(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Yurçeviç “ağlayır”: “Qarabağ” da standartdan qol buraxdı”

Yurçeviç “ağlayır”: “Qarabağ” da standartdan qol buraxdı”

Azərbaycan millisinin baş məşqçisi Nikola Yurçeviç Uelslə oyundan öncə "CBC Sport"a müsahibə verib. Xorvatiyalı mütəxəssis millinin qarşıdakı matçları haqqında danışıb.
 
-  Uels millisi Britaniya stilində oynayan və güclü heyətə malik olan komandadır. Onların oyun üslubu hamıya məlumdur. Vitse-dünya çempionu Xorvatiya ilə qarşılaşmışıq və müəyyən təcrübə toplamışıq. Amma heyətdə zədəli futbolçularımız var. Buna baxmayaraq, çalışacağıq ki,  Xorvatiya ilə ilk oyunun 1-ci hissəsindəki kimi çıxış edək. Bir sözlə, azarkeşlərimizi sevindirmək istəyirik.
 
- Emil Balayev Qazaxıstan çempionatında çox yaxşı təsir bağışlayır. Qarşıdakı oyunlarda onu heyətdə görə bilərik?
- Qapıçı məsələsi bizim üçün çox vacibdir. Son oyunlardan sonra bu barədə ətraflı müzakirə aparmışıq. Sevindirici haldır ki, Emil Balayev və Səlahət Ağayev kimi yaxşı keyfiyyətlərə malik qapıçılarımız var. Qapıçıların məşqçisi ilə söhbətimiz oldu. Səlahətin oyunlarını görürük. Emili də izləmişik. Göstəriciləri çox yaxşıdır. Əsas heyətdə kimin olacağı ilə bağlı matçdan öncə qərar verəcəyik.
 
- Uzun fasilədən sonra Cavid Hüseynov milli komandaya dəvət olundu. Onun yaşını nəzərə alsaq, bu addımınız bir qədər təəccüblü oldu.
- Son zamanlar millidə yarımmüdafiəçi qıtlığı yaşanır. Eddi İsrafilovun zədələnməsindən sonra bizə 1 nəfər kompakt mübarizə aparan oyunçu lazım idi. Cavidin oyunlarını izləmişəm. Həm "Qəbələ"də, həm də yeni klubunda oyunlarına baxmışam. Deməzdim ki, o yaşlı futbolçudur. Həm də yaş təscübədən xəbər verir. Onsuz da milliyə çağırmaq üçün geniş oyunçu seçimimiz yoxdur. Ümid edirəm ki, çətin görüşlərdə onun təcrübəsinin bizə faydası olacaq.
 
- Renat Dadaşov Portuqaliya çempionatında debüt etdi. Digər hücumçumuz Ramil Şeydayev isə son iki matçda Moskva "Dinamo"sunda oynamır.
- Renat Dadaşovun yeni klubunda stabil oynaması gördüklərimin təsdiqidir. Onu milliyə çağıranda ilk gündən potensialı hiss olunurdu. Hətta bir oyunda ona şans verdik. Əgər "Portu", "Benfika" kimi klublar olan çempionatda oynayırsa və özünü yaxşı tərəfdən göstərirsə, bu, onun potensialından xəbər verir. "Vulverhempton" onu əbəs yerə transfer etməyib. Bizdə hücumçu kimi ilk variant Şeydayevdir. Lakin bu Renata şans verməyəcəyimiz anlamına gəlmir. Ola bilər hansısa oyunda Şeydayevə, digərində Renata şans verək.  Ramil bizim rəsmi oyunlarda ən yaxşı futbolçulardan biri olub, 3 oyunda 2 qol vurub, Xorvatiya və Slovakiya ilə matçlarda rəqib qapısına yol tapıb. Əvvəl öz klubunda da start heyətində oynayırdı. Son oyunlarda heyətə düşməkdə çətinlik çəkir. Şeydayev millinin əsas heyətində oynamaq üçün bonus qazanıb. Hücumçu seçimi zamanı ilk variant odur.
 
- Macarıstan və Slovakiya ilə oyunlarda müdafiə xəttində ciddi problemlər nəzərə çarpdı. Bunları aradan qaldırmaq üçün nə düşünürsünüz?
- Komanda son oyunlarda çox top buraxıb. Bütün matçları təhlil edirik. Razıyam ki, müdafiədə problemlərimiz var. Əksər qolları standart vəziyyətdən buraxırıq. Daha dəqiqi 10 qoldan 4-ü. Müdafiəyə daha kimi çağırmaq olar? Əlimizdə milliyə çağırmağa elə də çox futbolçu yoxdur. Rəqabət aşağı səviyyədədir. Heyətdə olan müdafiəçilərdən müəyyən dəyişiklik etmək olar. Məsələn, Pavel Paşayev klubda sağda oynayır. Burada da belə oynaya bilər. Maksimi mərkəzə çəkə bilərik. Bədavinin zədəli olması problem yaradır. Bəhlul Mustafazadə gəncdir, potensialı var. Komandaya kömək edə bilər.  Krivotsyuk da "Neftçi"də oyun praktikasını artırıb. Bütün bunlardan istifadə etməyə çalışacağıq. Qol çox buraxanda təkcə müdafiəçilərdə günah axtarmamalıyıq. Futbol komanda oyunudur.
 
