(+994) 050 678 37 80
(+994) 070 534 65 52

qaynar xətt

Əhmədov “Qarabağ”ın qələbəsinə kölgə saldı, Stuxlik təsdiqlədi

Əhmədov “Qarabağ”ın qələbəsinə kölgə saldı, Stuxlik təsdiqlədi

“Qarabağ”ın “Keşlə” üzərində qələbəsinə şübhə toxumu səpildi. Bakılıların baş məşqçisi Tərlan Əhmədovun dünən verdiyi açıqlamada məhz buna eyham hiss edilirdi.
 
Əhmədov “Sabah”la matçdan sonra ilk turda azlıqda qalmalarının doğru olmadığını bildirdi. Tərlan bəy bunu şəxsi qənaətinə görə yox, Hakimlər Komitəsinin sədri Frits Stuxlikin fikirlərini öyrəndikdən sonra dilə gətirdi.
 
“Qarabağ”la ilk turun oyununda Emin Mehtiyevə verilən qırmızı vərəqə doğru deyilmiş. Avstriyalı sədr avqustun 19-da “Keşlə”də keçirdiyi görüş zamanı bunu etiraf edib. O, Mehtiyevə göstərilən ikinci sarı vərəqənin doğru olmadığını bildirib. 71-ci dəqiqədə baş hakim Orxan Məmmədov simulyasiya edən Emini cəzalandırmış, 3 dəqiqə sonra isə meydanın mərkəzində topa əllə toxunuşunu bağışlamamışdı. Beləcə 66-cı dəqiqədə əvəzetmədən meydana çıxan futbolçu komandasını azlıqda qoymuş, “Qarabağ” da bundun yararlanıb cəmi 4 dəqiqə sonra qələbə qolunu vurmuşdu.
 
Əhmədovun dediklərini Stuxliklə dəqiqləşdirməyə çalışdıq. AFFA-nın mətbuat xidmətinin rəhbəri Firuz Abdullanın vasitəsi ilə sədrdən təsdiq cavabı aldıq: “Həqiqətən ilk turdan sonra “Keşlə” klubu üçün keçirdiyimiz sual-cavab bölməsində məndən bu barədə soruşdular. Orada hakimin qırmızı vərəqəyə çevrilən sarı vərəqə qərarının səhv olduğunu bildirdim. Yeni qaydalara görə, qol epizodunun qarşısı alınmırsa, vərəqə verilmir. Epizod meydanın mərkəzində baş vermişdi”.
 
Belədisə, deməli, haqsız verilən sarı vərəqə ləğv olunmalıdı. Eyni zamanda hakim cəzalanmalıdı: “Hər vərəqə səhvinə görə cəzalandırmaq düzgün deyil. Hakim qıraqda qalanda yox, oyun idarə etdikcə artırır, inkişaf edir. Ona görə də hakim cəzalanmayıb. Vərəqənin ləğvi ilə bağlı isə qayda var. Hətta yanlış göstərilibsə də, ləğv olunmur. Düzdü, təcrübədə olub, amma düzgün deyil”.
 
Stuxlik “Keşlə”nin düşərgəsində dediyi sözü mətbuat üçün də təsdiqlədi. Lakin bu etiraf bakılıların itirilən xalını geri qaytarmayacaq. Həmin epizod yaşanarkən hesab 0:0 idi və bəlkə də komanda azlıqda qalmasaydı, “Qarabağ” matçın taleyini həll edən qolu vura bilməyəcəkdi.
 
“Keşlə”yə qarşı oxşar səhv dünən də və maraqlıdı ki, yenə 74-cü dəqiqədə qeydə alındı. Sezar Meza Kolli “Sabah”la matç zamanı qırmızı vərəqə aldı. Lakin həmin epizodda bu futbolçuya qarşı kobudluq edilmişdi, sadəcə, paraqvaylı əsəblərinə hakim ola bilməyərək rəqib futbolçuya xəsarət yetirdi və ikinci sarı vərəqəni alaraq meydandan qovuldu. Epizod davam etdiyindən cərimə zərbəsi də “Keşlə”nin əleyhinə verildi. Halbuki daha öncə Sezara qarşı kobudluq edilmişdi və bunu edən “Sabah”ın futbolçusu Abbas Ağazadə də ikinci sarı vərəqəyə layiq idi.
 
CAVAD

 
tarix: 26-08-2019 15:27


 
Xəbər lenti
17.11.2019

01:50   Xorvatiya, Almaniya, Hollandiya və Avstriya AÇ-2020-də!

16.11.2019

23:55  Nikola Yurçeviç: “Penalti verilsəydi, fərqli nəticə ola bilərdi”

23:29  Rayan Giqqz: “Hesab qənaətbəxşdi”

22:53  Millimiz Uelsə də məğlub oldu

22:00  “Rəqibdən daha çox qaçdıq, mübarizə apardıq”

19:03  “Səbail” “Qəbələ”yə yoxlama matçında da uduzdu

18:39  “Qarabağ”la oyuna tam hazır olmağa çalışacağıq”

18:29  “Futbolçularda istədiyimizi görə bildik”

18:11  “Keşlə” yoxlama oyununda darmadağına sevindi

18:04  Millimiz Almaniyaya məğlub oldu

16:51  “Sumqayıt”la “Zirə”dən heç-heçə

16:30  Mançini İtaliya millisinin tarixinə düşdü

15:27  “Zirə”nin legioneri millidə 90 dəqiqə oynadı

15:00  Seydiyev “Zirə”yə keçidi barədə danışdı: “Transferimlə menecerim məşğul olur”

14:42  Volkov nə təsdiq, nə də təkzib etdi

14:20  Slovakiya - Azərbaycan matçı ukraynalı hakimlərə tapşırıldı

14:15  Millimizin rəqibi Uruqvaya məğlub oldu - VİDEO

13:16  Antonio Konte təhdid olundu – Gülləli məktub

12:42  İsveçi AÇ-2020-yə daşıyan qələbə - VİDEO

12:21  “Bavariya”nın baş məşqçisi bəlli oldu - RƏSMİ

12:01  Danimarka yığmasından 6 cavabsız qol - VİDEO

11:41  İtaliya yığmasından ardıcıl 9-cu qələbə - VİDEO

11:27  İspaniya yığmasından 7 cavabsız qol - VİDEO

11:03  Volkov “Keşlə”yə gedir

10:44  “Bavariya”da 40 illik dönəm başa çatdı

10:03  Argentina Braziliyanı Messinin qolu ilə məğlub etdi - VİDEO

09:36  Finlandiya yığmasından tarixi uğur

09:00  Avro-2020: Türkiyə gəlməsə, xoş mənzərə olmayacaq

01:48  İsveçlə Finlandiya da AÇ-2020-də!

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az