(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
“Bu, həm də milli komandalara əlavə üstünlük olacaq”

“Bu, həm də milli komandalara əlavə üstünlük olacaq”

Bu gün AFFA Klublar Komitəsinin növbəti iclasının keçrildiyini xəbər vermişdik.

Futbolinfo.az xəbər verir ki, AFFA Klublar Komitəsinin sədri Riad Rəfiyev komitənin iclasından sonra brifinq təşkil edib:

– İclasın gündəliyində hansı məsələlər var idi?
– Gündəlikdə olan 3 məsələ müzakirə olundu. Birinci məsələ Azərbaycan Premyer Liqasının sponsoru ilə bağlı idi. Həmin sponsorun kimliyi, klublarla bağlılığı və klubların qazancı necə olacaq? İkinci məsələ Premyer Liqadakı limit idi. Şəxsən özüm belə bir təklif irəli sürdüm ki, hər əlavə futbolçu üçün hansısa sistem tətbiq olunsun. Klublar daha çox gənc oyunçu oynada bilsinlər və gənc futbolçular çox oynasa, klubların burada maddi xeyiri olsun. Bu ödəniş AFFA və ya Peşəkar Futbol Liqası (PFL) tərəfindən ola bilər. Bir sistemin müzakirəsi və necə tətbiq olunması müzakir olundu. Üçüncüsü isə klubların akademiyalarındakı futbolçuların təzminat məsələsi idi. Məsələn, akademiyadan gənc futbolçular başqa kluba keçəcəyi təqdirdə nə qədər təzminat ödənilməsi və s.

– Premyer Liqanın sponsorluğu ilə bağlı konkret təklif varmı?
– Ayın 6-da tenderin müddəti bitəcək. Bu vaxtdan sonra məlum olmalıdır. Bugünkü iclasa PFL-dən Aslan Şahgəldiyev və Elgiz Abbasov da dəvət olunmuşdu.

– Məbləğ barədə müzakirə aparılıbmı? Əvvəlki sponsorun dönəmində klublara 70 min manat verilməlidi idi. Bu məbləğ 1 il verilsə də, sonrada ardı gəlmədi…
– Hazırda sponsorla bağlı konkret qərar yoxdur. Ona görə də, məbləğ barədə də bir söz deyə bilməyəcəyəm.

– Gənc futbolçulara kompensasiya verilməsini qeyd etdiz. Müəyyən olunan ortaq bir məbləğ varmı?
– Bunun yalnız müzakirəsi oldu, sistemin tətbiqinin mümkünlüyü barədə danışdıq. Hazırkı limitə əsasən, start heyətində 6 legioner, 4 Azərbaycan vətəndaşı, eləcə də 1 nəfər 1998-ci il doğumlu və daha gənc Azərbaycan vətəndaşı yer almalıdır. Matçın protokolunda isə 2000-ci il təvəllüdlü Azərbaycan vətəndaşı və ya daha gənc 1 oyunçunun olması mütləqdir. Amma sabah klublardan hansısa, daha çox futbolçu oynatsa, müəyyən dəqiqə oynatsa, həmin klublara AFFA tərəfindən hansısa bonusun verilməsi müzakirə olundu.

– “Qarabağ”ın baş məşqçisi Qurban Qurbanov və “Zirə”yə rəhbərlik edən Samir Abasov limitlə bağlı şikayətlərini bildiriblər. Onlar limitin işlərini çətinə saldığını deyiblər. Bu məsələ müzakirə edildi?
– Kimi çətinə salır və ya kim xeyir görür, bu barədə danışıq olmadı. Müzakirə mövzusu limitdən əlavə gənc futbolçuların oynayacağı təqdirdə, hansısa bonusun klublara verilməsi idi. Bu isə baş məşqçinin şəxsi işidir. İstəsə, oynadar, istəməsə oynatmaz.

– PFL prezidenti Ramin Musayev də növbəti mövsümdən limit məsələsinə yenidən baxılacağını deyib. Limit ləğv olunsa, “Sumqayıt”ın işi çətin olacaq? Gənclərə şans verən və ən çox yerli futbolçulara güvənən sizin klubdur…
– Premyer Liqadakı 3 matçımıza baxsaz, görərsiniz ki, heyətdə minumum 3 gənc oyunçu var. Son turda “Neftçi” ilə oyunda da belə idi. Düşünürəm ki, bizim üçün problem olmayacaq. Bu günə kimi çalışmışıq və üstünlüyü cavan oyunçulara vermişik. Eyni yolla da davam edəcəyik.