- Millini üç günə iki oyun gözləyir. Komandamız isə bu cür tempdə oynağa öyrəşməyib.
- Futbolçularımız bu cür qrafikdə nadir halda oynayırlar. Burda Avropaya nisbətən 2-3 gündən bir oyunların keçirilməsi ənənə halını almayıb. Azərbaycan çempionatı da yüksək templi liqa deyil. Biz 3 günə 2 oyun keçirməliyik. Mümkün olanın ən yaxşısını etməliyik. Üstəlik, Uelsə 6 saatlıq yolumuz var. Geri dönüşdə də eyni vaxt itkisi olacaq. Qayıtdıqdan sonra məşq və bərpaya vaxt yoxdur. Amma ilk olaraq birinci oyuna hazırlaşmalıyıq. Uelslə matçdan sonra kimin yorğun olacağını biləcəyik. Və bundan sonra heyətdə dəyişikliklər ola bilər. Amma eyni heyət də qala bilər. Bütün bunları gedişata baxaraq qərarlaşdıracağıq.
 
- Uelsə oyuna necə hazırlaşmısınız və rəqibin rəqibin standart vəziyyətlərinin qarşısını necə almağı düşünürsünüz?
- Standart vəziyyətlərlə bağlı problem bizdə 20 ildir var. Klub səviyyəsində də bu aktualdır. "Qarabağ" "Linfild"lə görüşdə 2 qolu standartdan buraxdı. Bu da problemin varlığını göstərdi. Xorvatiya ilə oyundan öncə də demişdik ki, rəqib standart vəziyyətlərdə çox təhlükəlidir. Buna uyğun hazırlıq, məşq etmişdiik. Lakin yenə standarlardan qol buraxırıq. Bəzən onun qarşısını almaq olmur. Komanda var keyfiyyətli oynamır, standartdan yararlanır. Qarşıdakı görüşlərdə bunun üzərində işləyəcəyik. İnanırıq ki, daha yaxşı oynayacağıq.
 
- Mateo Kovaçiç və İvan Perişiç kimi futbolçular milliyə qarşı oynamayacaqlar. Bu yığmanın xeyrinə işləyə bilər?
- Hər iki oyunçunun adı, klubları çox şeydən xəbər verir - "Barselona" və "Çelsi". Onların Bakıya gəlməməsi bizim üçün üstünlükdür. Xorvatiyada da seçim o qədər geniş deyil. Amma 11 yüksək keyfiyyətli futbolçuları var. Heyətə düşməyənlər də özünü yaxşı tərəfdən göstərməyə çalışacaqlar. Xorvatiya ilə səfərdə 80 dəqiqə yaxşı oynadıq. İstəyirik ki, yerli azarkeşləri sevindirək. Hər oyunda bu cür mübarizə aparamağı düşünürdük. Alınmadı. Kağız üzərində Macarıstan və Slovakiyadan geri qalırdıq. Belə komandalarla oyunda ilk qolu buraxırsansa, sonra çətin olur. Həm də əlimizə düşən imkanları dəyərləndirməliyik.

 
tarix: 05-09-2019 09:07


 
Xəbər lenti
21.09.2019

01:06   La Liqada tur heç-heçə ilə başladı

00:56   “Sauthempton” “Bornmut”a doğma meydanda uduzdu

00:45   3 xalı 3 qolla qazandılar

00:37   “Strasburq” əzmkar qələbəyə sevindi

00:25   “Şalke”dən çətin qələbə

20.09.2019

23:28  “Göztəpə” ilk qələbəsini qazandı

22:21  Avroliqada həftənin ən yaxşı oyunçusu bəlli oldu

21:57  Əliyevin komandası Quliyevi məyus etdi

21:19  “Traktor”a 1 qol bəs etdi

20:34  Millimizin daha bir rəqibi beynəlxalq turnirdə

20:11  Premyer Liqada 6-cı turun oyun cədvəli açıqlandı

18:55  Püşk atıldı: “Monako" Marsel “Olimpik”inə rəqib oldu

18:17  Son 7 ilin ən gənc komandası

17:52  “Qarabağ” “Səbail”ə məğlub oldu

17:28  “Real”ın qapıçısı bu FOTOya görə üzr istədi

16:56  “Barselona”nın zədəlisi sağaldı

16:36  “Qarabağ”ın rəqibi ilkə imza atdı

16:14  “Düdelanj”ın məşqçisi: “Futbolçularımın hamısı məni təəccübləndirdi”

15:53  Çempionlar Liqasında ilk turun ən yaxşısı

15:32  6 günlük səfər başa çatdı

15:12  Riçard Almeyda “Astana” ilə müqaviləni pozdu

14:50  Bakıdan “Real”a dəstək - VİDEO

14:33  “Sevilya”lılar paltardəyişmə otağında şou göstərdilər - VİDEO

14:11  Munir El Haddadi: “Məşqdəkindən yaxşı oynadıq”

13:51  Bolqarıstanın “qol silahı” karyerasını bitirdi

13:36  Paytaxt klubunda 5 illik müqavilə

13:15  “İstəyim “Qarabağ”la oyunda reallaşdı”

12:52  Çiçarito: “İlk qola qədər yaxşı oynamırdıq”

12:35  “Sevilya”nın yeni transferi: “Burdan razı ayrılırıq”

12:14  “Kəpəz”də yeni icraçı direktor

11:54  Milli komandada yeni baş məşqçi

11:34  Avroliqada həftənin ən yaxşısı adına 4 namizəd

11:17  “Vulverhempton” “Braqa”ya evdə uduzdu - VİDEO

10:57  Səviyyə fərqi və gözlənilən məğlubiyyət

10:40  “Roma”dan “Başakşəhər”ə 4 cavabsız qol - VİDEO

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az