(+994) 050 678 37 80
(+994) 070 534 65 52

qaynar xətt

Həqiqətin öz adı

Həqiqətin öz adı

Belə oyunları çox görmüşük. Rusiya ilə Bakıdakı heç-heçəni də, elə bu Xorvatiya ilə “Bakcell Arena”dakı qolsuz sülhü də. Dünənki oyunla siyahı zənginləşdi.
 
Sensasiyadan danışmırıq. Qanunauyğunluqdu. Dünya ikincisini də öz üslubumuzla ram ediriksə, danışılacaq başqa söz yoxdu. Boşa verilmiş bütöv bir tsikli faydasız 1 xalla ört-basdır edəcək qədər usta idarəçilərimiz var. Onları qınayırammı? Qətiyyən. Bacarana baş qurban.
 
Oyundan danışmağın yeri yoxdu. Xorvatiyanı baş məşqimiz olmadan büdrədiriksə, taktikadan, heyət seçimindən, əvəzetmələrdən bəhs etməyək. Uels və Xorvatiya milliləri ilə matçlarda daha doğru taktikayla oynadığımızı, daha yaxşı göründüyümüzü deyə bilərik. Amma, lakin, ancaq...
 
Heç kim kor deyil. Xorvatlar ilk 15 dəqiqədə oynadığı futbolla komandamıza 7-8 top vurmalıydı. Fasilədə nə oldusa, ikinci hissədə matçın favoriti birdən-birə dəyişdi. Oyunun son dəqiqələrində qol vurması lazım olan rəqib hücuma keçmirsə, irəli top daşımalı olan kapitan Luka Modriç öz cərimə meydançasında müdafiənin cinahlarına top paylayırsa, mən o futbola başqa ad qoyaram. Total futbolu totalizatorla, xal almağı mal almaqla qarışdırmayaq. Qaliblər mühakimə olunmur və illər boyunca xatırlanan nəticə olacaq.
 
Təmkin Xəlilzadə yəqin ki, vurduğu qolda yüksək ustalıq göstərdiyini düşünür. Lakin rəqib mənim üçün elə koridor açsa, qabağımdan qaçsa, bu yaşımda mən daha yaxşı qollar vuraram.
 
5 oyuna 1 xal faciəvi nəticədi. Xorvatlardan alınan xal yırtıqlara yamaq olacaq, lakin yaralarımıza məlhəm deyil. Futbolçulara verilən mükafat da daxil olmaqla, az qala milyon dollara başa gələn bu heç-heçə sadəcə, kimlərinsə ömrünü uzatdı, bəlkə də yerini daha bir neçə illik möhkəmlətdi.
 
Amma eyni sözləri Nikola Yurçeviçə aid edə bilmərik. Xorvat məşqçi müqaviləsi bitən kimi yola salınacaq. Çünki Robert Prosineçki qapıda gözləyir. İllik 250 min avro aldığı Bosniya və Hersoqovina millisindən istefa verən bu məşqçi 4 qat artıq maaş üçün çoxdan razılığa gəlib.
 
İlk xalı bayram edək. Modriçin Bakıda qeyd etdiyi, bizimkilərin də hədiyyələrlə qatıldığı ad gününü bayram etdiyimiz kimi...
 
VÜSAL MAHMUDOV

 
tarix: 10-09-2019 09:00


 
Xəbər lenti
06.12.2019

10:30   “Barselona”da yeni müqavilə

10:00   Ufuk izlədi, “Altınordu” 5 qola üzüldü

09:30   “Traktor” doğma meydanda xal itirdi

02:22   “Qarabağ” “Keşlə”yə qarşı - YENİLƏNİR

02:12   “Arsenal” doğma meydanda uduzdu

00:23   “Beşiktaş”dan darmadağın

05.12.2019

22:54  “Neftçi” rəhbərliyi Şenol Günəşlə görüşüb

22:40  AFFA-da Şenol Günəşlə görüş

19:33  “Liverpul” rekordunu yenilədi

19:05  Premyer Liqada ilin son turu rəqəmlərin gözü ilə

18:31  “Payız turniri”nin qalibi bəlli oldu

18:03  AFFA Həmkarlar İttifaqı Lənkəranı da “tutdu”

18:00  İspaniya superkubokunun təqvimi açıqlandı

17:37  Milli komandada baş məşqçi ayrılığı

17:15  Bir oyun, üç debüt

16:51  Qadze arxayınlığın qurbanı olduqlarını düşünür: “Ona görə cəzalandırıldıq”

16:36  İran yığmasının baş məşqçisi istefa verdi

16:14  Şenol Günəş Bakıda - FOTO

15:53  1/4 final mərhələsinin oyun cədvəli açıqlandı

15:34  “Qarabağ”ın futbolçuları tələbələrlə görüşdülər - FOTOLAR

15:16  “Zirə”nin ən böyükhesablı qələbəsi

14:54  “Azərbaycanda oynayacağımız matçlarda ev sahibi kimi olacağıq”

14:32  “Yuventus”un futbolçusu 3 ay oynamayacaq

14:11  Birinci Divizion: 13-cü turun hakimləri bilindi

13:54  Premyer Liqada 14-cü turun hakim təyinatları açıqlandı

13:36  “Roma”da “İnter”lə oyundan əvvəl ciddi itkilər

13:00  Kataloniyanın ən yaxşı futbolçusu

12:32  “Keşlə” 100-ü yarıladı

12:15  Millimizin üzvü həbs oluna bilər

12:03  Azərbaycan yığması Millətlər Liqasında sonuncu səbətdə

11:51  “Sabah” rekordunu təkrarladı

11:47  Ponomaryov tənqid etdi: "Mançester Yunayted" məktəbi. Hə, nə olsun?

11:35  Prosineçkiyə dönüş yersiz vaxt və maliyyə itkisidi

11:14  Ronaldo zirvədə, Messi “10-luq”dan kənarda

10:52  “Fənərbaxça”da Mozes şoku

10:30  Təbriz klubu səfərdən 1 xalla döndü

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az