(+994) 050 678 37 80
(+994) 070 534 65 52

qaynar xətt

Fariz Nəcəfov: “Üçüncü tərəfin mehribançılığımızı pozacaq təxribatlarına yol verilməməlidi”

Fariz Nəcəfov: “Üçüncü tərəfin mehribançılığımızı pozacaq təxribatlarına yol verilməməlidi”

"Qəbələ"nin prezidenti Fariz Nəcəfov Gürcüstan "Dinamo"su ilə Avropa Liqasının II təsnifat mərhələsinin cavab oyunu ərəfəsində "Report"un Tiflisə ezam olunmuş əməkdaşının suallarını cavablandırıb. O, həm matç, həm də meydanətrafı olaylar barədə danışıb.
 
- Evdəki ilk oyunda 0:2 hesablı məğlubiyyət şansları azaldır, ruh düşkünlüyü yaradır. Üstəlik, "Qəbələ"də böyük dəyişikliklər baş verib. Ancaq siz nikbin görünürsünüz. Bu daxili inamı hardan alırsınız?
- İnam, şans həmişə var. Hamımız başa düşürük ki, evdə 0:2 hesabı ilə uduzan komandanın səfərdə işi çətin olacaq. Ancaq futbolçularla görüşüb danışanda, məqsədin bir olduğu qeyd olundu - nəyə gücümüz çatırsa, ondan artığını eləməliyik. Maksimum gücümüzü meydançada qoymalıyıq. Gənc futbolçularımız var ki, ilk oyunda həyəcanlı olmaları hiss olunurdu. Yəqin ki, siz də bunu hiss etmişdiniz...
 
- Bəli, hətta aralarında "Qəbələ"də ilk rəsmi matça çıxanlar, avrokuboklarda debüt edənlər vardı...
- Bu haqda danışmışam, baş məşqçimizə də demişdim. O da bununla bağlı gənc futbolçularla söhbət aparıb. Həmin şeyi indi onlara vurğuladım ki, çıxıb axıradək döyüşmək, futbolumuzu göstərmək lazımdır. Nə cür olacağını sonda biləcəyik.
 
- İlk qarşılaşmadakı məğlubiyyətin səbəbləri hansılardır?
- Çatışmayan məqamlar, səhvlər həddindən artıq çoxdur. Məşqçilər bunu analiz ediblər. Yeni komandadır, oyun baxımından anlaşma yox idi. Keçənilki heyətdən 1-2 futbolçu var. Sözsüz ki, belə nəticənin olmağı gözlənilən idi, normaldır. Yenə də futbolçularımıza inanıram. Yeni legionerlərimiz az da olsa, özlərini göstərə bildilər. Şəxsən mən onlarda nəsə görə bildim. Zamanla komanda daha yaxşı olacaq, buna inanıram. Akademiyamızdan olan futbolçuların perspektivinə inanıram. Çox heyf ki, zamanımız az oldu. Yeni yığılmış komandanın mövsümə məğlubiyyətlə başlamağı bizim üçün ağırdır. Keçən il də eyni halı yaşadıq, komandada dəyişikliklər oldu. Bundan əvvəl yadınızdadırsa, qrupa düşdüyümüz vaxtlarda da hər dəfə heyətdə dəyişikliklər olurdu. Bu, alın yazımızdır.
 
- Hələ Dorinel Muntyanunun yeni gəlişində - "Qəbələ" avrokuboklarda debüt edəndə belə köklü dəyişikliklər və Qəbələdə 0:2 hesablı məğlubiyyət oldu. Ötən yay Sənan Qurbanov baş məşqçi postuna gəldi və yenə eyni proses və Qəbələdə 0:2 hesablı məğlubiyyət. Bu dəfə də həmin uğursuz nəticədən qaça bilmədik...
- Əslində, Roman Qriqorçukun baş məşqçiliyi dövründə də, hər dəfə Avroliqada qrupa düşdüyümüz dövrdə də komandada 5-6 futbolçu dəyişikliyi olurdu. Demək olar, yeni yığılmış heyətlə Avroliqaya qatılırdıq, ancaq qrupa düşürdük. Sadəcə, həmin vaxt futbolçuların keyfiyyət məsələsi vardı. Həm də tam heyət dəyişmirdi. Ancaq bugünkü heyət tam fərqlidir. Ümumiyyətlə, hazırkı vəziyyət əvvəlkilərdən tam fərqlidir. Bundan başqa bəhanə axtarmağa yer yoxdur. Nəsə kimdəsə səhv axtarmaq olmur. Sırf komandanın təzə yığılması, gənc futbolçuların olması əsas səbəbdir. Ancaq qol epizodlarımız da oldu. Bunu da yenə tələskənliyə, təcrübəsizliyə bağlayıram.
 
