Ölkə futbolu
Xuan Manuel Varea: "Azərbaycanda oynadığım üçün peşman deyiləm"
2013/14 mövsümünün sonunda “Rəvan” kl…
2013/14 mövsümünün sonunda “Rəvan” klubundan ayrılan argentinalı hücumçu Xuan Manuel Vareanın futbolinfo.az saytına müsahibəsi
– “Rəvan”dan ayrıldıqdan sonra haraya getdiz, nə ilə məşğulsuz?
– Öz ölkəmə, Argentinaya getdim. Hazırda istirahət edirəm.
– Özünüzə yeni klub tapa bildinizmi?
– Xeyr, hələ ki, sərbəst futbolçuyam.
– Siz Azərbaycanda kifayət qədər tanınmış futbolçu idiz. Bizim klublardan da təklif almamısız?
– Xeyr, almadım.
– Azərbaycan klubları sizə təklif göndərsə, yenidən buraya qayıtmaq istəyərsiz?
– Əlbəttə ki. Təklif gəlsə, qəbul edərəm. Yenidən Azərbaycan Premyer Liqasına qayıtmaq mənim üçün xoş olar.
– “Rəvan” Azərbaycan Premyer Liqasındakı yerini qoruya bilmədi və 1-ci diviziona göndərildi. Sizcə, bu uğursuzluğun səbəbi nə idi?
– Bilirsiz, bu, futboldu. Hər şey baş verə bilir. Bizim klub da uğursuzluqla qarşılaşdı. Amma, mənim gözümdə “Rəvan” həmişə böyük və yaxşı klubdu.
– Deyirlər ki, “Rəvan”ı türkiyəli baş məşqçi Güvənc Kurtar uğursuzluğa düçar etdi…
– Mən baş məşqçi Güvənc Kurtar haqqında danışmaq istəmirəm. Mənim vəzifəm futbol oynamqdı. Hesab edirəm ki, “Rəvan”ın uğursuzluğunda hamımızın payı vardı, təkcə Güvənc Kurtarın deyil.
– Hazırda “Rəvan”la bağlı xatirələriniz necədi? Buraya gəldiyiniz üçün peşman deyilsiz ki?
– Xeyr, peşman deyiləm. Mən “Rəvan”da xoşbəxt idim. Orada ancaq futbol oynamadım, həm də yaxşı dostlar qazandım. “Rəvan” mənim xatirələrimdə həmişə yaxşı klub olaraq qalacaq.
ELMAR VƏLİYEV
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir
- Ölkə futbolu2024-04-17 10:49
12 komandalı çempionat: necə etməli?
- Ölkə futbolu2024-04-16 09:10
Lunyov “Qarabağ”dan ayrıla bilər
- Ölkə futbolu2024-04-17 09:23
Mirzov “Neftçi”dən ayrılır: Premyer Liqadan təklifləri var