(+994) 050 678 37 80
(+994) 070 534 65 52

qaynar xətt

"Tarixin ən yaxşı komandası" və yarıhəvəskarlar

"Tarixin ən yaxşı komandası" və yarıhəvəskarlar

“Qarabağ”a Tahir Gözəli peşman etmək üçün qısa müddət yetdi. “Dandolk” üzərində qələbədən sonra Ağdam klubunun indiki heyətini bütün dövrlərin ən yaxşısı elan edən vitse-prezident ondan sonrakı 3 oyunda 2 sarsıdıcı məğlubiyyət görüb.
 
Gözəlləmə söyləmək asandı, amma məntiq olmalıdı. Qocalmış heyəti, potensialı tam açılmayan yeni transferləri necə görməzdən gəlmək olar? Hələ qrupa düşməyən bu futbolçuları Çempionlar Liqasında tarix yazan, ondan öncəki mövsüm daha yaxşı oynayan futbolçulardan necə üstün tutmaq olar? Pafoslu danışmaqla deyil, indiki “Qarabağ” heç də ən yaxşı deyil.
 
“Qarabağ”ın ardıcıl 6-cı dəfə qrupa düşməsi üçün real şansı var. Rəqib çox uyğundu və Bakıda ümumi qələbəni təmin etmək mümkün olacaq. Yarıhəvəskar “Linfild” hətta bu mövsümkü bütün rəqiblərdən zəifdi. Əzmkarlıqları üst səviyyədə olduğundan bura qədər irəliləyiblər və daha güclü, daha təcrübəli “Qarabağ”ın Şimali İrlandiya klubunu yolundan təmizləməməsi ayıb olar. “Linfild” bir az bəxt, daha çox da rəqiblərin zəif olması səbəbindən Avropa Liqasının pley-offuna kimi irəliləyib.
 
Ağdam klubu bu il yaxşı oynadığı oyunlarda uğursuz nəticəyə imza atır. Bakıda APOEL-lə oyunda da nəticə və meydandakı oyun tərs mütənasib idi. Dünən isə “Qarabağ” mükəmməl başladığı matçı sonda məğlub başa vurdu. İlk yarım saatda istədiyini edən komanda bir anda dayandı, ardıcıl zərbələr aldı və matçın sonunda ayılıb, Bakı üçün ümid yeri saxladı. Britaniya klubları Qurban Qurbanov üçün hələ də qorxulu yuxudu və illərdi standart vəziyyətlərə çarə tapa bilmir.
 
2:3 normal nəticədi. “Qarabağ”a evdə 1:0, 2:1 hesablı qələbələr də kifayət edəcək. Amma istənilən halda, qələbə qazanmaq lazım olacaq. Zədəli Aylton Silva, cəzalılar – Riçard Almeyda və Rahil Məmmədov qayıdınca bunu reallaşdırmaq çətin olmamalıdı. Bu futbolçularla heyətdəki çatışmazlıqlar yoluna qoyulacaq, rotasiyaya ehtiyac qalmayacaq. Və “Linfild”in sıradan çıxarılması reallaşacaq. Əminliklə danışmağımızın səbəbi rəqiblə “Qarabağ”ın gücü arasındakı fərqdi. “Atlılar” bunu bacarmasa, fiaskodan bəhs edəcəyik. Çünki qrup yolundakı son maneə “dişə uyğundu”.
 
“Qarabağ”ın hesabı açdığı epizod məntiqli hücumun nəticəsi deyildi. Əgər qolu 4 müdafiəçi yaradıbsa, onu təsadüf də saymaq olar. Abbas Hüseynovun zərbəsindən sonra künc zərbəsi qazanırıq, davamında rəqibin uzaqlaşdırdığı topu Rəşad Sadıqov yenidən qapı önünə göndərir, Maksim Medvedevin ötürməsini isə Faysal Rerras qola çevirir. Kəsəsi, bütün müdafiəçilərimiz hesabın açılmasında rol oynayır.
 