- Belə matçda gürcü legionerləriniz daha yaxşı oynamalıdı. Həm onlar üçün prinsipial görüşdür, həm də həmyerlərinizin oyun planında incəliklərini daha yaxşı biliklər. Ancaq Davit Volkov Qəbələdəki qarşılaşmada daha çox əvəzlənməsinə nümayişkarcasına etiraz etməsi ilə yadda qaldı. Siz onun xarakterini yaxşı bilən adam kimi hərəkətini necə qarşıladınız?
- Belə şeylər həmişə olur. Bilirsiniz, dünya futbolunda məşhur komandalarda da bu hallar yaşanır. Futbolçular adətən bu hərəkəti edirlər. Burda ciddi bir şey yoxdur. Axı, futbolçu qıraqdan özünü görmür, meydançada özünü tam görə bilmir.
 
- Görünən bu idi ki, Volkovun oyunu alınmırdı və əvəzlənməsinə ehtiyac vardı...
- Məşqçimiz də oyundan sonra Volkovla bağlı zədədən yeni döndüyünü demişdi. Səhv etmirəmsə, yoxlama matçının birində iştirak etmişdi. Çatdırmırdı, açıq-aşkar görünürdü. Bunun üçün hətta peşəkar olmaq da lazım deyildi... Hücuma qoşulandan sonra müdafiəyə qayıda bilmirdi, lazım olan mövqeyə çatmırdı. Əvəzlənərkən etdiyi hərəkət normaldır, xüsusi qabardılası bir şey yoxdur. Merab Giqauriyə gəlincə, yeni tanıyıram. Xarakterini hələ tam bilmirəm. Futbolçuların, məşqçilərin dediyinı görə, tam istədiyimiz xarakterə malik futbolçudur. Volkovda isə heç bir problem görmürəm.
 
- Bu mövsüm Gürcüstan təmsilçisi "Saburtalo" Çempionlar Liqasında "Şerif"i Molodvada 3:0 hesabıyla məğlub etsə də, Tiflisidəki cavab matçının ilk 11 dəqiqəsində 3 qol buraxmaqla özlərinə böyük problem yaratdılar. "Dinamo"dan da belə "boşalma" gözləyirsiniz? Sizcə, erkən qol vursaq, oyun tam başqa məcraya dəyişə bilərmi?
- İnanmıram ki, "Dinamo"da belə bir arxayınlaşma olsun. Ancaq nəticənin xeyrimizə ola biləcəyimə inanıram. "Dinamo" zəif komanda deyil. Bilirik ki, çox güclü hazırlaşıblar. Öz oyunumuzu oynamalıyıq. Özümüzə daha çox inanmalı, erkən qol vurmalıyıq. Yəqin ki, baş məşqçimiz bu haqda futbolçularla danışıb.
 
- Növbəti mərhələdəki rəqib artıq bilinir. Bu, Hollandiyanın  "Feyenoord" klubudur. Bu rəqibi keçmək çox çətin məsələdir. Futbolçularınızda indi belə bir fikir yaranmır ki, onsuz da "Dinamo"nu keçsək də, növbəti mərhələdə dayanacağıq?
- Yox, buna inanmıram. Elə bir şey ola bilməz ki, indidən istirahət haqda düşünsünlər. Futbolçular üçün “Feyenoord" kimi komandayla oynamaq böyük bir motivasiya olmalıdır. Bir də ki, futbolçular hər uğurlu oyuna, keçdikləri mərhələyə görə mükafat alırlar (gülür).
 
- Son zamanlar Azərbaycan və Gürcüstan arasında gərginlik yaşandı. Keşikcidağla bağlı insident oldu. Bəzi gürcü azarkeşlər Azərbaycan komandaları avrokubok oyunlarında da bir neçə dəfə təxribata əl atıblar. Belə hallar yenidən yaşanması gözlənilir. Bunun qarşısını almaq üçün hər hansı tədbir görülürmü?
- Tək Gürcüstan məsələsində yox, ümumiyyətlə, siyasətin, siyasi məsələlərin, təxribatların idmana, idman arenalarına daşınmasının tam əleyhinəyəm. Bu, bəlkə şablon bir sözdür, amma içimdən gələni deyirəm. Mənə elə gəlir ki, idmançı idmanı, futbolçu futbolu ilə məşğul olmalıdır. Onu deyə bilərəm ki, biz millət, dövlət olaraq gürcülərlə, Gürcüstanla elə geosiyasi vəziyyətdəyik ki, tarixən qonşu olmuşuq və bundan sonra da qiyamətə kimi qonşu olacağıq. Üçüncü tərəfin bu mehribançılığımızı, yaşayışımızı pozacaq təxribatlarına yol verilməməlidir. Həm "Qəbələ", həm də "Dinamo" azarkeşlrinə idman prinsipləri çərçivəsində azarkeşlik etməyi, tam futbol ab-havasında olmağı çağırıram.
 
