(+994) 050 678 37 80
(+994) 070 534 65 52

qaynar xətt

Eminin “təntənəli” açılışı

Eminin “təntənəli” açılışı

Azərbaycan Premyer Liqasında yeni mövsüm tək qolla başladı. Çempion “Qarabağ” ötən mövsümün sonuncusu olmasına rəğmən, elitada qalan “Keşlə”ni yendi.
 
Hesabı yalnız limit səbəbi ilə ağdamlıların heyətinə düşməyi bacaran İsmayıl İbrahimlinin açması günü əlamətdar etdi. Gənc futbolçu işgüzarlığı ilə seçildi və şansa layiq olduğunu göstərməyə çalışdı. Avrokubok oyunları üçün təcrübəsi yetərli olmaya bilər, lakin çempionatda onu tez-tez yarımmüdafiə xəttində görəcəyik.
 
Mövsümün ilk oyununa görə komandalara qiymət vermək çətindi. Xüsusilə oyunlarını Mərdəkanda keçirməyə məcbur olsa da, meydan sahibi sayılan “Keşlə”nin potensialını tam görə bilmədik. Yeni futbolçular ilk baxışdan pis təsir bağışlamır, lakin onların vahid komanda kimi göründüyünü deyə bilmərik. Tərlan Əhmədov heyəti komplektləşdirmək üçün azı ilk dövrənin sonuna kimi əziyyət çəkəcək.
 
“Keşlə”dən fərqli olaraq, “Qarabağ” daha yaxşı formada idi. Əsas heyətin bir neçə oyunçusu Avropa Liqasının pley-off matçına qorunsa da, digərləri də yaxşı formadadı. Qitə yarışlarında arxada qalan 6 matç onların formalarını yüksəltməsinə şərait yaradıb. Şimali İrlandiyada cəza üzündən oynamayacaq Rahil Məmmədov və Riçard Almeyda start heyətində yer almaqla meydan sahiblərinin işini daha da çətinləşdirdi.
 
Əhmədov müdafiədə qapalı oynayıb, sürətli əks-hücumlarla uğur qazanmaq istəyirdi. Bu plan alınmadı. Düzdü, ağdamlılar qolu yalnız matçın sonlarında vurdu, lakin bunadək dəfələrlə qol epizodu yaratmışdılar. Deməli, “Keşlə” müdafiə oyununu da istənilən səviyyədə oynamadı.
 
Buna baxmayaraq, hər şey meydan sahiblərinin istədiyi kimi gedirdi. Və Emin Mehdiyev səhnəyə çıxdı, oyundaşlarının əməyini yerə vurdu. Ötən mövsüm komandaya transfer olunan, lakin qaydalar üzündən oynaya bilməyən müdafiəçi debütünü qırmızı vərəqəylə “yudu”. Oyuna sonradan daxil olan Emin qısa müddətdə gərəksiz iki sarı vərəqə alıb, komandasını azlıqda qoydu.
 
Düzdü, “Qarabağ” qolu onun səhvindən sonra vurmadı. Amma rəqib azlıqda qaldıqdan sonra qonaqların təzyiqi artdı və hesab açıldı. 10 nəfərlə oynayan “Keşlə”nin bütün planları pozuldu,müqavimət göstərməyə gücü çatmadı.
 
İlk oyun darıxdırıcı alındı. Start matçı olduğunu nəzərə alsaq, başadüşüləndi. Ümid edək, “Keşlə” oyundan-oyuna artırıb, yüksək yerlər uğrunda mübarizəyə rəng qatacaq. Zatən məşqçilərə buna görə daha bir şans verilib və onlar da istədiyi heyəti formalaşdırıb. İndi qalır oyun keyfiyyətini yaxşılaşdırıb nəticə vermək. “Qarabağ” isə sıx qrafik yorğunluğuna rəğmən, yaxşı göründü və qızıl medallara əsas iddiaçı olduğunu bir daha göstərdi.
 
FƏRİD

 
tarix: 17-08-2019 09:00


 
Xəbər lenti
21.11.2019

09:27   Milli komandada baş məşqçi istefası

09:14   Məmmədovla “süni müsahibə”

09:00   “Fənərbaxça”da iki ciddi itki

08:46   Şeydayevlə İsrafilov əlbəyaxa oldu: "Sənin kimilər bu formanı geyinməməlidi"

20.11.2019

19:31  “Tottenhem” Poçettinoya nə qədər təzminat ödəyəcək?

19:00  Milli komandada yeni rekordçu

18:30  AÇ-2020: Pley-offun püşkatma tarixi bəlli oldu

18:00  “Genk”də baş məşqçi dəyişikliyi

17:42  “Hamı düşünürdü ki, Azərbaycana 5 qol vuracağıq”

17:20  “Azərbaycana oyuna nəzarət etmək imkanı vermədik”

17:00  AÇ-2020-yə son 4 vəsiqə üçün mübarizə aparacaq komandalar

16:42  Premyer Liqa klubunda baş məşqçi ayrılığı

16:21  AFFA rəsmisi “Reyncers”in oyununda

16:00  “Azərbaycanla oyunda ilk qoldan sonra görəcəyimiz bir iş yox idi”

15:40  Azərbaycanda yeni futbol klubu yaradıldı

15:21  Niyə bu günə düşdük?

15:00  “Bakı”nın sabiq futbolçusu həbs olundu

14:42  “Peruca”nın futbolçusu millimizə çağırıldı

14:21  Milan Şkrinyar: “Qələbəyə heç kim sevinmirdi”

14:00  Boz binada futbol cinayəti

13:43  “Azərbaycan millisi onlara səfərdə işgəncə vermişdi”

13:22  “Qarabağ”ın oyunundan əvvəl musiqili proqram

13:00  Hakimi vuran oyunçuya 10 oyunluq cəza

12:47  Əliyar Ağayev Divizion matçına təyinat aldı

12:30  Premyer Liqada 12-ci turun hakim təyinatları

12:15  Almaniya millisində yeni rekordçu

11:53  Mourinyo rəsmən “Tottenhem”də

11:37  İnqilab Məmmədov DÇ-nin final mərhələsində

11:19  Qərar günü: bundan pisi olmayacaq

11:00  AÇ-2020: Kim, hansı səbətdə olacaq?

10:40  Maradona istefa verdi

10:20  Filip Ozobiç: “Pozitiv olmaq və inanmaq lazımdı”

10:00  “Traktor”un oyunu təxirə salındı – Etirazlara görə

09:30  “Yuventus”da yeni müqavilə

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az