(+994) 050 678 37 80
(+994) 070 534 65 52

qaynar xətt

“Qəbələ”nin baş məşqçisi: “APOEL-lə oyunda hamı bizdən uğur gözləyir”

“Qəbələ”nin baş məşqçisi: “APOEL-lə oyunda hamı bizdən uğur gözləyir”

“Qəbələ"nin U-19 komandasının baş məşqçisi Famil Xəlilov Sportinfo.az-a müsahibə verib.

Futbolinfo.az həmin müsahibəni təqdim edir:

- "Qəbələ" oktyabrın 24-də UEFA Gənclər Liqasında APOEL-lə cavab matçına çıxacaq. Oyunöncəsi komandada vəziyyət necədir?
- Komandada əhval-ruhiyyə yüksəkdir. Oyuna həm taktiki-texniki, həm də psixoloji tərəfdən yaxşı hazırlaşırıq. Çünki əvvəl rəqib haqda bir o qədər məlumat yox idi. İlk matçdan sonra isə əlimizdə videomaterial var. APOEL-i yaxşı təhlil edə bilmişik. Uşaqlar da fərqindədirlər ki, yaxşı hazırlaşsalar, onlara qalib gəlmək, mərhələni keçmək olar.

- Yəqin ki, ilk oyundakı heç-heçədən sonra növbəti mərhələyə adlayacağınıza daha çox inanırsız...
- Əlbəttə. Amma bunun həm də mənfi tərəfi var. Yaxşı cəhəti odur ki, səfərdəki heç-heçədən sonra üstün tərəf "Qəbələ"dir, rəqib artıq bizə qol vurmalıdır. Pis tərəfi isə odur ki, uşaqlar indi daha məsuliyyətli olmalıdırlar. Çünki hər kəs bizdən uğur gözləyir.

- Sərfəli nəticə komandada arxayınlıq yarada bilər?
- Yox, arxayınlıq hiss olunmur. Amma futbolçularımızı daim nəzarətdə saxlayır, məsuliyyəti başa salırıq. "Boşalmaq" olmaz. Rəqibə ciddi və hörmətlə yanaşmaq lazımdır. Çünki APOEL kifayət qədər texnika və oyun nizam-intizamına sahib komandadır. Analizlərimizdə də bunları futbolçulara göstərmişik.

- Necə düşünürsüz, bu nəticədən sonra APOEL-i keçməmək uğursuzluq sayıla bilər?
- Elə onu nəzərdə tuturam ki, indi daha çox məsuliyyət daşıyırıq. Futbolçularımız cavab matçında ordakından ikiqat üstün oynamalıdırlar ki, doğma meydanda turu keçən tərəf biz olaq. Hamımız bunun fərqindəyik. Daha yaxşısını etməyə çalışacağıq.

- Baş məşqçi kimi şansları necə dəyərləndirirsiz?
- Oyunun içində olanda gedişat, həyəcan rəqibin gücü haqda düşünməyə bir o qədər imkan vermir. Amma videoanalizlərdə gördük ki, APOEL həqiqətən yaxşı komandadır. Yüksək səviyyəli oyunçuları var. Hətta Nikosiyadakı oyunun son dəqiqələrində belə nizam-intizamdan qopmadılar. Sona qədər baxımlı futbol göstərdilər, qələbə topunu vurmağa çalışdırlar. Deyərdim ki, şanslar bərabərdir.

- APOEL səddini keçə bilsəz, növbəti mərhələdə "Saraqosa" - "Korona" cütünün qalibi ilə qarşılaşacaqsız. İlk oyunda ispanlar minimal hesablı qələbə qazanıblar. Düzdür, hələ qarşıda Kipr təmsilçisi ilə cavab görüşü var, heç nə dəqiq deyil. Amma yəqin ki, beyninizin bir tərəfində potensial rəqiblərinizin oyunu haqda da düşünürsüz. Hansı komandanın sizə rəqib olmasını istərdiz?
- Əslində birinci hədəfimiz bu mərhələni keçməkdir. Buna baxmayaraq, "Saraqosa" - "Korona" matçını da diqqətlə izləmişəm. İlk oyunda ispanlar qalib gəlsə də, polşalıların da səfərdə xeyli qol imkanları oldu. Düşünürəm ki, Polşadakı qarşılaşma "Saraqosa" üçün çox çətin olacaq. "Korona"nın da turu keçmək ehtimalı var. Çünki görüşün son 15 dəqiqəsində qonaqların 3-4 real qol imkanı oldu. Sadəcə, istifadə edə bilmədilər. "Korona"nın da kifayət qədər təhlükəli komanda olduğunu deyə bilərəm. Yəni, "Saraqosa" hələ məsələni həll etməyib.

