(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
“Xorvatiya mənim ölkəmdi, amma bu gün ürəkdən azərbaycanlı idim”

“Xorvatiya mənim ölkəmdi, amma bu gün ürəkdən azərbaycanlı idim”

Futbol üzrə Azərbaycan yığma komandasının baş məşqçisi Nikola Yurçeviç AÇ-2020-nin seçmə mərhələsi çərçivəsində Xorvatiyaya qarşı keçirilmiş oyunu şərh edib.

Futbolinfo.az xəbər verir ki, xorvatiyalı mütəxəssis həmyerliləri ilə 1:1 hesablı heç-heçəyə razılaşdıqları qarşılaşmadan sonra öncə bunları söyləyib:

- Uşaqların performansından çox razıyam, onlarla qürur duyuram. Dünyanın vitse-çempionuna qarşı oynayırdıq. Hansı ki, heyətində səviyyəli oyunçular var idi. Azarkeşlərimizi təbrik edirəm. Onların ikinci hissədəki dəstəyi inanılmaz idi. Xorvatiya mənim ölkəmdi, bunun həmişə qürurunu yaşamışam. Amma bu gün ürəkdən azərbaycanlı idim. Hamı bu sevincə artıqlaması ilə layiq idi. Son vaxtlar bəzi oyunlarda yaxşı oyun sərgiləsək də, hesab baxımından üzümüz gülmürdü. Bu dəfə sevindirici nəticə oldu.

- Dediniz ki, indiyə qədər nəticə baxımından axsayırdıq. Düşünmürsünüz ki, bu, əvvəlki matçlarda heyətin düzgün qurulmamasından qaynaqlanırdı?
- Çətin sualdı. Başqa oyunçularla daha yaxşı nəticə əldə etmək olardımı? Bu suala cavab vermək çətindi. Hər kəs öz fikrini bildirir. Çalışıram ki, oyunun analizini edim. Macarıstan və Slovakiyaya qarşı zəif çıxış etmişdik. Bunun səbəblərindən biri fiziki cəhətdən olan axsamalar idi. Bu, ən böyük əskikliyimiz idi. İki yolumuz var: ya nəyin bahasına olursa-olsun xal qazanmaq, ya da xalla yanaşı, gənc oyunçular da qazanmaq. Şeydayev, Buludov, Dadaşov gələcəkdə komandanın özəyini təşkil edəcəklər.

- Rəqibin baş məşqçisi yığmamızın heyətində Emil Balayevi fərqləndirdi. Sizcə, komandamızın ən yaxşısı kim idi?
- Balayevin etdikləri brilyant idi, mükəmməl idi. Çox yaxşı çıxış etdi. Xüsusən də, ilk 15-20 dəqiqədəki hərəkətləri yaddaqalan oldu. Xorvatlar oyuna sürətli başlamışdılar. Həmin dəqiqələrdə o, köməyimizə çatdı.

- Xorvatiya və Uelsdə yaxşı oyun, bu gün isə ilk xal… Növbəti hədəf nədi?
- Favoritlərə qarşı oynayırıq. Bütün rəqiblər bizə qarşı favoritdi. Belədə meydanda hamı əla çıxış etməli, bir nəfər isə xüsusi iş görməılidi. Bu gün bunu qapıçımız etdi.

- Riçard Almeyda zədəli olmasaydı, bu gün Emin Mahmudovu meydanda görə biləcəkdikmi?
- Mən bütün tənqidlərə açığam. Emin yaxşı oyunçudu, topla oynamağı bacarır. Amma balansı da düşünməliyik. Rəqibin nəyə qadir olduğunu da nəzərə almaq lazımdı. Təkcə hücumu yox, müdafiəni də fikirləşmək lazımdı. Emini pleymeyker kimi görürəm. Amma belə oyunlarda bizim topla çox oynamaq imkanımız olmur. Xorvatiyanın uzun boylu oyunçuları standart vəziyyətlər zamanı qapımız qarşısına gəlirdi. Bunu da düşünmək lazımdı.