İlk yarım saatda daha bir neçə şans boşa verilincə, ruhlanan meydan sahibləri heç nədən vəziyyəti dəyişdi. İki standart vəziyyətin qola çevrilməsində diqqətsiz oyunçularımız rol oynadı – birincidə Miçel Madeyra nəzarət etdiyi futbolçunu buraxdı, ardınca Vaqner Silva çıxışda səhvə yol verdi. İkinci hissədə məyus olduğumuz epizodda isə Abbas Hüseynov diqqətsiz oynadı, əks-hücumu elementar səhvlə buraxdı.
 
“Qarabağ”ın son dəqiqələrdə hesab arasıdakı fərqi minimuma endirməsi pley-off cütünün taleyinin həll edilməsi baxımından böyük önəm daşıyacaq. Xayme Romeronun fərdi bacarıq hesabına qazandığı, Maqaye Qeyenin ustalıqla yerinə yetirdiyi penalti Bakıdakı işi asanlaşdırdı, təzyiqi, gərginliyi azaltdı. Bir həftə sonra işi bitirmək və qrup mərhələsinin püşkünü gözləmək lazım gələcək.
 
Tahir Gözəlin indi nə açıqlama verəcəyini bilmirəm, amma hazırkı komanda ehtiyat qüvvə baxımından tarixin ən pisidi. Zədəli və cəzalılar öz yerində, üçüncü qapıçısı olmayan “Qarabağ”ın bura kimi gəlməsi böyük uğurdu. Mərhələlər keçildikcə sabitliyini itirən Vaqnerlə, normal əvəzedici tapılmayan, Maksim Medvedevin oynadılması lazım bilinən mərkəz müdafiəsi ilə, rəqabətsiz, yaşlı və ağır yarımmüdafiə xəttiylə, məhsuldarlığı çox aşağı olan 2 hücum oyunçusuyla qrupda işlər çətin olacaq.
 
Bu komanda sadaladığımız çatışmazlıqlarla tarixin ən güclü “Qarabağ”ı ola bilməz. “Qarabağ” rəhbərliyi “Bazarstore”dan, neft sektorundan, qida sənayesində yaratdığı monopoliya sayəsində əldə etdiyi gəlirlərdən futbola da xərcləməlidi. Komanda son illər özünü qazandığı pullarla dolandırır. İnkişaf etmək, daha da güclənmək üçün bu, yetərli deyil. Ağdamlılar tarixin bəlkə də ən zəif rəqibinə yenilib və bunun əsas günahkarı da simiclik etməyə başlayan rəhbərlikdi. Hər cür imtiyazdan istifadə edə-edə komandaya diqqət ayırmamaq futbola, tarixi şansa xəyanətdi.
 
Bu komanda illərdi qurulan sistem sayəsində uğurları sıralayır. Davamlı olması üçün rəhbərliyin belə məqamda geri addım atmaması lazımdı. Bu heyət “Linfild”i keçəcək, amma qrupda uğur istəyiriksə, eyni zamanda gələn mövsüm üçün daha sabit “Qarabağ” arzulayırıqsa, lazım olan mövqelərə transferlər vacibdi. Rəqabətsiz çempionatda qalib olmaqla iş bitmir, illərdi qazanılan yertinq sayəsində qismətimizə uyğun rəqiblər düşür. Yarıhəvəskar “Linfild”ə məğlubiyyətlər yolverilməzdi.
 
FƏRİD

 
tarix: 23-08-2019 09:00


 
Xəbər lenti
21.11.2019

19:40   Ermənistan futbolu başsız qaldı

18:34   Rusiyalı futbolçu Türkiyə klubundan ayrıldı

18:11   “Qarabağ”ın “Sevilya” ilə matçına stadiondan baxmaq istəyənlərin diqqətinə

17:45   Ən sadiq futbolçular

17:14   “Borussiya”dan 250 milyon avroluq anlaşma

16:49   “Kəpəz”dən darmadağın, çempiondan məğlubiyyət

16:27   Sumqayıt şəhər stadionuna 5 milyon manat ayrıldı!