- Dediz ki, "Saraqosa" - "Korona" oyununu izləmisiz. Sizcə, növbəti mərhələni də keçmək mümkündürmü?
- Futbolçularımız ötən mövsüm "Herta" ilə səfər oyununda da gördülər ki, keçilməyəcək rəqib yoxdur. Almaniya təmsilçisi "Saraqosa" və "Korona"dan da güclü rəqib idi. Berlində mükəmməl oyun göstərmişdik. Qaçırdığımız qol epizodları oldu. Əlbəttə ki, ikinci mərhələni də keçmək olar.

- Artıq beynəlxalq arenada təcrübəniz də var...
- Bəli, ötən mövsüm oynayan futbolçuların bəziləri heyətimizdədir. Təcrübəli oyunçular sayılırlar. Bilirlər ki. öz oyun üslubumuzu rəqibə yeridə bilsək, psixoloji baxımdan hazır olsaq, minimum 2 mərhələ keçə bilərik.

- Eyni gündə APOEL-in əsas komandası da Bakıda "Qarabağ"ın qonağı olacaq. "Qəbələ" və "Qarabağ" azarkeşlərə ikiqat sevinci hiss yaşada bilərmi?
- Əlbəttə, mümkündür. Avqust ayında "Qarabağ"ın səfərdə APOEL-ə qalib gəldiyini gördük. "Qarabağ" kifayət qədər güclü komandadır. İnanıram ki, meydanı qələbə ilə tərk edəcəklər.


 
tarix: 22-10-2019 18:00


 
Xəbər lenti
17.11.2019
16.11.2019

23:55  Nikola Yurçeviç: “Penalti verilsəydi, fərqli nəticə ola bilərdi”

23:29  Rayan Giqqz: “Hesab qənaətbəxşdi”

22:53  Millimiz Uelsə də məğlub oldu

22:00  “Rəqibdən daha çox qaçdıq, mübarizə apardıq”

19:03  “Səbail” “Qəbələ”yə yoxlama matçında da uduzdu

18:39  “Qarabağ”la oyuna tam hazır olmağa çalışacağıq”

18:29  “Futbolçularda istədiyimizi görə bildik”

18:11  “Keşlə” yoxlama oyununda darmadağına sevindi

18:04  Millimiz Almaniyaya məğlub oldu

16:51  “Sumqayıt”la “Zirə”dən heç-heçə

16:30  Mançini İtaliya millisinin tarixinə düşdü

15:27  “Zirə”nin legioneri millidə 90 dəqiqə oynadı

15:00  Seydiyev “Zirə”yə keçidi barədə danışdı: “Transferimlə menecerim məşğul olur”

14:42  Volkov nə təsdiq, nə də təkzib etdi

14:20  Slovakiya - Azərbaycan matçı ukraynalı hakimlərə tapşırıldı

14:15  Millimizin rəqibi Uruqvaya məğlub oldu - VİDEO

13:16  Antonio Konte təhdid olundu – Gülləli məktub

12:42  İsveçi AÇ-2020-yə daşıyan qələbə - VİDEO

12:21  “Bavariya”nın baş məşqçisi bəlli oldu - RƏSMİ

12:01  Danimarka yığmasından 6 cavabsız qol - VİDEO

11:41  İtaliya yığmasından ardıcıl 9-cu qələbə - VİDEO

11:27  İspaniya yığmasından 7 cavabsız qol - VİDEO

11:03  Volkov “Keşlə”yə gedir

10:44  “Bavariya”da 40 illik dönəm başa çatdı

10:03  Argentina Braziliyanı Messinin qolu ilə məğlub etdi - VİDEO

09:36  Finlandiya yığmasından tarixi uğur

09:00  Avro-2020: Türkiyə gəlməsə, xoş mənzərə olmayacaq

01:48  İsveçlə Finlandiya da AÇ-2020-də!

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az