(+994) 050 678 37 80
(+994) 070 534 65 52

qaynar xətt

“Qarabağ” “Sevilya”dan da xal ala bilər”

“Qarabağ” “Sevilya”dan da xal ala bilər”

“Qəbələ”nin ispan futbolçusu Fernan Ferreyra Lopez futbolinfo.az saytına müsahibə verib. O, komandanın hazırkı durumundan və qarşıdakı oyunlarından danışıb. 

- “Sabah”la matça hazırsız?
- Komanda oyuna hazırdı. Bizim üçün bütün oyunlar vacibdi. “Sabah” yaxşı heyətə malikdi, amma biz də xal qazanmaq üçün meydana çıxacağıq. Çempionata yaxşı başlamamışıq. Ona görə 3 xalı hesabımıza əlavə etmək vaxtdı.

- Komandada ab-hava yaxşıdı?
- Bir həftə əvvələ qədər vəziyyət yaxşı deyildi. Amma indi atmosfer yaxşıdı. "Sumqayıt“a qarşı keçirdiyimiz yoxlama oyunu bizi özümüzə gətirdi. Komandada ab-havanın yaxşılaşmasına kömək etdi.

- Səncə, bunun səbəbi sabiq baş məşqçiniz Sənan Qurbanov idi?
- Bunu şərh etmək mənim işim deyil. Ümumiyyətlə, bu mövzuda danışmaq da doğru deyil. Mən ona hörmət edirəm. Hazırda fikrim komandadadı və xal qazanmaq üçün daha yaxşı çıxış etməliyik.

- Heyətinizə baxsaq, çempionatda hansı yerlər üçün oynaya biləcəyinizi düşünürsən?
- Düşünürəm ki, yaxşı futbolçularımız var. Uğur qazana, daha yaxşı yerlərdə ola bilər. Fikrimiz daha çox xal toplayıb irəli getməkdi. Ümid edirəm ki, bu heyətlə biz ən azı istədiyimiz yeri tuta bilərik.

- “Keşlə”yə 0:4 hesablı məğlubiyyətin səbəbini nədə görürsən?
- Həqiqətən həmin matçı qalib başa vurmaq istəyirdik. Evdə oynayırdıq və çox çalışdıq ki, 3 xal qazanaq. Lakin ilkn hissədə buraxdımız səhvlər, qapımızda gördüyümüz qollar bizə çox təsir etdi. Yaxşı oynamadıq və bunun cəzasını çəkdik.

- Azərbaycan çempionatındakı rəqabətdən razısan?
- 8 komanda olmasına baxmayaraq çempionatın səviyyəsi yuxarıdır. Hər komanda avrokuboklarda iştirak etmək üçün mübarizə aparır. Buna nail olan komandalar Avropada da pis çıxış etmir. Burada rəqabət ona görə yaxşıdır ki, hər komanda digərindən xal ala bilər. Mənim üçün yaxşı liqadır.

- Amma demək olar ki, “Qarabağ” rahat çempion olur. Bunu bir neçə ildir görürürk və bu mövsüm də hamıdan üstündürlər...
- Bununla razıyam. Onlar hər kəsdən bir pillə üstündürlər. Son 6 ilin qalibi olmaları və mütəmadi olaraq avrokubokların qrup mərhələsində çıxış etməkləri buna sübutdur.

- Səncə, “Qarabağ” “Sevilya”dan xal ala bilər?
- “Qarabağ” topu özündə saxlayan və rəqiblərə çətinlik yaradan bir komandadır. Onlar hər zaman avrokuboklarda öz güclərini göstəriblər. “Sevilya” bu il Avropa Liqasının favoritlərindən biridir. Ona görə də çətin olacaq. Lakin “Qarabağ” Çempionlar Liqasının qrup mərhələsində “Atletiko”ya çətinlik yarada bilmişdik. Hər iki oyunda onlardan xal almağı bacarmışdı. Düşünürəm ki, “Sevilya”ya qarşı da eyni cür çıxış etmək iqtidarındadırlar.

CAVAD


 
tarix: 12-09-2019 14:53


 
Xəbər lenti
18.11.2019

01:43   Portuqaliya millisi AÇ-2020-də

17.11.2019

19:35  Millimiz Slovakiyaya yola düşdü - VİDEO

18:37  Prosineçki “Yuventus”un futbolçusunun xidmətindən məhrum oldu

16:22  “Qarabağ” “Düdelanj”la matçın biletlərini satışa çıxarır

16:04  Slovakiya - Azərbaycan: Mətbuat konfranslarının vaxtı məlum oldu

15:16  Almaniya yığmasından rekord göstərici

14:19  27:0 hesablı qələbəyə görə baş məşqçini istefaya göndərdilər

13:38  “Qarabağ”ın futbolçusu millidən kənarlaşdırıldı

12:48  “Barselona” Messi ilə müqavilədə dəyişiklik etmək istəyir

11:50  AÇ-2020-yə vəsiqə qazanan 16 komanda

11:42  “Səbail”ə haqsızlıq edən hakimin cəzası gizlədilir

11:00  90-cı illərə qayıdırıq

10:47  Məmmədovun seçdiyi Yurçeviçlə gözlənilən sonluq

10:32  “Bavariya”dan rekord gəlir

10:20  SOCAR 1 milyon ödədi, İsrafilov “Albasete” üçün qol vurdu

10:14  Qol.az 11 yaşında!

10:09  “Real”da ciddi itki - PSJ ilə oyunda olmayacaq

09:51  Rusiya Belçikaya böyük hesabla uduzdu - VİDEO

09:30  Şeydayev: “İtirəcəyimiz bir şey yoxdu”

09:00  Qara Qarayev: “Son 25 ildə belə qrupumuz olmayıb”

01:50  Xorvatiya, Almaniya, Hollandiya və Avstriya AÇ-2020-də!

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az