– “Sumqayıt” klubu “Neftçi” ilə matçda baş verənlərlə bağlı üzr istədi. Buna ehtiyac var idi?
– Bunu hər bir kəs özünə görə başa düşür. Biz oyunda baş verənlərə görə futbol ictimaiyyətindən üzr istəmişik. Mənim fikrimbelədir ki, orda yaşananlar olmamalı idi. Bu, heç də yaxşı hadisə deyil. Fərqi yoxdur, “Sumqayıt” və ya “Neftçi” oynayır. Biz konkret olaraq futbol ictimaiyyətindən üzr istəmişik. Bunu kim necə istəyir, elə də başa düşə bilər. Yaşananlar baş verməməli idi. Çalışacağıq ki, olmasın.

– “Neftçi”nin məşqçisi Etibar Tarıverdiyev baş məşqçiniz Ayxan Abbasovu vurması, “Neftçi”nin feyr-pleyə əməl etməməsi, Anton Krivotsyukun sosial şəbəkə vasitəsi ilə üzr istəməsi və s. bunlara necə şərh vermək olar?
– Məndən AFFA İntizam Komitəsinin qərar verəcəyi məsələləri soruşursuz. Onlar Etibar Tarıverdiyevə qarşı nə qərar çıxaracaqlar, bunu deyə bilmərəm. Feyr-pley isə yazılmayan qanundur. Burda heç kimi günahlandıra bilmərəm ki, niyə belə oldu.

– Limitə düşən daha çox oyunçu oynadacaq komandalara həvəsləndirici mükafatın ayrılması ilə bağlı təklifə AFFA, PFL və digər 7 klubun münasibəti necə oldu?
– Hələlik bu məsələ AFFA qarşısında qaldırılmayıb. Milli assosiasiyaya müraciət etməmişik və hazırda öz aramızda müzakirə apardıq ki, belə bir məktub yazaq, klubların əlavə qazancı olsun. Bu, həm də milli komandalara əlavə üstünlük olacaq. Çünki daha çox gənc futbolçu Premyer Liqada oynayacaq. Hər klub öz fikrini bildirdi. Buna PFL yox, AFFA İcraiyyə Komitəsi qərar verəcək. Çünki orda klubları ödənilməli məbləğlər göstəriləcək. Biz yalnız bu məsələni İcraiyyə Komitəsinin qarşısında qaldıra bilərik. Bu gün bununla bağlı klublar arasında səsvermə yox, müzakirə oldu. Bir aydan sonra Klublar Komitəsi yenə yığışacaq. Həmin vaxt konkret addımlar atıla bilər.

– Rusiyanın gənclər yığmasının keçmiş müdafiəçisi Camaldin Xojaniyazovun “Sumqayıt”a keçidi gözlənilir. O, bura Azərbaycan millisinə düşmək məqsədi ilə gəlir?
– Azərbaycan millisində oynamaq istəyi olmasaydı, bununla bağlı AFFA-ya rəsmi müraciət etməsəydi, onu “Sumqayıt”a götürməzdik. Buna mənim səlahiyyətim də çatır. Özü müraciət edib və ona görə də dəvət etmişik. Bir neçə günə rəsmi təqdimatı olacaq.

– Aleksey İsayevin “Neftçi”yə keçmək məsələsi nə yerdədir?
– Onun “Sumqayıt”la daha bir il müddətinə rəsmi müqaviləsi var. Hazırda gündəmdə belə məsələ yoxdur.

– Azərbaycanın U-21 yığmasının baş məşqçisi Milan Obradoviç daha çox gənclərə üstünlük verən “Sumqayıt”dan heç kimi toplanışa dəvət etməyib. Hərçənd mart ayında onların sayı 7 nəfər idi. Bu, əvəzedici komandanın sabiq baş məşqçisi Elbruz Məmmədovun gedişi ilə bağlıdır, yoxsa bu kluba antipatiyası var?
– Antipatiyasının olmasına inanmıram. Sadəcə olaraq, məşqçinin qərarıdır. Fikrimcə, bizim bu qərarı müzakirə etməyimiz düzgün olmaz. Bu sualı mənə verməməlisiz.

