(+994) 050 678 37 80
(+994) 070 534 65 52

qaynar xətt

Samir Abasov: “Qədrimi bilmirsiniz”

Samir Abasov: “Qədrimi bilmirsiniz”

"Zirə"nin baş məşqçisi postundan ayrılan Samir Abasov matc.az saytına müsahibə verib.

Futbolinfo.az həmin müsahibəni təqdim edir:

- Yəqin ki, soyuq başla "Zirə"dən ayrılmağınızı təhlil etmisiniz. Gedişat bu istefanın reallaşacağını göstərirdimi?
- Düzü, hansı gedişatdan danışmalı olduğumu bilmirəm. Rəhbərliklə oturub hərtərəfli söhbət etdik. Hər iki tərəfin bir məqsədi var idi: komandanın uğurlu çıxış etməsi. Görüş zamanı da belə qənaətə gəlindi ki, vəziyyət yaxşılığa doğru getmir və yolları ayırmağımız məsləhət oldu. Rəhbərliyin hədəfi Avropa Liqasına vəsiqə qazanmaqdı. Onlar mənimlə bu perspektivi görmədiklərindən, belə qərar qəbul olundu. Mən də onları başa düşdüm və qarşılıqlı razılıqla yollarımızı ayırdıq.

- Belə çıxır ki, rəhbərlik sizin komandanı Avropa Liqasına çıxaracağınıza inanmırdı?
- Bəli, belə görünür.

- Ancaq nəzərə alaq ki, ilk dövrədən sonra 2-ci pillədəki komandadan cəmi 3 xal geri idiniz. Axı burda elə böyük fərq də yoxdu...
- Sizinlə razıyam. Ümumiyyətlə, "Qarabağ" və "Neftçi"ni bu yarışdan kənar qoymaq lazımdı. Bu iki komanda heyətindəki zənginlik baxımından digərlərini üstələyir. Bu, reallıqdı. Onların hər mövqeyində alternativli oyunçular var. "Qarabağ"da, "Neftçi"də bu cəm şəklindədisə, digər komandalarda 1-2 o səviyyədə futbolçu ola bilər. Digər komandaların həm səviyyəsi eynidi, həm də aralarında ciddi xal fərqi yoxdu. Heç kim deyə bilməz ki, mayda turnir cədvəlində vəziyyət necə olacaq. Avropa Liqasına kimlərin yollanacağını yalnız Allah bilir. Sadəcə, "Zirə"nin rəhbəri çempionatda 2-3 nəfərdən biridi ki, öz cibinin pulunu verir. Bu baxımdan onu başa düşmək olar. Komandanın Avropa Liqasına yollanmasını istəyir. Klubun yaşaması, davam etməsi üçün xərclənən pulların bəhrəsi olmalıdı. Sadəcə, bu perspektivi mənimlə görmədiklərini izah etdilər, onları başa düşdüm.

- Mövsümün əvvəlində "Qarabağ" və "Neftçi"dən sonra "Sabah"la "Zirə" avrokuboklara əsas namizəd göstərilirdi. Sizcə, ilk dövrədə bundan yaxşı nəticə göstərmək mümkün idimi?
- "Sabah"ın ikinci pillədəki komanda ilə cəmi 6 xal fərqi var. Kim deyə bilər ki, mayda vəziyyət necə olacaq? Əvvəllər qış fasiləsinə gedəndə ikinci yerdə gedən komanda digərlərindən 12-13 xal öndə olardı. Belədə düşünə bilərsən ki, çatmaq çətin olar. Buna baxmayaraq, "Sumqayıt"da olarkən fərqi 3 xala qədər endirmişdik. Amma indi hamı bir-birinə çox yaxındı. Bir qələbə turnir cədvəlində səni ən azı 1 pillə irəli atır. Bəlkə də, komandanın qeyri-stabil oyun göstərməsi bu ayrılığa səbəb oldu.

