(+994) 050 678 37 80
(+994) 070 534 65 52

qaynar xətt

Ansi Aqolli: “Qarabağ” həmişə belə oynayır”

Ansi Aqolli: “Qarabağ” həmişə belə oynayır”

Ötən mövsümün sonunda “Qarabağ”dan ayrılan albaniyalı müdafiəçi Ansi Aqolli ölkəsinin mətbuatına müsahibə verib.

Futbolinfo.az xəbər verir ki, Çempionlar Liqasının 1-ci təsnifat mərhələsində dünən "Partizani" ilə Ağdam klubu arasında keçirilən oyun (0:0) haqda danışan 36 yaşlı futbolçu maraqlı fikirlər səsləndirib:

- "Partizani" ilə "Qarabağ" arasındakı oyun necə təsir bağışladı?
- Hər şey təxminən oyuna qədər söylədiklərimiz kimi cərəyan etdi. "Qarabağ" topla daha çox oynadı, nəzarəti öz əlində saxladı. "Partizani" isə müdafiədə diqqətli idi. Oyunu əks-hücumlar üzərində qurmuşdular. İndi komandaları Bakıda daha bir oyun gözləyir.

- "Qarabağ"ın çıxışı haqda nə deyə bilərsiniz?
- Şəxsən mənə görə, bu, ötən mövsüm "Kukesi" ilə keçirdiyimiz oyuna oxşadı. Məncə, "Qarabağ" nəsə itirməyib. Onlar həmişə belə oynayırlar. İstənilən rəqibə qarşı bu cür oyun üslubu ilə mübarizə aparırlar. "Qarabağ" hər zaman etdiyini etdi.

- Ötən illə müqayisədə, "Qarabağ" zəifdir, yoxsa güclənib?
- İndi konkret nəsə demək çətindir. Bu, yeni mövsümdə hələ birinci oyun idi. Hazırkı "Qarabağ"ı ötən mövsümki komanda ilə müqayisə edib, oyununa qiymət vermək tezdir. Ancaq əminliklə deyə bilərəm ki, bu komandada neçə futbolçu dəyişir-dəyişsin, sistem olduğu kimi qalır. Ona görə də daim məzmunlu oyun göstərirlər.

- Bu nəticəni "Partizani" üçün uğur saymaq olar?
- Düşünürəm ki, hər iki komanda üçün uğurlu nəticə oldu. "Qarabağ" qol vura bilməsə də, öz üslubunda oynadı. Bu cür matçlarda səfərdə oynayan komandanın heç-heçə etməsi yaxşı nəticədir. "Partizani" isə güclü rəqibə qarşı oynadı. Bu, onlar üçün yaxşı Avropa təcrübəsi olacaq.

- "Partizani"nin kapitanı Alban Hoca oyun öncəsi mətbuat konfransında sizdən "Qarabağ" haqda heç nə soruşmadığını bildirdi. Bunu necə şərh edərdiniz?
- İnanmıram ki, Ansinin "Qarabağ" haqda hər hansı gizli məlumatı olsun və heç kimə deməsin (gülür). İnterneti açın, "Qarabağ" yazın və bu komandanın sıravi işçisindən, avtobus sürücüsündən ən gənc futbolçusuna qədər istənilən məlumatı toplayın.


 
tarix: 11-07-2019 12:40


 
Xəbər lenti
18.11.2019

01:43   Portuqaliya millisi AÇ-2020-də

17.11.2019

19:35  Millimiz Slovakiyaya yola düşdü - VİDEO

18:37  Prosineçki “Yuventus”un futbolçusunun xidmətindən məhrum oldu

16:22  “Qarabağ” “Düdelanj”la matçın biletlərini satışa çıxarır

16:04  Slovakiya - Azərbaycan: Mətbuat konfranslarının vaxtı məlum oldu

15:16  Almaniya yığmasından rekord göstərici

14:19  27:0 hesablı qələbəyə görə baş məşqçini istefaya göndərdilər

13:38  “Qarabağ”ın futbolçusu millidən kənarlaşdırıldı

12:48  “Barselona” Messi ilə müqavilədə dəyişiklik etmək istəyir

11:50  AÇ-2020-yə vəsiqə qazanan 16 komanda

11:42  “Səbail”ə haqsızlıq edən hakimin cəzası gizlədilir

11:00  90-cı illərə qayıdırıq

10:47  Məmmədovun seçdiyi Yurçeviçlə gözlənilən sonluq

10:32  “Bavariya”dan rekord gəlir

10:20  SOCAR 1 milyon ödədi, İsrafilov “Albasete” üçün qol vurdu

10:14  Qol.az 11 yaşında!

10:09  “Real”da ciddi itki - PSJ ilə oyunda olmayacaq

09:51  Rusiya Belçikaya böyük hesabla uduzdu - VİDEO

09:30  Şeydayev: “İtirəcəyimiz bir şey yoxdu”

09:00  Qara Qarayev: “Son 25 ildə belə qrupumuz olmayıb”

01:50  Xorvatiya, Almaniya, Hollandiya və Avstriya AÇ-2020-də!

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az