(+994) 050 678 37 80
(+994) 070 534 65 52

qaynar xətt

Hamının və heç kimin “Neftçi”si

Hamının və heç kimin “Neftçi”si

“Neftçi” yenə gündəm mövzusudu. Klub ətrafında elə ajotaj var ki, rəhbərliyin, məşqçilərin, futbolçuların sakit başla oyunlara hazırlaşması mümkün deyil. Təzyiq o həddədi ki, konsentrasiya olunmaq mümkün deyil.
 
Belə olmalıdımı? Həm hə, həm də yox.
 
“Neftçi” xalqın komandasıdı, yarandığı gündən indiyədək heç vaxt müstəqil olmayıb. Klubun pulu daim dövlətdən gəldiyindən, büdcəsi də, nəticələri də daim müzakirə mövzusu olub. Müstəqillik dönəmində bu, xüsusilə hiss olunur.
 
Postsovet ölkələrinin flaqman klubları SSRİ dağılan kimi sıqadan çıxdı. Minsk “Dinamo”su BATE-nin, “Nistru” “Şerif”in, Kiyev “Dinamo”su “Şaxtyor”un, “Spartak”, "Zenit"in və digər Moskva klublarının, “Ararat” yeni yarananların kölgəsinə çəkildi. “Neftçi” də zaman-zaman “Kəpəz”, “Xəzər Lənkəran”, “Bakı”, son dövrlər “Qarabağ”la mübarizədə arxa plana keçib, lakin bakılılar daim çempionluq mabarizəsində olub, çəkisini saxlayıb, bu üzdən titul baxımından hələ də zirvədədi.
 
Təbii ki, bunda klubun dövlət himayəsində olması mühüm rol oynayıb. Lakin neft pullarından asılılıq komandanın yaşamasının qarantı olduğu kimi, klubu daim çəkişmələrin ortasına atıb, maraqların toqquşması üçün meydan edib. Bu gün də kiçik uğursuzluq halında “Neftçi” hamının müzakirə etdiyi, eyni zamanda uğura məcbur edildiyi klubdu. Daha böyük azarkeş ordusuna malik olması isə 82 yaşlı olması ilə əlaqədardı. Hamının ürəyində illərdi “Neftçi” sevgisi var və hər uğursuzluq o sevgiyə xəyanət sayılır.
 
“Neftçi” illərdi “Qarabağ”ın kölgəsində qalıb. Ağdamlıların sıraladığı çempionluqlar həm də onların klub kimi böyüməsini şərtləndirib. Ardıcıl 5 il qitə yarışlarında qrup mərhələsində oynamaqla həm büdcə zənginləşib, həm ən yaxşı futbolçular bura cəmləşib, həm də sabit heyət formalaşıb. “Neftçi”nin üzərində isə min oyun oynanılıb. Bu səbəbdən komandanın birdən-birə çempion olması, “Qarabağ”ı devirməsi çətindi. Uğura, inkişafa nail olmaq üçün zaman lazımdı, səbrlə, pillə-pillə irəliləməklə məqsədə çatmaq mümkündü.
 
Qrup mərhələsinə yüksələn ilk komanda olan “Neftçi üçün qitə yarışlarında bir və ya iki mərhələ keçməsi uğur sayıla bilməz. Hədəfləri böyüdən klubun azarkeşləri heç cür bunu həzm etmir. Amma yuxarıda sadaladığımız səbəblərdən indi bu reallıq qəbul edilməlidi. Bir il öncə ilk mərhələdə dayanan klub, bu mövsüm 2 rəqibi sıradan çıxarmağa nail oldu. Ölkə çempionatında isə bürünc medaldan sonra gümüş qazanıldı. Hətta ötən mövsüm sona yaxın “qızıl”a əsas namizəd də “Neftçi” idi, müəyyən səhvlər buraxıldı, titul əldən çıxdı.
 
Kəsəsi, pilləli inkişaf göz önündədi. Bəli, sürət zəifdi, komanda bəzən ümid vermir,strategiyada səhvlər göz çıxarır, lakin “Neftçi” geriləmir, yerində saymır, daha yaxşı olması üçün işlər görülür. Düzdü, 8 komandalı çempionatda 2-ci, 3-cü olmaq uğur deyil, amma nəzərə alaq ki, bu yarışda artıq Avropada da hörmət qazanmış “Qarabağ” kimi rəqib var, onlarla ayaqlaşmaq üçün səbr, eyni zamanda inadkarlıq, əzmkarlıq lazımdı.
 
