(+994) 050 678 37 80
(+994) 070 534 65 52

qaynar xətt

Samir Abasov: “Dava edib, söyüş söyürdümsə, niyə “Zirə”yə gəlirdilər?”

Samir Abasov: “Dava edib, söyüş söyürdümsə, niyə “Zirə”yə gəlirdilər?”

“Zirə”nin baş məşqçi postunu tərk edən Samir Abasov “Report”a müsahibə verib.

Futbolinfo.az xəbər verir ki, o, istefası ilə bağlı öncə bunları söyləyib:

- Bu məsələ ilə bağlı danışılası bir şey yoxdur. Klubun rəsmi saytında hər şey elan olunub. “Zirə” öz mövqeyini bildirib. Bu, olan bir şeydir. Görüşüb, danışmışıq və sonra razılığa gəldik ki, işdən çıxım. Bu söhbət bu gün baş verib. Rəhbərliklə görüşdük və danışdıq. Heç bir təzminat söhbəti olmadan ayrıldım.

- Sizin futbolçularla kommunikasiya probleminizin olduğu, onlarla dil tapa bilmədiyiniz deyilir. Bu məqamın “Zirə”də duruş gətirə bilməməyinizə səbəb kimi göstərilməsi nə dərəcədə düzgündür?
- Son illər ərzində bunu neçənci dəfə eşidirsiniz? Sayı-hesabı itib, düzdürmü? Ancaq hər mövsüm ərəfəsində futbolçular komandada məmnuniyyətlə qalır və yeniləri gəlirlər. Kommunikasiya problemi varsa, niyə mənimlə işləməyə razı olurlar? Əlbəttə, belə şey yoxdur. Xatırlayırsınızsa, Bilal Həmdi ilə də aramda problemin olduğu deyilirdi. Onun “WhatsApp”da yazdığı sözləri sizə göndərərəm, nəyin necə olduğunu görərsiniz. Bu il ən yaxşılardan sayılan 4-5 azərbaycanlı futbolçu götürmüşdüm. Belə söhbətlər həqiqət idisə, dava edib, söyüş söyürdümsə, niyə “Zirə”yə gəlirdilər? Məgər onlar şəxsiyyət deyillər? Nə oldu, mənə çatanda 20-25 oyunçunun heç birinin şəxsiyyəti olmadı ki, çıxıb “tüpürüm belə yaşayışa” deyib, getsin? Bu deyilənlərdə məntiq varmı?

- Bunlar, sadəcə, iddialardır. Sizin fikrinizi bilmək istəyirdik...
- Hamısı boş söhbətlər idi. Komandada futbolçularla münasibət əla idi.

- Bəs nəticələrin uğursuz olmasının səbəbi nədir?
- Maya hələ nə qədər qalıb? 7 ay. İkinci yerlə aramızda cəmi 3 xallıq fərq var. Sonucu sıradakı “Sabah”ın da 5 xalı var. Kim bu komandaya deyə bilər ki, nəticələrin uğursuzdur? Hələ mövsümün başa çatmasına çox var. Komandaların arasındakı xal fərqi isə cüzidir. Rəhbərliklə görüşüb, komanda naminə belə bir qərar qəbul etdik. Onları da çox gözəl başa düşürəm: ciblərindən milyonlar xərcləyirlər və bəhrəsini görmək istəyirlər. İlin sonunda yenə yer tutmaq təhlükəsi, inamsızlıq olduğuna görə söhbət etdik və qərara gəldik ki, qarşılıqlı razılaşma əsasında yollarımızı ayıraq. Vəssalam!

- Deyəsən, digər klublarda olduğu kimi, “Zirə”də də baş məşqçiyə inamsızlıq var, vaxt vermirlər...
- Mən başqa klub adı çəkmədim. Sadəcə, misal çəkirəm ki, “Sabah” və “Sumqayıt”ın mövsümün sonunda neçənci olacağı bəlli deyil. Məşqçilərə yetərincə vaxt verilməməsinə gəlincə, buna mən nə edə bilərəm ki?! Qərarı rəhbər şəxslər verir. Əsas odur ki, bir-birimizi başa düşdük. Onlar gələcəyə baxırlar. Ümidsizlik varsa, qarşısını indidən bu şəkildə almağı uyğun saydıq. Komanda naminə çıxış yolunu bunda gördük.

- Rəhbərliyi özünüzün yığdığınız komanda ilə uğur qazana biləcəyinizə inandıra bilməzdiniz?
- İnandırmaq deyəndə ki, hər şey fərqli də ola bilərdi. Məsələn, “Qəbələ”ni udsaydıq, 10 xalımız olacaqdı. Həm də mövsümün sonunda necə olacağını da demək mümkün deyil. Rəhbərliyin də qeyri-stabil oynamağımız və digər arqumentləri doğrudur. Bunların fonunda bəraət üçün dediklərimiz təsdiqini tapmadı. Yəni onları qane etmədi.

- Sizinlə görüşdə rəhbərlikdən kim təmsil olunurdu: Fəxri prezident Orxan Məmmədov orada idi?
- Rəhbər şəxslərlə görüşdük. Fəxri prezidentlə də söhbət etmişdim.

- Məmmədovun “Zirə” ilə bağlı planları necədir: yerli, yoxsa xarici mütəxəssisə güvənmək istəyir?
- O, müsahibəsində həmişə yerli mütəxəssislərə güvənəcəyini söyləyib. Ancaq hökmən belə olacağını demək mümkünsüzdür. Ümumiyyətlə, mən bununla bağlı ondan nə soruşa bilərəm? İndiyədək neçə-neçə klubumuz əldən çıxıb, bu gün peşmançılığın çəkirik. Orxan Məmmədov da öz cibindən pul xərcləyən şəxsdir, ona dəstək verməlisiniz. Rəhbərlik sponsorlar tapır, onların da qarşısında nəsə demək lazımdır. Nəticə istəyirlər. Mən bütün bunları çox yaxşı başa düşürəm. Haqsız bir şey olmayıb. Normal, sivil şəkildə ayrılmışıq. “Zirə” yer tutmaq, Avropa Liqasına düşmək istəyir.

