaycan kubokunun qalibi Avroliqaya hansı mərhələdən başlayacaq?

13:51  Azərbaycanı təmsil edəcək FİFA referilərinin siyahısı

13:33  “Zirə”nin “Səbail”lə 10-cu görüşü

13:15  Dırnaqarası Ponomaryov

12:56  “Yuventus” onun xidmətindən məhrum oldu

12:34  “Real”da “El klasiko” öncəsi ciddi itki

12:17  Biliç türklərə “göylə getməməyi” məsləhət gördü

12:02  “Arsenal” 1977-ci ilə qayıdır

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az