“Neftçi” ilk iki tura bir xal qazanıb. Yaxşı nəticə deyil, amma faciə də baş verməyib. İngiltərədə “Çelsi” də son turadək eyni vəziyyətdə idi; İspaniyada “Barselona” mövsümə məğlubiyyətlə başlayıb; Türkiyədə “Qalatasaray” 1 xal toplayıb və əzəli rəqibi “Fənərbaxça”dan 5 xal geridədi. “İstefa” şüarlarını isə ancaq “Neftçi”nin oyunlarında eşidirik...
 
Bəli, “Neftçi”də problemlər var. Komandanın büdcəsi də yerindədi, heyəti də. Komanda faciəvi durumda olsaydı, “Arsenal” hər iki oyunda məğlub edilib, avrokuboklardan qovulmazdı. Problem məhz həmin matçdakı əla oyunu sabitləşdirə bilməməkdədi. Həmin oyunlarda bütün postsovet məkanını təəccübləndirən futbolçular, məşqçilər bunun davamını gətirməyi bacarmadı. İdarəetmədə hansısa qüsurlar oldu, futbolçular nəzarətdən çıxdı və s.
 
Bu, dərsdi. Yəqin ki, “Neftçi rəhbərliyi nəticə çıxaracaq, Anton Krivotsyuk, Kiril Petrov kimi futbolçuların Rusiya klubu ilə oyunlarda özlərini göstərmək üçün əla oynadıqlarını, “Bney Yehuda” ilə matçlarda meydanda sürünmələrini analiz edəcək. Emin Mahmudov, Dario Federiko, Stiven Monroz və başqalarının da.
 
Deməli, bu oyunçular daha çox özlərini düşündü, hansısa güclü klubdan təklif almaq ümidi ilə həmin matçları fərqli oynadı, vitrin sayılmayan oyunlarda isə həmin motivasiya olmadı. Həmin rəhbərlik, həmin məşqçi, həmin futbolçulardı. Tulaya bir sutka yol gedib əla futbol göstərən, səfər qələbəsi qazanan oyunçular çarter reysiylə getdiyi İsraildə ayaqlarını sürüdülər. Bəli, burada da rəhbərliyin günah payı var, lakin buna görə onları çempionatın start matçında, hesab 0:0 olarkən istefaya səsləmək ədalətlidimi?
 
Azarkeş hər zaman haqlıdı, onlar maddi olaraq heç nə qazanmadan komandanın uğuru üçün çalışır. Lakin tələb etmək başqa, şərt qoyaraq yalnız istefa istəmək başqa. Aydındı, indiki rəhbərliyin komandaya gəliş tarixi, həmin proseslər yaddaşlardadı, müəyyən qıcıq yaradır, onları qəbul etmək istəmirlər, yad sayırlar. Bununla belə, görülən müəyyən işlər gözardı edilməməlidi. Səhvlər var, onların aradan qaldırımasını tələb etmək olar, ancaq istefa tələbində dirənmək bir az absurd görünür.
 
Rəhbərlik də təzyiq altında bəzi qərarlarını məntiqli verə bilmir. Baqali Dabo olayında klub doğru davranmadı. Bəyanat uğursuz idi, üstəlik, bu futbolçu qovulmalı, ən azı əvəzedici heyətə göndərilməliydi. Lakin ona əsas heyətdə yer verildi. Nə dəyişdi? Dabo komandaya “Zirə”ylə oyunda xal qazandıra bildimi? Deməli, azarkeşləri qazanmaq üçün jest edilməli, onunla bağlı ciddi tədbir görülməliydi. Fanatları istəyini tamamilə görməzdən gəlmək də doğru deyil.
 
