(+994) 050 678 37 80
(+994) 070 534 65 52

qaynar xətt

Kiprdə doğulan, Bakıda dəfn olunan ümid

Kiprdə doğulan, Bakıda dəfn olunan ümid

“Qarabağ”ın pis oynadığını demək ədalətsizlik olar. Hətta hər iki hissənin əvvəlində ağdamlılar mükəmmələ yaxın futbol sərgiləyirdi. Anlaşma, sığortalama, topsaxlama – hər şey ən yaxşı şəkildə idi.
 
Lakin APOEL-in çempionumuzdan bir üstün cəhəti var idi, onu da silaha çevirib, dəqiq atəş açdılar. Motivasiya – Tomas Dollun Kipr klubu futbolçularına 5 gün ərzində aşıladığı yeganə “taktika” bu idi. Həmin heyət, həmin komanda idi, heç nə dəyişməmişdi. Alman məşqçi futbolçuları həlledici döyüşə hədsiz inamla, istəklə çıxarmağı bacardı. Onları başa saldı ki, itriləsi heç nə qalmayıb, bütün risklər keçərlidi, qumar oynadı və qazandı.
 
Çempionlar Liqasının pley-offuna vəsiqə “Qarabağ”a 5 milyon avro, eyni zamanda minimum Avropa Liqasının qrupuna vəsiqəni gətirəcəkdi. Həlledici oyunlarda isə “Ayaks”la rahat oynamaq, bəxti sınamaq olardı. Alınmadı. İndi isə “Linfild”lə matçlar var və Şimali İrlandiya klubunu keçib qrupa düşmək şərtdi. Ağdamlılar yəqin ki, növbəti səhvi etməyəcək və dişinə uyğun rəqibi yolundan təmizləyəcək.
 
APOEL güclü rəqib idi. Kiprdə bəxt də üzümüzə güldü, hər şey alındı və qələbə qazandıq. Lakin elə orada son saniyələrdə buraxdığımız qol (2:1) bəlkə də dünənki oyunun ssenarisinin başlanğıcı idi. Rəqib özü üçün ümid qığılcımı yaratdı, Bakıda isə onu alova çevirdi.
 
“Qarabağ”ın əleyhinə olan digər amil rəqibdəki baş məşqçi dəyişikliyi idi. Ağdamlılar ilk oyunda APOEL-i əla analiz etmişdi və buna uyğun oyun qurub, qələbə qazandı. İki matç arasında reallaşan istefa və yeni təyinat isə hər şeyi dəyişdi. “Qarabağ” faktiki olaraq, sirli, nə edəcəyi tam bilinməyən rəqibə qarşı oynamalı oldu. APOEL-in hansı simaya büründüyünü, necə dəyişdiyini məşqçilər korpusumuz çözə bilmədi.
 
Tomas Doll futbolçularına yalnız motivasiya verməmişdi, oyun planında da dəyişiklik etmişdi. Kiprlilər bu dəfə daha sürətli, eyni zamanda istəkli oynadı, bütün komanda ilə pressinq tətbiq etdi, axsayan nöqtələrimizi tapıb, həmin futbolçuları səhvə zorladı. “Qarabağ”ın yaşlı, ləng oyunçuları qol buraxdığımız epizodlarda baş rolda idi, yarımmüdafiəmizin mərkəzi təzyiqə dözmədi. Alman məşqçi təhlükəli sol cinahımızı ustalıqla zərərsizləşdirdi və motivasiyalı oyunçular onun tapşırıqlarını dəqiq yerinə yetirdi. Bu, həm də əvvəlki məşqçidən narazı oyunçuların özünütəsdiq matçı idi, qələbəylə bütün günahı onun boynuna yüklədilər.
 
Bəs, “Qarabağ” nə etdi? Rəqibin sürprizlərinə qarşı heç nə! Qurban Qurbanov yetərsiz heyəti pis hazırlamamışdı, lakin sürprizlərə meydanda cavab vermək mümkün olmadı. Ağdamlılar ilk 20 dəqiqədə meydanda diqtə edən tərəf olsa da, rəqib oyunumuzu tutan kimi B planını işə salıb arzuladığı qolları vurdu. Qonaqların motivasiyasına bizimkilərin həyəcanı da əlavə olununca hər şey bitdi.
 
Qurbanovun israrla Simeon Slavçevi oynatmasının səbəini bilmirəm. Dani Kintananın zədəsi yox idisə, bəlkə də onun meydanda olması daha çox fayda verərdi. Amma iş ondadı ki, ansamblı pozan, epizodlar zamanı çatdırmayan, bəzən köntöy görünən bolqar yarımmüdafiəçi iki real qol şansı qazandı. Ümumiyyətlə, çoxsaylı belə fürsətlər boşa verilincə, Riçard Almeydanın zərbəsi dirəkdən dönüncə rəqibin qələbəyə inamı da xeyli artdı.
 
İlk qol zamanı günahkar kimi Rəşad Sadıqov göründü. Bu mövsümü çox əla keçirən kapitan bəlkə də həmin anda daha diqqətli ola, penaltiyə şərait yaratmaya bilərdi. Lakin o da ani qərar verməli oldu, oyundaşlarını sığortalayarkən çətin situasiyaya düşdü. Səhv zənciri Miçel Madeyra ilə bu mövsüm heç cür özünə bənzəməyən Maksim Medvedevin anlaşmamasından başlamışdı və onların yersiz top itkisi faciəvi nəticənin start nöqtəsi oldu.
 