– Gənclərə daha çox bel bağlayan klub prezidenti kimi bunun səbəbi ilə maraqlanmamısız?
– Yenə deyirəm, hər məşqçinin öz fikri var. Ola bilər ki, bu gün 1 nəfər çağırıb, növbəti oyuna 7 nəfər dəvət etsin. Daha öncə “Sumqayıt”dan 7 nəfər dəvət edəndə, ordan-burdan eşdiridim ki, digərləri “niyə onlardan çox çağırılıb” deyirlər. Ötən mövsüm əvəzedici komandamız 1-ci divizionda 2-ci yeri tutdu. Yaxşı kollektivimiz vardı, indi ordan xeyli sayda futbolçu əsas komandadadır. Həmin vaxt 7 nəfərin dəvət edilməsi normal idi. İndi isə səhv etmirəmsə, hər klubdan 2 nəfər çağırılıb. Yəni heç bir komandadan çox adam götürməyib. Heç bir məşqçi yaxşı futbolçudan imtina etməyəcək.  (Report)


 
tarix: 03-09-2019 14:45


 
Xəbər lenti
22.09.2019

09:30   Turabovun komandasından “Partizani”ylə heç-heçə

09:00   “Neftçi” “Keşlə” ilə üz-üzə - YENİLƏNİR

00:57   “Barselona”dan 5 oyuna 2-ci məğlubiyyət, “Atletiko”dan xal itkisi

00:44   “Yuventus”dan çətin qələbə, derbidə “İnter” sevindi

21.09.2019

23:59  “Monako” yenə qələbəyə həsrət qaldı

23:35  “Fənərbaxça”dan əzmkar qələbə

23:12  “Bavariya”dan darmadağın

22:54  “Mançester Siti” 3 xalı 8 cavabsız qolla qazandı

22:28  “Səbail” - “Qəbələ” 1:1 - VİDEO

22:22  “Qarşımıza heç ikinci yer hədəfi də qoyulmayıb”

22:14  Elmar Baxşıyev: “Heç kimdən çəkinmirik”

21:37  “Sabah” “Sumqayıt”a uduzdu, “Səbail”lə “Qəbələ”dən heç-heçə

20:55  “Sumqayıt” “Sabah”ı tək qolla yendi - VİDEO

19:56  Ayxan Abbasov: “Bu gün tam başqa yerdə olmalıydıq”

19:48  “Sabah”ın hücum xəttində çatışmazlıq var”

19:03  Novruzovun komandası 3 xalı tək qolla qazandı

18:25  Rüfət Dadaşov üçün 83 dəqiqə və 1 xal

16:49  Külək - millimizin ardıcıl məğlubiyyətlərinin günahkarı

15:15  “Neftçi”nin oyununun biletləri satışa çıxarıldı

15:13  Millimiz Belarusa yenə məğlub oldu

15:02  “Barselona”dan daha bir ilk

14:47  Monçi: “Qarabağ”la oyun asan keçmədi”

13:33  Ekşteynin problemi: “Qol vura bilmirik”

13:19  Avroliqa: Azərbaycanın ən yaxşısı Pavel Paşayevdi

12:39  UEFA millimizin rəqibinin hücumçusunu cəzalandırdı

11:41  UEFA “Qarabağ”ı yenə cərimələdi

11:09  Azərbaycanlı futbolçu rəmzi komandada

10:40  “Səbail”lə “Qəbələ”nin 11-ci dueli

10:11  Dadaşov oynadı, komandası ilk qələbəsini qazandı

09:37  Millimizin üzvü üçün 7 dəqiqə və 3 xal

09:00  “Dürüst olsam, bunu gözləmirdim” - Yevgeni Koçuk

01:06  La Liqada tur heç-heçə ilə başladı

00:56  “Sauthempton” “Bornmut”a doğma meydanda uduzdu

00:45  3 xalı 3 qolla qazandılar

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az