(+994) 050 678 37 80
(+994) 070 534 65 52

qaynar xətt

“Tərlan Əhmədov 5 aydı mənə səbr edir”

“Tərlan Əhmədov 5 aydı mənə səbr edir”

“Keşlə”nin futbolçusu Vüsal İsgəndərli Azərbaycan Premyer Liqasının 5-ci turunda "Neftçi" ilə heç-heçə etdikləri matçdan sonra jurnalistlərin suallarını cavablandırıb. 

Futbolinfo.az xəbər verir ki, o, əvvəlcə oyun haqda danışıb:

- "Neftçi" çətin rəqibdir. Səfərdə oynayırdıq. Düzü, stadiona 3 xal üçün gəlmişdik. Sadəcə, oyun belə gətirdi. "Neftçi" kimi komandadan 1 xal almağa da şükür etmək lazımdır.

- "Neftçi" azlıqda qalandan sonra gözləyirdik ki, "Keşlə" daha çox hücum edəcək, təzyiq altında saxlayacaq. Lakin, komandanız geri çəkildi. Bu nə ilə bağlı idi?
- Rəqibin heyətində Stiven Monroz, Rauf Əliyev kimi sürətli oyunçular var. Demək olar ki, bütün heyət keyfiyyətli futbolçulardan. ibarətdir.  Onlara qarşı açıq futbol oynamaq çətin olar. Məsələn, Dabonun son epizodda 2 oyunçunu birdən necə keçməyini gördünüz.

- Bu "Neftçi"ni udmaq olardımı?
- Əlbəttə, yalnız "Neftçi"yə yox, bütün komandalara qalib gəlmək olar. Əsas olan komandada hamının istəkli olmasıdır. Stadiona çıxanda "Neftçi" və ya "Qarabağ"la oynamağın heç bir fərqi yoxdur. İstək varsa, bütün komandalardan xal almaq olar.

- Paltardəyişmə otağından səsiniz gəlirdi. Hiss olunurdu ki, sevinirsiniz. Yəni, 1 xal sizi bu qədər sevindirir?
- Yox, o səs məşqçinin səsi idi. Biz üzgün oturmuşduq deyə bizi ruhlandırırdı ki, ən azından uduzmamışıq. Əvvəlcədən 1 xal qazanacağımızı desəydilər, qane olardıq, amma rəqib azlıqda qaldığı üçün qalib gəlməli idik.

- Matç bitəndə əsəbi görünürdünüz. Tərlan Əhməfovun qərarına etirazınız vardı?
- Yox desəm, nə qədər səmimi səslənər, bilmirəm. Bir epizod vardı, Ruslan Qurbanovun ötürməsinə  çatmadım, zərbə vurdum, oyunçuya dəydi. Bu, məndə aressiya yaratdı. Stadiona qol vurmaq üçün çıxmışdım. Tərlan Əhmədov 5 aydır mənə səbr edir. Ona qarşı qətiyyən hörmətsizlik etmərəm.

- Artıq ikinci qarşılaşmadır ki, qələbə qazana bilmirsiniz...
- "Səbail"lə matçımıza baxanlar bilir ki, ən azı 45 dəqiqə üstün oynadıq. Çoxlu qol epizodlarımız oldu, alınmadı. Sadəcə, mən və komanda yoldaşlarım üzərimizdə çox işləməliyik ki, qol vuraq.

ELMAR ABDULLA-ZADƏ


 
tarix: 23-09-2019 10:15


 
Xəbər lenti
18.11.2019
17.11.2019

19:35  Millimiz Slovakiyaya yola düşdü - VİDEO

18:37  Prosineçki “Yuventus”un futbolçusunun xidmətindən məhrum oldu

16:22  “Qarabağ” “Düdelanj”la matçın biletlərini satışa çıxarır

16:04  Slovakiya - Azərbaycan: Mətbuat konfranslarının vaxtı məlum oldu

15:16  Almaniya yığmasından rekord göstərici

14:19  27:0 hesablı qələbəyə görə baş məşqçini istefaya göndərdilər

13:38  “Qarabağ”ın futbolçusu millidən kənarlaşdırıldı

12:48  “Barselona” Messi ilə müqavilədə dəyişiklik etmək istəyir

11:50  AÇ-2020-yə vəsiqə qazanan 16 komanda

11:42  “Səbail”ə haqsızlıq edən hakimin cəzası gizlədilir

11:00  90-cı illərə qayıdırıq

10:47  Məmmədovun seçdiyi Yurçeviçlə gözlənilən sonluq

10:32  “Bavariya”dan rekord gəlir

10:20  SOCAR 1 milyon ödədi, İsrafilov “Albasete” üçün qol vurdu

10:14  Qol.az 11 yaşında!

10:09  “Real”da ciddi itki - PSJ ilə oyunda olmayacaq

09:51  Rusiya Belçikaya böyük hesabla uduzdu - VİDEO

09:30  Şeydayev: “İtirəcəyimiz bir şey yoxdu”

09:00  Qara Qarayev: “Son 25 ildə belə qrupumuz olmayıb”

01:50  Xorvatiya, Almaniya, Hollandiya və Avstriya AÇ-2020-də!

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az