- Millimiz həmişə qeyri-sabit oyun sərgiləyib. Seçmə mərhələ boyu stabil oynamaq üçün bu futbolçular yetərlidimi?
- Sualın cavabını hələ bilmirəm. Baş verənləri əvvəlcə həzm etməliyəm. Bizim planımız da odu ki, oyunçularımız ağılla oynasınlar, təkcə ürəklə yox. Hər ikisini qısa zamanda birləşdirmək mümkün olan şey deyil. Əvvəlki matçlarda Rahildə bəzi alınmayan oyunu, Antonun kiçik səhvləri olurdu. Mediada gedən tənqidi fikirlər də yadımdadı. Bəhlul da yaxşıdı. Amma top-səviyyəli komandalara qarşı yüksək səviyyədə oynamaq çətindi. Belədə səndən yüksək temp tələb olunur. Gənclərə dəstək olmaq lazımdı ki, onları yığmamız üçün qazandıraq. Yeri gəlmişkən, Renata ötən oyunda şans verəndə bəziləri bunu anlayışla qarşılamadılar. Amma bir müddətdən sonar “Vulverhempton” onun arxasınca düşdü. Hər halda qabında nəsə var ki, onu transfer ediblər. Oyunçulara şans vermək lazımdı ki, nəsə etmək mümkün olsun.

- İkinci dəfə xorvatiyalı məşqçi ilə Xorvatiya yığmasını büdrətdik. Düşünmürsünüz ki, bu amil xal qazanmağımızda mühüm rol oynadı?
- Bəlkə də, səbəblərdən biridi. Xorvatiyanın mentalitetini bilən bir adam kimi, oyunçuların daxilini bilmək mənim üçün üstünlükdü. Slovakiya və Macarıstanla oyuna da mümkün qədər yaxşı hazırlaşmışdıq. Xüsusən də, Macarıstanın standart vəziyyətlərinə hazırlaşmışdıq. Bütün bunları analiz etməyə çox vaxt lazım olur. Slovakiya ilə görüşdə ikinci qoldan sonar geridönüş etmək çətindi. 1 qolu sığortalamaq olur ki, bunun bu gün şahidi olduq. Hətta hesabda önə keçmək imkanımız da oldu. Oyunda bir səhv həlledici olur və sonda nəsə deməyə söz tapa bilmirsən. (matc.az)


 
tarix: 09-09-2019 23:11


 
Xəbər lenti
22.09.2019

10:14   İsrafilov üçün 90 dəqiqə və 3 xal

09:30   Turabovun komandasından “Partizani”ylə heç-heçə

09:00   “Neftçi” “Keşlə” ilə üz-üzə - YENİLƏNİR

00:57   “Barselona”dan 5 oyuna 2-ci məğlubiyyət, “Atletiko”dan xal itkisi

00:44   “Yuventus”dan çətin qələbə, derbidə “İnter” sevindi

21.09.2019

23:59  “Monako” yenə qələbəyə həsrət qaldı

23:35  “Fənərbaxça”dan əzmkar qələbə

23:12  “Bavariya”dan darmadağın

22:54  “Mançester Siti” 3 xalı 8 cavabsız qolla qazandı

22:28  “Səbail” - “Qəbələ” 1:1 - VİDEO

22:22  “Qarşımıza heç ikinci yer hədəfi də qoyulmayıb”

22:14  Elmar Baxşıyev: “Heç kimdən çəkinmirik”

21:37  “Sabah” “Sumqayıt”a uduzdu, “Səbail”lə “Qəbələ”dən heç-heçə

20:55  “Sumqayıt” “Sabah”ı tək qolla yendi - VİDEO

19:56  Ayxan Abbasov: “Bu gün tam başqa yerdə olmalıydıq”

19:48  “Sabah”ın hücum xəttində çatışmazlıq var”

19:03  Novruzovun komandası 3 xalı tək qolla qazandı

18:25  Rüfət Dadaşov üçün 83 dəqiqə və 1 xal

16:49  Külək - millimizin ardıcıl məğlubiyyətlərinin günahkarı

15:15  “Neftçi”nin oyununun biletləri satışa çıxarıldı

15:13  Millimiz Belarusa yenə məğlub oldu

15:02  “Barselona”dan daha bir ilk

14:47  Monçi: “Qarabağ”la oyun asan keçmədi”

13:33  Ekşteynin problemi: “Qol vura bilmirik”

13:19  Avroliqa: Azərbaycanın ən yaxşısı Pavel Paşayevdi

12:39  UEFA millimizin rəqibinin hücumçusunu cəzalandırdı

11:41  UEFA “Qarabağ”ı yenə cərimələdi

11:09  Azərbaycanlı futbolçu rəmzi komandada

10:40  “Səbail”lə “Qəbələ”nin 11-ci dueli

10:11  Dadaşov oynadı, komandası ilk qələbəsini qazandı

09:37  Millimizin üzvü üçün 7 dəqiqə və 3 xal

09:00  “Dürüst olsam, bunu gözləmirdim” - Yevgeni Koçuk

01:06  La Liqada tur heç-heçə ilə başladı

00:56  “Sauthempton” “Bornmut”a doğma meydanda uduzdu

00:45  3 xalı 3 qolla qazandılar

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az