Roberto Bordin, Kiril Petrov azarkeşləri günahlandırırsa, Dabo söyürsə, deməli, onlara nəzarət edilmir, rəhbərliyin məhz bu məqamda işində boşluq var. Azarkeş niyə başqasını yox, Dabonu söyür? Çünki fransız özü və xanımı sosial şəbəkədəki paylaşımları ilə buna rəvac vermişdi və məsələ Baqalinin fanatları təhqir etməsi, sonra da üzr istəməsi ilə nəticələndi. Halbuki zədə üzündən avrokubok oyunlarını buraxmışdı və fanatlar da ondan narazı deyildi. Heç nədən problem yaranmasına davranışlardakı qüsurlar səbəb oldu.
 
Monroz oyunlara barmaqarası yanaşırsa, Mamadu Mbodj məğlubiyyətdən sonra şənlənirsə, rəhbərlik xarakter göstərməlidi. Klubun indiki idarəçilərinin əsas qüsuru bundadı, humanist davranırlar. Bir neçə sərt tədbirlə komandada hamı yerini biləcək səviyyədə ram edilə bilər. O zaman azarkeş də bunun fərqində olar, klubun etibarlı əllərdə olduğunu görüb, komanda ətrafında birləşər. Məgər “Arsenal”  onların dəstəyi ilə keçilmədimi; “Bney Yehuda”yla Bakıdakı oyun 0:2-dən 2:2-yə fanatların rəqibə təzyiqi sayəsində gətirilmədimi? “Neftçi”nin camiə halında birləşməsi çempionluğu da, Avropada uğurları da gətirəcək. Buna inanmaq lazımdı və hiyləsiz, səmimi qəlbdən addımlar atılmalıdı.
 
Yazının əvvəlində “Neftçi”nin dövlətdən maliyyələşməsini, daim diqqət mərkəzində olmasını təsadüfən qeyd etməmişdim. İndi də belədi: qələbənin atası çoxdu, məğlubiyyət yetimdi. “Arsenal”la oyundan sonra uğuru adına çıxmaq üçün statuslar yazan, hətta JEK müdirinə təşəkkür edən sədrlər, VİP-Lojada gərnəşən ağalar “Bney Yehuda”ya məğlubiyyətdən sonra yoxa çıxıblar, “Sabah”la, “Zirə”ylə oyunlarda onları görən olmayıb. Uğur olanda onu öz adına çıxmaq istəyənlər, şişirdilmiş mükafatlar vəd edənlər çətin məqamda faktiki idarəçiləri meydanda tək qoyub. Belə düşüncə ilə “Neftçi” özünə gələ bilərmi?
 
Azarkeşlər, heç olmasa, siz ayıq olun, bu komanda sizindi, ondan üz çevirmək, tribunaları boş qoymaq yox, uğuru üçün birləşmək lazımdı. Tələb edin, istəyin, kömək edin, amma qaradan başqa da rəng var axı...
 
5-6 il öncəni yada salın. “Neftçi”nin ən uğurlu rəhbərliyi “istefa” şüarları ilə yola salınmadımı? İndi də klubu qismən özünə gətirən indiki rəhbərliyin getməyini istəyirsiz. Yoxsa komandanı 8 iştirakçı arasında 7-ci edən Orxan Hüseynzadə geri qayıtmalıdı?
 
FƏRİD
 

 
tarix: 28-08-2019 09:00


 
Xəbər lenti
06.12.2019

22:29   Ruslan Qurbanov: “Qol mənim adıma yazılsaydı, əla olardı”

21:46   “Qarabağ” - “Keşlə” oyununda 4 qol - VİDEO

21:22   Qurban Qurbanov: “Onlar daha artığına layiqdilər və qadirdilər”

21:12   “Mübarizədən qaçası deyilik” - Tərlan Əhmədov

20:50   “Qarabağ”la “Keşlə”dən məhsuldar heç-heçə

19:21   AFFA İcraiyyə Komitəsinin iclası keçiriləcək - Gündəlikdə 13 məsələ var

18:41   Bekhemin klubunun debüt edəcəyi tarix bilindi

18:09   “Arsenal”n forvardı 100-ə çatdı

17:42   Azərbaycanlı FİFA hakimi karyerasını bitirdi

17:20   Millimiz Monteneqroya məğlub oldu

17:00   Essyen: “Onlar mənim böyük məbləğə layiq olmadığımı düşünürdülər”

16:44   “Eddi İsrafilovla danışmışam, əhvalı yaxşıdı”

