“Qəbələ”nin futbolçusu: “Bu cür davam edəcəyimizə çox inanıram”

“Qəbələ”nin mərkəz müdafiəçisi İvitsa Zuniçin futbolinfo.az-a müsahibəsi:

- Son matçda “Səbail” üzərində qələbə qazandınız. 3:0 hesablı qalibiyyət haqqında fikirləriniz necədi?
- Bu matçda qələbə qazanacağımıza çox inanırdıq. Biz əvvəlki oyunlara baxdıq və düşündük ki, əlimizə düşən şansları qola çevirə bilsək, qalibiyyət əldə edəcəyik. Buna görə də “Səbail”lə matçı ilk dəqiqədən son dəqiqəyə qədər eyni tepmdə oynamaq və qol vurmaq lazımdı. Bu qələbə bizim üçün çox vacib idi. Davam etmək lazımdı, belə oynamaq üçün əlimizdən gələni edəcəyik.

- Məncə, azarkeşlər və media ilə birlikdə siz də belə nəticə gözləmirdiniz?
- Bizim tək məqsədimiz var ki, meydandan hər zaman 3 xalla ayrılaq. Bəlkə kimsə inanmaya bilər, amma komandamızın gücünə inanırıq. Bu cür davam etmək lazımdı, birləşib daha güclü oynamalıyıq.

- Gələcəkdəki matçlara necə təsir edəcək?
- Bütün qələbələr qarşıdakı oyunlara daha yaxşı motivasiya olmağa kömək edir. Bu cür davam edəcəyimizə çox inanıram və ümid edirəm. Qarşıya baxmaq lazımdı. 3:0 hesbalı qalibiyyəti unutmaq lazımdı.

- “Qəbələ” bu mövsüm daha çox zədəliləri ilə də gündəmə gəldi. Sənin ciddi zədəndən sonra, Rasim Ramaldanov da sıradan çıxdı…
- Bütün mövsüm boyu belə şeylər başımıza gələ bilər. Uzun bir marafonda çıxış edirik. Başqa futbolçular da zədə ala bilər. Bu istənilən komandada baş verir. Ona görə hər zaman gözləmək lazımdı.

- Hər iki zədə mərkəz müdafiəçilərinin başına gəlib. Bunu bəxtsizlik adlandırmaq olar?
- Hər kəs sağlam olsa, daha yaxşı nəticələr qazana bilərdik. Daha yaxşı oyunlarımız olardı.

- Rasim Ramaldanov, Amin Seydiyev və Sadiq Quliyevlə tandem təşkil etmək sənin üçün rahatdı?
- Düzdü, futbolda bəzən daha yaxşı anlaşdığın futbolçu olur. Lakin bizim komandada məqşçi kimə şans verirsə, o da əlindən gələnin ən yaxşısını etməyə çalışır.

- Qarşıda sizi daha ağır oyun gözləyir. “Neftçi” ilə qarşılaşmaya hazırsız?
- Hazırıq. Bizim üçün bütün oyunlar önəmlidi. Bir məqsədimiz var - meydana çıxıb qalib gəlmək.

FƏRİD

“Qarabağ”ı keçsək, sürpriz olacaq” – “Keşlə”nin müdafiəçisi

Roxas “Sabah”da qalacağına ümid edir

Dariodan xatırlatma: “Ötən qışı yada salın”