(+994) 050 678 37 80
(+994) 070 534 65 52

qaynar xətt

Maraqlı “Sumqayıt”, əzmkar U-19

Maraqlı “Sumqayıt”, əzmkar U-19

Bakı Olimpiya Stadionunun ehtiyat meydançası dünən daha bir sınaq matçına şahidlik etdi. Təlim-məşq toplanışını başa vuran U-19 millimiz yeni mövsümə hazırlaşan “Sumqayıt”la üz-üzə gəldi.
 
“Kimyaçılar” çempionat öncəsi son sınağında start heyətini müəyyənləşdirmək istəyirdi. Baş məşqçi Ayxan Abbasovun güvəndikləri ümidi doğrultmadı. Düzdü, bu, sıradan sınaq matçı idi. Lakin əsas heyətdə möhkəmlənmək üçün futbolçulara şans verilmişdi ki, onlardan da bəziləri bunu dəyərləndirmədi.
 
İlk hissə millinin 2:0 hesablı üstünlüyü ilə bitdi. Samir Əliyevin yetirmələri yaşca balaca olsa da, meydandakı hərəkətlilikləri ilə təcrübəli həmkarlarına boy verdilər. Eyni futbolçunun təxminən eyni nöqtədən vurduğu oxşar qollar baxımlılığı ilə də seçildi. Komandada məşqçi işinin görünməsi isə xüsusi vurğulanmalıdı.
 
Amma futbolçuların fiziki cəhətdən mükəmməl olmadığı ikinci hissədə göründü. Abbasov futbolçularını fasilədə necə “zəhərləmişdisə”, onlar tezliklə hesabı bərabərləşdirdi. Amil Yunanovun Peyman Babayi ilə əvəzlənməsi sayəsində hücumda hərəkətlilik artdı və yeniyetmələr təzyiqə dözmədi.
 
Bununla belə, Əliyev döyüşə yeni qüvvə atıb, 3-cü qola nail oldu. Yenə gözəl kombinasiya və dəqiq zərbə diqqət çəkdi. “Sumqayıt” da ruhdan düşmədi və son saniyələrdə bərabərlik təmin olundu – 3:3. Bu nəticəni milli üçün qənaətbəxş saymaq olar. Əvəzində “Sumqayıt” haqda inamlı danışa bilmərik. Düzdü, Abbasov maraqlı komanda yaradıb, heç kimə bu komandayla səfər oyunundan xal aparmaq asan olmayacaq. Bununla belə heyətdə rəqabət zəifdi, ehtiyat qüvvə yetərsizdi. Bu da çempionatda problemlərə səbəb olacaq.
 
“Sumqayıt”ın gəncləri daha çox diqqət çəkdi. Ayxan bəyin əvəzedici heyətdən götürdüyü və limitə yararlı bir çox futbolçu mövsümün kəşfi də ola bilər. Amma onlar şansdan yararlanmalı və daha istəkli olmalıdılar. Dünənki futbolla böyük məqsədlər üçün döyüşmək çətin məsələdi.
 
Düzdü, bu, bir sınaq matçı idi və U-19-dan fərqli olaraq, sumqayıtlılar zədələrdən qaçmağa çalışır, eyni zamanda qüvvələrini ilk tura qoruyurdular. Əmir Ağayev, Peyman Babayi, təcrübəli müdafiə xətti, bəzi gənc oyunçular oyunuyla ümid verdi. Lakin heyət tam komplektləşməyib, komanda mövsümə tam hazır deyil. Dünən düşərgədə olan, lakin meydana çıxmayan Mehdi Şərifinin transferi alınsa, komandanın gücünə güc qatılacaq.
 
Onun milliləşdirilmə məsələsi həllini tapmalıdı, çünki “Sumqayıt”da legionerlərin oynamasına qadağa var. “Perspolis”dən gələn, azərbaycanca danışmağı bacarmayan farsın hansı adla yerli kimi oynadılacağı da maraqlı proses olacaq. Amma faktdı ki, onun transferi reallaşmaq üzrədi. Oyunçu keçmiş klubu ilə məsələləri yoluna qoyub, yalnız “Sumqayıt”la anlaşmanın imzalanması qalıb.
 
Matçı izləyənlər arasında aşağı yaş qrupundan olan millilərimizin məşqçiləri də var idi. Eyni zamanda “göyərçinlər”in ilk turdakı rəqibi “Qəbələ”nin məşqçilər korpusu tam heyətlə, 2-ci turdakı rəqib “Səbail”in baş məşqçisi Aftandil Hacıyev kəşfiyyata gəlmişdi.
 
AĞA

 
tarix: 11-08-2019 09:37


 
Xəbər lenti
21.11.2019
20.11.2019

19:31  “Tottenhem” Poçettinoya nə qədər təzminat ödəyəcək?

19:00  Milli komandada yeni rekordçu

18:30  AÇ-2020: Pley-offun püşkatma tarixi bəlli oldu

18:00  “Genk”də baş məşqçi dəyişikliyi

17:42  “Hamı düşünürdü ki, Azərbaycana 5 qol vuracağıq”

17:20  “Azərbaycana oyuna nəzarət etmək imkanı vermədik”

17:00  AÇ-2020-yə son 4 vəsiqə üçün mübarizə aparacaq komandalar

16:42  Premyer Liqa klubunda baş məşqçi ayrılığı

16:21  AFFA rəsmisi “Reyncers”in oyununda

16:00  “Azərbaycanla oyunda ilk qoldan sonra görəcəyimiz bir iş yox idi”

15:40  Azərbaycanda yeni futbol klubu yaradıldı

15:21  Niyə bu günə düşdük?

15:00  “Bakı”nın sabiq futbolçusu həbs olundu

14:42  “Peruca”nın futbolçusu millimizə çağırıldı

14:21  Milan Şkrinyar: “Qələbəyə heç kim sevinmirdi”

14:00  Boz binada futbol cinayəti

13:43  “Azərbaycan millisi onlara səfərdə işgəncə vermişdi”

13:22  “Qarabağ”ın oyunundan əvvəl musiqili proqram

13:00  Hakimi vuran oyunçuya 10 oyunluq cəza

12:47  Əliyar Ağayev Divizion matçına təyinat aldı

12:30  Premyer Liqada 12-ci turun hakim təyinatları

12:15  Almaniya millisində yeni rekordçu

11:53  Mourinyo rəsmən “Tottenhem”də

11:37  İnqilab Məmmədov DÇ-nin final mərhələsində

11:19  Qərar günü: bundan pisi olmayacaq

11:00  AÇ-2020: Kim, hansı səbətdə olacaq?

10:40  Maradona istefa verdi

10:20  Filip Ozobiç: “Pozitiv olmaq və inanmaq lazımdı”

10:00  “Traktor”un oyunu təxirə salındı – Etirazlara görə

09:30  “Yuventus”da yeni müqavilə

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az