16:28   “Qarabağ”ın qapıçısını Superliqa klubu istəyir

16:10   “Çelsi”nin transfer qadağası ləğv edildi

15:57   Esyen Britaniya səfiri ilə görüşdü

15:48   Yuri Şikunov: “Dinamo” oyunu “Neftçi”yə verdi”

15:35   “Real”da daha bir ciddi itki

15:27   Ən gənc məşqçilər Azərbaycan Premyer Liqasındadı

15:11   Millimizin oyunu qumara qoyulubmuş: Obradoviç və 5 futbolçu şübhəli rolunda

14:53   Fransa klubunun sahibi dəyişdi

14:36   “Səbail”in qapıçısı Türkiyə klubundan pulunu tələb edir

14:14   Azərbaycan kubokunun qalibi Avroliqaya hansı mərhələdən başlayacaq?

13:51   Azərbaycanı təmsil edəcək FİFA referilərinin siyahısı

13:33   “Zirə”nin “Səbail”lə 10-cu görüşü

13:15   Dırnaqarası Ponomaryov

12:56   “Yuventus” onun xidmətindən məhrum oldu

12:34   “Real”da “El klasiko” öncəsi ciddi itki

12:17   Biliç türklərə “göylə getməməyi” məsləhət gördü

12:02   “Arsenal” 1977-ci ilə qayıdır

11:54   Uelsdən Bakıya 10 min azarkeş gələcək

11:43   "Qalatasaray" bazasını geri qaytarır

11:34   İbrahimoviç Ronaldoya “əlcək atdı”

11:17   "Valyadolid" baş məşqçisi ilə yeni müqavilə bağladı

11:00   “Everton” baş məşqçisini istefaya göndərdi

10:45   Şeydayev “Dinamo”dan ayrılır

10:30   “Barselona”da yeni müqavilə

10:00   Ufuk izlədi, “Altınordu” 5 qola üzüldü

09:30   “Traktor” doğma meydanda xal itirdi

02:12   “Arsenal” doğma meydanda uduzdu

00:23   “Beşiktaş”dan darmadağın

05.12.2019

22:54  “Neftçi” rəhbərliyi Şenol Günəşlə görüşüb

22:40  AFFA-da Şenol Günəşlə görüş

19:33  “Liverpul” rekordunu yenilədi

19:05  Premyer Liqada ilin son turu rəqəmlərin gözü ilə

18:31  “Payız turniri”nin qalibi bəlli oldu

18:03  AFFA Həmkarlar İttifaqı Lənkəranı da “tutdu”

18:00  İspaniya superkubokunun təqvimi açıqlandı

17:37  Milli komandada baş məşqçi ayrılığı

17:15  Bir oyun, üç debüt

16:51  Qadze arxayınlığın qurbanı olduqlarını düşünür: “Ona görə cəzalandırıldıq”

16:36  İran yığmasının baş məşqçisi istefa verdi

16:14  Şenol Günəş Bakıda - FOTO

15:53  1/4 final mərhələsinin oyun cədvəli açıqlandı

15:34  “Qarabağ”ın futbolçuları tələbələrlə görüşdülər - FOTOLAR

15:16  “Zirə”nin ən böyükhesablı qələbəsi

14:54  “Azərbaycanda oynayacağımız matçlarda ev sahibi kimi olacağıq”

14:32  “Yuventus”un futbolçusu 3 ay oynamayacaq

14:11  Birinci Divizion: 13-cü turun hakimləri bilindi

13:54  Premyer Liqada 14-cü turun hakim təyinatları açıqlandı

13:36  “Roma”da “İnter”lə oyundan əvvəl ciddi itkilər

13:00  Kataloniyanın ən yaxşı futbolçusu

12:32  “Keşlə” 100-ü yarıladı

12:15  Millimizin üzvü həbs oluna bilər

12:03  Azərbaycan yığması Millətlər Liqasında sonuncu səbətdə

11:51  “Sabah” rekordunu təkrarladı

11:47  Ponomaryov tənqid etdi: "Mançester Yunayted" məktəbi. Hə, nə olsun?

11:35  Prosineçkiyə dönüş yersiz vaxt və maliyyə itkisidi

11:14  Ronaldo zirvədə, Messi “10-luq”dan kənarda

10:52  “Fənərbaxça”da Mozes şoku

10:30  Təbriz klubu səfərdən 1 xalla döndü

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az