16:16   Neymar sıraya döndü, Mbappe...

15:49   “Real”ın futbolçusunun barmağı sındı

15:10   “Atletiko” Dieqo Kostanı 3 aylıq itirdi

14:33   “Golden Boy” mükafatına son 3 namizəd

14:09   Depay birinci, Ronaldo 10-cu oldu

13:41   UEFA Rumıniya millisi ilə intizam işi açdı

13:16   “Qarabağ” nə “Yuventus”, nə də “Lion"du”

12:44   “Borussiya”lı üçün il bitdi

12:32   “Messi və Ronaldo ilə eyni səviyyədə ola bilərdim, amma bunu istəmədim”

12:17   “Milan”dan İbrahimoviçə 1,5 illik təklif

11:53   “Zirə” ilə matça qələbə üçün çıxacağıq”

11:44   Ronaldonun əvəzinə Mbappe

11:30   "Heç vaxt bu qədər sevinməmişdim"

11:25   Daha bir milli baş məşqçisiz qaldı

11:19   Slavçevin vidası reallaşır

11:00   Milli oyuncaq

10:49   “Bavariya”dan qapıçısı ilə yeni müqavilə

10:34   “Fiorentina”nın futbolçusu 5 min avroya görə döyüldü

10:15   Xayme Romero: “Enişin olması normaldı”

10:00   AÇ-2020-nin püşkatmasını tənqid etdi

09:40   Mourinyonun “Tottenhem”də illik qazancı bəlli oldu

09:27   Milli komandada baş məşqçi istefası

09:14   Məmmədovla “süni müsahibə”

09:00   “Fənərbaxça”da iki ciddi itki

08:46   Şeydayevlə İsrafilov əlbəyaxa oldu: "Sənin kimilər bu formanı geyinməməlidi"

20.11.2019

19:31  “Tottenhem” Poçettinoya nə qədər təzminat ödəyəcək?

19:00  Milli komandada yeni rekordçu

18:30  AÇ-2020: Pley-offun püşkatma tarixi bəlli oldu

18:00  “Genk”də baş məşqçi dəyişikliyi

17:42  “Hamı düşünürdü ki, Azərbaycana 5 qol vuracağıq”

17:20  “Azərbaycana oyuna nəzarət etmək imkanı vermədik”

17:00  AÇ-2020-yə son 4 vəsiqə üçün mübarizə aparacaq komandalar

16:42  Premyer Liqa klubunda baş məşqçi ayrılığı

16:21  AFFA rəsmisi “Reyncers”in oyununda

16:00  “Azərbaycanla oyunda ilk qoldan sonra görəcəyimiz bir iş yox idi”

15:40  Azərbaycanda yeni futbol klubu yaradıldı

15:21  Niyə bu günə düşdük?

15:00  “Bakı”nın sabiq futbolçusu həbs olundu

14:42  “Peruca”nın futbolçusu millimizə çağırıldı

14:21  Milan Şkrinyar: “Qələbəyə heç kim sevinmirdi”

14:00  Boz binada futbol cinayəti

13:43  “Azərbaycan millisi onlara səfərdə işgəncə vermişdi”

13:22  “Qarabağ”ın oyunundan əvvəl musiqili proqram

13:00  Hakimi vuran oyunçuya 10 oyunluq cəza

12:47  Əliyar Ağayev Divizion matçına təyinat aldı

12:30  Premyer Liqada 12-ci turun hakim təyinatları

12:15  Almaniya millisində yeni rekordçu

11:53  Mourinyo rəsmən “Tottenhem”də

11:37  İnqilab Məmmədov DÇ-nin final mərhələsində

11:19  Qərar günü: bundan pisi olmayacaq

11:00  AÇ-2020: Kim, hansı səbətdə olacaq?

10:40  Maradona istefa verdi

10:20  Filip Ozobiç: “Pozitiv olmaq və inanmaq lazımdı”

10:00  “Traktor”un oyunu təxirə salındı – Etirazlara görə

09:30  “Yuventus”da yeni müqavilə

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az