Müsahibə
Rövnəq Abdullayev: "Çalışacağam, "Qarabağ"ın səfər oyununa da gedim"
AFFA-nın prezidenti Rövnəq Abdullayev UEFA Çempionlar Li…
AFFA-nın prezidenti Rövnəq Abdullayev UEFA Çempionlar Liqasının üçüncü təsnifat mərhələsi çərçivəsində Azərbaycan çempionu "Qarabağ"la Avstriya "Zalsburq"u arasındakı ilk oyundan (2:1) sonra jurnalistlərin suallarını cavablandırıb. Futbolinfo.az sizi həmin açıqlamalarla tanış edir:
– Oyunla bağlı fikirlərinizi öyrənmək istərdik…
– Hər kəsi qələbə münasibəti ilə təbrik edirəm. Uzun müddət idi Tofiq Bəhramov adına Respublika stadionuna bu qədər azarkeş gəlmirdi. Oyunları və qələbəsi ilə bizləri sevindirdiyi üçün komandamıza da təşəkkür edirəm.
– “Valletta” ilə oyundan sonra stadionu erkən tərk etdiyinə görə, azarkeşlərdən narazı qaldığınızı demişdiniz. Bu dəfə onlar sona qədər “Qarabağ”ı dəstəklədilər. Razı qaldınızmı?
– Əlbəttə, razı qaldım. Onlar bu gün həqiqətən də əsl azarkeşlik etdilər. Qalır “Zalsburq” səddini aşmaq. Hazırlaşıb, onları mübarizədən kənarlaşdırmalıyıq. Bu gün birinci hissədə nümayiş etdirdiyimiz oyunu səfərdə hər iki hissədə göstərmək lazımdı.
– Vaxt tapsaz, cavab matçını izləmək üçün Avstriyaya gedəcəksiz?
– Çalışacağam ki, gedim.
– “Qarabağ”ın iki futbolçusu qırmızı vərəqə ilə cəzalandırıldı. Bununla bağlı fikrinizi bilmək istərdik.
– Məncə, