(+994) 050 678 37 80
(+994) 070 534 65 52

qaynar xətt

“Səbail”in dağıdılması planının 2-ci hissəsi: legioner köçü başladı

“Səbail”in dağıdılması planının 2-ci hissəsi: legioner köçü başladı

“Səbail”də bir müddət öncə yaşanan gərginliyin fəsadları üzə çıxır. Klubda rəhbərlik arasında olan ikitirəlik yəqib ki, yeni mövsümdə komandanın nəticələrinə ciddi şəkildə təsir edəcək.
 
Futbolinfo.az xəbər verir ki, Avropa Liqasında mübarizəni dayandıran “dənizçilər”, yeni mövsümün hazırlığının son mərhələsinə başlayarkən klubdaxili iclas keçirilmişdi. Orada icraçı direktor Ramin Həsənov əcnəbi futbolçuları klubdan getməyə səsləmiş, maaşlarını almaqda yubanmalarla üzləşəcəklərini demiş, hədələmişdi.
 
Mətbuatın məsələni ictimailəşdirməəsindən klub bəyanat verməyə məcbur oldu və geri addım atıldı. Zamanla gərginliyi soyudanlar indi fürsətdən istifadə edərək planlarını reallaşdırırlar. Artıq legionerlərin kürkünə birə düşüb və onlardan bəziləri getmək qərarına gəlib.
 
Ötən mövsümü “Zirə”də keçirən, bu yay isə “Səbail”ə qoşulan iki fransalı – Dilan Duventru və Bilal Həmdi getmək qərarına gəlib. Yarımmüdafiəçilər özünə klub axtarırmış və müştəri tapıblar. Artıq Dilanla tərəflər arasındakı muqaviləyə vaxtından əvvəl xitam verilməsinə dair qarşılıqlı razılıq əldə olunub. Futbolçuya azad agent statusu verilib. O isə Kipr “Olimpiakos”una yollanıb.
 
Bilalın məsələsi hələ açıq qalır. Cinah oyunçusu da özünə klub tapıb və hazırda “Səbail”lə anlaşmanın pozulmasını gözləyir.
 
Vəziyyətlə bağlı “Səbail”in baş məşqçisi Aftandil Hacıyevin fikirlərini öyrəndik. Çünki indiki durum ilk növbədə onun planlarını pozacaq. Yeni mövsümün startına bir həftə qalarkən aparıcı oyunların gedişi problem yaradacaq, üstəlik, onları əvəz etmək üçün də şans yoxdu. Zatən maliyyə vəziyyəti imkan versəydi, legionerlərdən imtina edilməzdi. Yalnız yerli oyunçuyla boşluqları doldurmaq olar – beləsi isə yoxdu.
 
Bizimlə danışarkən Duventrunun gedişindən, klubun rəsmi məlumat yaymasından xəbərdar olmayan Hacıyev daha sonra bunları dedi: “Vəziyyət belədi. Klub belə qərar verib. Yəqin ki, bu vəziyyət nəticələrə təsir edəcək. Maliyyə probleminə görə belə durumun yaranması hardasa anlaşılandı. Lakin indiki məqamda layiqli əvəzedici tapmaq olmayacaq. Boşda olan yerli oyunçu yoxdu. Klub rəhbərliyi gərək digər klublarla danışıb kimlərisə gətirməyə nail olsun. Əks halda kadr çatışmazlığı olacaq”.
 
Hacıyevin klubun gəncləşdirmə strategiyası seçdiyini, eyni zamanda daha çox yerli futbolçulara üstünlük vermək istədiyini təəssüflə vurğuladı. Lakin özü də etiraf edir ki, hətta belə futbolçuları da mövsümün startına bir həftə qalarkən tapmaq çətindi: “Əvəzedici heyətimiz də dağılıb, komanda təzədən yığılır. Oradan da kimisə seçmək imkanı yoxdu. Bu komandaya yenə baxacam, amma vəziyyət çətindi”.
 
Məşqçi legionerlərin getmək istəməsinin rəhbərliyin məlum iclasının nəticəsi olması fikriylə razıdı: “Çətin vəziyyətdə qalan mənəm. Futbolçuları başa düşürəm. Məvaciblərini ala bilməyəcəklərindən narahatdılar. İndi təklifləri var və fürsətdən yararlanaraq gedirlər. Necə olacağını zaman göstərəcək”.
 
Qəribə vəziyyətdi. “Səbail”də ikitirəlik davam edir və bunun acısını komanda çəkəcək. Komplektləşmiş heyət süni şəkildə dağıdılır. Büdcənin kifayət etməməsi problemdi və addımlar başadüşüləndi. Lakin o zaman niyə cəmi iki ay öncə bu oyunçular transfer edilirdi? Klub rəhbərliyi həmin vaxt harası ilə fikirləşirdi və indiki qərarlar kimin beyninin məhsuludu? Ümid edək, bu suallara cavab vermək üçün bir kişi oğlu tapılacaq.
 
FƏRİD

 
tarix: 08-08-2019 09:00


 
Xəbər lenti
22.11.2019
21.11.2019

20:24  Ağabala Ramazanov: “Şerif”də oynamaq istəyirəm”

19:40  Ermənistan futbolu başsız qaldı

18:34  Rusiyalı futbolçu Türkiyə klubundan ayrıldı

18:11  “Qarabağ”ın “Sevilya” ilə matçına stadiondan baxmaq istəyənlərin diqqətinə

17:45  Ən sadiq futbolçular

17:14  “Borussiya”dan 250 milyon avroluq anlaşma

16:49  “Kəpəz”dən darmadağın, çempiondan məğlubiyyət

16:27  Sumqayıt şəhər stadionuna 5 milyon manat ayrıldı!

16:16  Neymar sıraya döndü, Mbappe...

15:49  “Real”ın futbolçusunun barmağı sındı

15:10  “Atletiko” Dieqo Kostanı 3 aylıq itirdi

14:33  “Golden Boy” mükafatına son 3 namizəd

14:09  Depay birinci, Ronaldo 10-cu oldu

13:41  UEFA Rumıniya millisi ilə intizam işi açdı

13:16  “Qarabağ” nə “Yuventus”, nə də “Lion"du”

12:44  “Borussiya”lı üçün il bitdi

12:32  “Messi və Ronaldo ilə eyni səviyyədə ola bilərdim, amma bunu istəmədim”

12:17  “Milan”dan İbrahimoviçə 1,5 illik təklif

11:53  “Zirə” ilə matça qələbə üçün çıxacağıq”

11:44  Ronaldonun əvəzinə Mbappe

11:30  "Heç vaxt bu qədər sevinməmişdim"

11:25  Daha bir milli baş məşqçisiz qaldı

11:19  Slavçevin vidası reallaşır

11:00  Milli oyuncaq

10:49  “Bavariya”dan qapıçısı ilə yeni müqavilə

10:34  “Fiorentina”nın futbolçusu 5 min avroya görə döyüldü

10:15  Xayme Romero: “Enişin olması normaldı”

10:00  AÇ-2020-nin püşkatmasını tənqid etdi

09:40  Mourinyonun “Tottenhem”də illik qazancı bəlli oldu

09:27  Milli komandada baş məşqçi istefası

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az