- İlk turlardan heyətlə bağlı ciddi problemləriniz oldu. Zədəlilərin sayı bu qədər çox olmasaydı, "Zirə" rəhbərliyinin sizinlə bu görüşü keçirməsinə ehtiyac qalacaqdımı?
- Bu məsələlərin hamısını yaxınlarımızla təhlil etmişik. "Sabah"la oyunu nümunə göstərim. İkinci hissədə hücumameylli iki futbolçunu meydana buraxdım, başladıq təkqapıya oynamağa. Qol vurduq, nə qədər şansı qaçırdıq. İki mərkəz müdafiəçimizin ağır zədə alması, Mfo Kqasvanenin Botsvana millisində əzələsinin qopması önümüzü kəsdi. Heç cür rotasiya etmək, gücləndirmək imkanımız olmadı. Əlbəttə ki, bu zədəlilər səbəb oldu. Ancaq indi bunu bəhanə gətirmək istəməzdim.

- Ən baxımlı və maraqlı futbol sərgiləyən komandalardan biri də məhz "Zirə" idi. Oyunlarda kifayət qədər qol şanslarını əldən verdiniz. Düşünmürsünüz ki, bəxtsizlik də sizə problem yaratdı?
- Tam razıyam. Əksər oyunları çox yaxşı keçirdik. Sadəcə, sonradan stabilliyi qoruya bilmədik. Çünki eyni heyətlə heç cür davam edə bilmirdik. Hər matça fərqli "11-lik"lə çıxmaq məcburiyyətində qalmışdıq. Amma yenə də baxımlı futbol göstərməyə çalışırdıq. Etiraf edim ki, son oyunlar baş məşqçi kimi, məni də tam qane etmirdi. Ancaq bu qədər zədəlilərimiz olmasaydı, hər şey tam fərqli alınardı. "Keşlə" ilə matçın ilk 15-20 dəqiqəsini üstün keçirdiyimiz bir vaxtda Skarlatake zədələndi.  Bütün bu amillərin təsiri az olmadı.

- Əcnəbi məşqçilər istefaya göndərildiyi zaman təzminat tələb edirlər. Yerlilər niyə quru halallıqla kifayətlənirlər?
- Rəhbərliklə təzminat söhbəti, ümumiyyətlə, olmadı. Mənə şans verdikləri üçün onlara təşəkkür etdim. Təzminat söhbətini dilimə gətirə bilmərəm. Hesab edirəm ki, mənim durumumda təzminat tələb etmək haqsızlıq olardı. Başqa yerdə, bəlkə də, edərdim. Amma indiki məqamda yersiz olardı.

- Özünüzü o qədər uğursuz sayırsız ki, təzminat tələb etməyə üzünüz gəlməyib?
- İndiki məqamda turnir cədvəlinə baxanda kimə uğurlu, kimə uğursuz deyə bilərsiniz? Sadəcə, mən özümə təzminat istəməyi rəva bilmədim.

- Ayrılığınızdan dərhal sonra "Sumqayıt", "Sabah" və "Qəbələ" variantı ortaya atıldı...
- Sonra mənim qədrimi bilmirsiniz. "Zirə"dən ayrılan kimi, adım 3 klubla birgə çəkildi. Ötən il "Sumqayıt"dan gedəndə komanda sayı 4 idi. Elə bil bir az zəifləmişəm, 3-ə düşüb (gülür). Üzərimdə bir az işləməliyəm. Zarafat bir yana, bu mənim üçün xoş haldı. "Sumqayıt" haqda indi düşünmürəm. Amma demirəm ki, "Sumqayıt"a ömür boyu getmərəm. Sadəcə, indi "Sumqayıt"la bağlı planım yoxdu. Daha iddialı komandada işləmək istəyirəm.

- "Qəbələ"ni həmin iddialılar sırasında görürsünüz?
- Bəli, "Qəbələ" iddialı klubdu. Yaxşı oyunçuları var və eşitdiyim qədərilə yenə yığırlar. Amma belə bir söhbət yox idi. Onların artıq yeni baş məşqçisi var, işləri yolunda gedir.