İkinci qol isə birbaşa Riçard Almeydanın vicdanına yazılmalıdı. 10 saniyə içində iki dəfə rəqibin pleymeykeri kimi oynayan braziliyalı top itirdi, onu rəqibə bağışladı və 2:0...

“Qarabağ” bu qolları buraxınca rəqibiylə rolları dəyişdi. İndi oyunu ən azı əlavə vaxta daşımaq üçün məhz bizimkilər qol vurmalı idi. Lakin futbolçularda nə güc, nə motivasiya tapıldı. Ehtiyat qüvvə də yetərli olmayınca məğlubiyyət qaçılmaz oldu. Qurbanovun son dəqiqələrdəki əvəzetmələri, xüsusilə Araz Abdullayevin sol cinah müdafiəçisi kimi oynadılması avantüraya oxşayan risk idi – tutmadı. Beləcə Kiprdə qazanılan böyük şans beləcə əldən verildi.
 
ÇL-lə bağlı ümidlər bitdi. Bu ümidlər əslində, püşk atılarkən böyük deyildi, Ağdam klubu Kiprdəki qələbə ilə onu böyütmüşdü. Daha təcrübəli APOEL dünən ədalətin yerini tutması üçün çalışdı, onlara “Qarabağ” özü də “kömək etdi”. İndi böyük bir eranın bitməməsi üçün “Linfild” üzərində qələbələr vacibdi. Əks halda, Ağdam klubunda çox şey dəyişə bilər.
 
FƏRİD
 
P.S.: “Qarabağ” bu oyunu həm də rəhbərliyi Kiprdə selfi edərkən uduzmuşdu. AFFA-nın baş katibi Elxan Məmmədovun ayaq basdığı yer viran olur. “Çelsi”yə 0:6 uduzulan oyundan öncə də belə olmuşdu…

 
tarix: 14-08-2019 09:17


 
Xəbər lenti
15.12.2019

15:21   “Sabah” “Qəbələ”yə uduzur - YENİLƏNİR

14:15   Kosta Rika klubunun forvardına Azərbaycandan cəlbedici təklif

13:46   “Napoli”də ciddi itki

12:59   Peyman Babayi: “Kubokda bu mövsüm də uğurlu olmağa çalışacağıq”

12:02   “Bavariya”da 300-cü oyun

11:09   Turabovun komandası səfərdən 1 xalla döndü

10:24   Millimizin üzvü “Bolton” üzərində qələbəyə sevindi

09:17   Klublararası dünya çempionatı: Yarımfinalçılar bəlli oldu

01:54   “Barselona” səfərdə xal itirdi

01:41   “Napoli” yeni baş məşqçi ilə də məğlub oldu

01:02   Marsel “Olimpik”i səfərdə xal itirdi

14.12.2019

23:45  “Bavariya” 3 xalı 6 qolla qazandı

23:25  “Çelsi” uduzdu, “Lester” xal itirdi, “Liverpul”dan növbəti qələbə

22:58  “Qalatasaray” qələbəni əldən verdi

21:04  Təbriz klubu səfərdən xalsız döndü

19:39  Emil Balayevin komandası erməniyə tapşırıldı - RƏSMİ

19:30  Rekord.az 9 yaşında!

19:12  Azərbaycan futbolunun “bataqlığı”

18:55  Qurban Qurbanov: “Qarabağ”da dəyişikliklər olmalıdı və olacaq”

17:53  “Bu, Qarabağın Azərbaycana aid olmasını göstərmək üçün şansdı” - Qurban Qurbanov

16:56  Hakimlərdən boykot qərarı

15:50  “Sabah” “Verona” ilə də bacarmadı

15:24  14 oyun, 21 futbolçu

14:46  “Sabah” “Verona” ilə qarşılaşacaq

13:45  Argentina kubokunun qalibi bəlli oldu

13:17  Argentina millisinin sabiq üzvü karyerasını başa vurdu

12:46  “Qəbələ”nin 15-ci startı

12:08  Premyer Liqada noyabrın ən yaxşıları

11:26  “Liverpul”da yeni müqavilə

11:00  Prosineçki Riad Rəfiyevlə başqa şərtlərlə danışdı

10:47  Məsut Özil qınadı: “Tərəfsizlik namussusluqdur”

10:33  “Messi sərt futbolçudur”

10:18  “Qəbələ” futbolçuları Gürcüstandan qələbəsiz qayıtdı

10:00  Yanvara saxlanan suallar

09:41  “Qalatasaray” fransalı futbolçunu heyətdən kənarlaşdırdı

09:27  Dmitri Nazarov üçün 90 dəqiqə və 3 xal

09:11  Dadaşov yenə qol vurdu, komandası qalib gəldi

09:00  Bumeranq: AFFA özü yetişdirdiyi cinayətkarları cəzalandırır

01:52  Hərəyə 1 qol, 1 xal

01:38  “Lill” “Monpelye”ni məğlub yola saldı

01:26  “Hoffenhaym” doğma meydanda 4 qola üzüldü

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az