- Aranızda təzminat söhbəti oldu?
- Xeyr. Azərbaycanda belə bir şey yoxdur axı... Təzminata iddia da etmirəm, heç tələbim də yoxdur. Bu məsələni dilimə belə gətirmərəm.

- Əvvəlki klubunuza- “Sumqayıt”a qayıtmaq fikriniz yoxdu?
- Belə bir söhbət yoxdur. Ümumiyyətlə, “Sumqayıt”a qayıtmaq istəmirəm, fikrim də yoxdur. Bu gün onu düşünmürəm. Sərt şəkildə cavab vermək də istəmirəm ki, belə bir şey olmayacaq. Sabahı da, “Sumqayıt”ın mövqeyini də bilmək olmaz. Sadəcə, bu gün üçün bu komanda haqqında ümumiyyətlə düşünmürəm. Buna heç bir şübhə olmasın. İstər dil, istərsə də məşq baxımından. Şübhə ona olunmalıdır ki, ölkə xaricindən təklif olacaqmı? Ölkə xaricində niyə azərbaycanlı məşqçini götürsünlər? Hansı şərtlə və nəyə görə? Belə söz-söhbətlərin hamısı boşdur.


 
tarix: 08-10-2019 18:24


 
Xəbər lenti
06.12.2019

15:27   Ən gənc məşqçilər Azərbaycan Premyer Liqasındadı

15:11   Millimizin oyunu qumara qoyulubmuş: Obradoviç və 5 futbolçu şübhəli rolunda

14:53   Fransa klubunun sahibi dəyişdi

14:36   “Səbail”in qapıçısı Türkiyə klubundan pulunu tələb edir

14:14   Azərbaycan kubokunun qalibi Avroliqaya hansı mərhələdən başlayacaq?

13:51   Azərbaycanı təmsil edəcək FİFA referilərinin siyahısı

13:33   “Zirə”nin “Səbail”lə 10-cu görüşü

13:15   Dırnaqarası Ponomaryov

12:56   “Yuventus” onun xidmətindən məhrum oldu

12:34   “Real”da “El klasiko” öncəsi ciddi itki

12:25   “Qarabağ” “Keşlə”yə qarşı - YENİLƏNİR

12:17   Biliç türklərə “göylə getməməyi” məsləhət gördü

12:02   “Arsenal” 1977-ci ilə qayıdır

11:54   Uelsdən Bakıya 10 min azarkeş gələcək

11:43   "Qalatasaray" bazasını geri qaytarır

11:34   İbrahimoviç Ronaldoya “əlcək atdı”

11:17   "Valyadolid" baş məşqçisi ilə yeni müqavilə bağladı

11:00   “Everton” baş məşqçisini istefaya göndərdi

10:45   Şeydayev “Dinamo”dan ayrılır

10:30   “Barselona”da yeni müqavilə

10:00   Ufuk izlədi, “Altınordu” 5 qola üzüldü

09:30   “Traktor” doğma meydanda xal itirdi

02:12   “Arsenal” doğma meydanda uduzdu

00:23   “Beşiktaş”dan darmadağın

05.12.2019

22:54  “Neftçi” rəhbərliyi Şenol Günəşlə görüşüb

22:40  AFFA-da Şenol Günəşlə görüş

19:33  “Liverpul” rekordunu yenilədi

19:05  Premyer Liqada ilin son turu rəqəmlərin gözü ilə

18:31  “Payız turniri”nin qalibi bəlli oldu

18:03  AFFA Həmkarlar İttifaqı Lənkəranı da “tutdu”

18:00  İspaniya superkubokunun təqvimi açıqlandı

17:37  Milli komandada baş məşqçi ayrılığı

17:15  Bir oyun, üç debüt

16:51  Qadze arxayınlığın qurbanı olduqlarını düşünür: “Ona görə cəzalandırıldıq”

16:36  İran yığmasının baş məşqçisi istefa verdi

16:14  Şenol Günəş Bakıda - FOTO

15:53  1/4 final mərhələsinin oyun cədvəli açıqlandı

15:34  “Qarabağ”ın futbolçuları tələbələrlə görüşdülər - FOTOLAR

15:16  “Zirə”nin ən böyükhesablı qələbəsi

14:54  “Azərbaycanda oynayacağımız matçlarda ev sahibi kimi olacağıq”

14:32  “Yuventus”un futbolçusu 3 ay oynamayacaq

14:11  Birinci Divizion: 13-cü turun hakimləri bilindi

13:54  Premyer Liqada 14-cü turun hakim təyinatları açıqlandı

13:36  “Roma”da “İnter”lə oyundan əvvəl ciddi itkilər

13:00  Kataloniyanın ən yaxşı futbolçusu

12:32  “Keşlə” 100-ü yarıladı

12:15  Millimizin üzvü həbs oluna bilər

12:03  Azərbaycan yığması Millətlər Liqasında sonuncu səbətdə

11:51  “Sabah” rekordunu təkrarladı

11:47  Ponomaryov tənqid etdi: "Mançester Yunayted" məktəbi. Hə, nə olsun?

11:35  Prosineçkiyə dönüş yersiz vaxt və maliyyə itkisidi

11:14  Ronaldo zirvədə, Messi “10-luq”dan kənarda

10:52  “Fənərbaxça”da Mozes şoku

10:30  Təbriz klubu səfərdən 1 xalla döndü

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az