- "Sabah" hazırda baş məşqçisizdi. Bu klubdan təklif alsanız, cavabınız nə olar?
- İnanın ki, hələ heç bir klubdan dəvət almamışam. Təbii ki, bir təklif olarsa, işləmək istəyərəm. Çünki tempdən düşmək istəmirəm.


 
tarix: 10-10-2019 12:50


 
Xəbər lenti
16.12.2019

14:50   Balayevin komandasında 3 yeni futbolçu

14:24   Van Bommel istefaya göndərildi

14:08   ÇL-də qrup mərhələsinin rəmzi komandası - FOTO

13:44   “Zirə”nin 50-ci heç-heçəsi

13:22   Milli komandada baş məşqçi istefası

13:04   Fransa klubu bir oyunda iki futbolçusunu itirdi – Mövsümü başa vurdular

12:42   “Fənərbaxça”lı üçün mövsüm erkən bitdi

12:23   Prosineçki Azərbaycana qayıdır? – “Hər şey mümkündü, görəcəyik”

12:20   ÇL-də 1/8 final mərhələsinin püşkü atıldı

12:15   Avroliqada 1/16 finalın püşkü atılır - YENİLƏNİR

12:02   Rəcəb Tayyib Ərdoğan AÇ-2020 üçün Bakıya gələcək

11:31   “Sabah”ı Kolumbiya klubuna dəyişə bilər

11:03   Dadaşov oynadı, komandası “Braqa”ya qalib gəldi

10:47   İsrafilov qovuldu, oyun yarıda qaldı

10:32   Nizamnamə dəyişikliyi: Məmmədovun Musayev planı

10:16   Ufuk Budak üçün 90 dəqiqə və 1 xal

10:00   “Sabah” “Audi Cup”da çıxışını başa vurdu

09:44   “Azərbaycanı Botsvanada mənə görə yaxşı tanıyırlar”

09:31   Paşayevin komandasından səfər qələbəsi

09:18   Riçard Qadze: “Bu oyun çempionatdakılardan daha vacib idi”

09:00   “Qəbələ” işin yarısını gördü, “Sabah”...

02:42   “Neftçi” “Sumqayıt”a, “Qarabağ” “Keşlə”yə qarşı - YENİLƏNİR

02:14   PSJ-dən darmadağın

02:03   “Real” Valensiyadan 1 xalla döndü

01:52   Lider büdrədi, “Yuventus” qalib gəldi

15.12.2019

23:01  Lider səfərdən xalsız döndü

22:34  MS “Arsenal”a qalib gəldi, MY xal itirdi

22:03  “Fənərbaxça” səfərdə, “Beşiktaş” evdə uduzdu

21:00  150-ci dəfə qələbə sevinci yaşadı

20:13  “Səbail”lə “Zirə” ilk oyunda heç-heçəyə razılaşdı - VİDEO

19:36  Aftandil Hacıyev: “Kubokda belə şansımız yoxdu”

19:13  Zaur Həşimov: “Bu hesab rəqibin üstünlüyüdü”

18:52  Qəbələdə darmadağın, Bakıda heç-heçə

18:26  “Qəbələ” - “Sabah” 3:0 - VİDEO

18:06  Elmar Baxşıyev oyundan razı qalmayıb: “Şanslar yenə bərabərdi”

17:58  Sopiç: “Xorvatiyada “Qəbələ” kimi şəraiti olan klub yoxdu”

17:49  Yalnız Peyman Babayi

16:12  “Neftçi” - “Sumqayıt” matçının biletləri satışda

15:51  “Liverpul” DÇ-yə 20 futbolçu ilə yollandı

14:15  Kosta Rika klubunun forvardına Azərbaycandan cəlbedici təklif

13:46  “Napoli”də ciddi itki

12:59  Peyman Babayi: “Kubokda bu mövsüm də uğurlu olmağa çalışacağıq”

12:02  “Bavariya”da 300-cü oyun

11:09  Turabovun komandası səfərdən 1 xalla döndü

10:24  Millimizin üzvü “Bolton” üzərində qələbəyə sevindi

09:17  Klublararası dünya çempionatı: Yarımfinalçılar bəlli oldu

01:54  “Barselona” səfərdə xal itirdi

01:41  “Napoli” yeni baş məşqçi ilə də məğlub oldu

01:02  Marsel “Olimpik”i səfərdə xal itirdi

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az