- Yəni, futboldan kənara çıxmayaq...
- Əlbəttə. Biz idmançıyıq, idman, futbol ictimaiyyətiyik. Bundan qırağa çıxmamalıyıq. Dövlət sərhəddin delimitasiyasını aparır, orda hər iki tərəfdən komissiya işləyir. Məsələ də hüquqi müstəvidə həll olunacaq. Bizim buna qarışmağımız düzgün deyil.
 
- Matçda səfirliyimizin nümayəndələrinin iştirakı gözlənilir?
- Çox güman ki, gələcəklər. Bilirsiniz, Gürcüstanın Azərbaycandakı səfiri Qəbələdəki oyuna gəlmişdi.
 
- "Qəbələ"nin azarkeşlərin Tiflisə gəlməsi ilə bağlı kluba müraciət olunmuşdu?
- Azarkeşlər var ki, matça gəlib komandamızı dəstəkləmək istəyirlər, bizdən bilet istəyiblər. Onlar üçün sektor da ayrılıb. Amma deyəsən, "Qəbələ" fan-klubları iştirak etməyəcək.

 
tarix: 01-08-2019 16:51


 
Xəbər lenti
18.11.2019

15:59   “Qalatasaray”da 2 ciddi itki

15:12   Robben məşqçiliyə başladı

14:52   111 ilin ən yaxşı göstəricisi

14:24   Braziliya millisi dünya çempionu oldu

14:01   Milli karyerasını başa vurdu - 32 yaşında

13:42   Filip Ozobiç bu gündən başlayır

13:32   Millimizin rəqibinin düşərgəsində yeni futbolçu

13:08   “Neftçi”nin futbolçuları Kosta Rikaya qarşı oynadılar

12:30   “Zirə”nin futbolçusu millidə 22 dəqiqə oynadı

12:00   “Qarabağ”ın futbolçusunun ilk qələbədə payı olmadı

11:43   Remzi: “Bakıda qələbə üçün bütün gücümüzü ortaya qoyduq”

11:21   Premyer Liqanın 12-ci turu rəqəmlərin gözü ilə

11:00   Azərbaycan - Ukrayna: Hakim təyinatları açıqlandı

10:30   “Liverpul”un futbolçusu millinin düşərgəsini tərk etdi

10:00   İngiltərə Kosovonu belə darmadağın etdi - VİDEO

09:30   Ukrayna millisindən tarixi nəticə

09:00   Kamran Əliyevli “Ximki” 3 xalı 3 qolla qazandı

01:43   Portuqaliya millisi AÇ-2020-də

17.11.2019

19:35  Millimiz Slovakiyaya yola düşdü - VİDEO

18:37  Prosineçki “Yuventus”un futbolçusunun xidmətindən məhrum oldu

16:22  “Qarabağ” “Düdelanj”la matçın biletlərini satışa çıxarır

16:04  Slovakiya - Azərbaycan: Mətbuat konfranslarının vaxtı məlum oldu

15:16  Almaniya yığmasından rekord göstərici

14:19  27:0 hesablı qələbəyə görə baş məşqçini istefaya göndərdilər

13:38  “Qarabağ”ın futbolçusu millidən kənarlaşdırıldı

12:48  “Barselona” Messi ilə müqavilədə dəyişiklik etmək istəyir

11:50  AÇ-2020-yə vəsiqə qazanan 16 komanda

11:42  “Səbail”ə haqsızlıq edən hakimin cəzası gizlədilir

11:00  90-cı illərə qayıdırıq

10:47  Məmmədovun seçdiyi Yurçeviçlə gözlənilən sonluq

10:32  “Bavariya”dan rekord gəlir

10:20  SOCAR 1 milyon ödədi, İsrafilov “Albasete” üçün qol vurdu

10:14  Qol.az 11 yaşında!

10:09  “Real”da ciddi itki - PSJ ilə oyunda olmayacaq

09:51  Rusiya Belçikaya böyük hesabla uduzdu - VİDEO

09:30  Şeydayev: “İtirəcəyimiz bir şey yoxdu”

09:00  Qara Qarayev: “Son 25 ildə belə qrupumuz olmayıb”

01:50  Xorvatiya, Almaniya, Hollandiya və Avstriya AÇ-2020-də!

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az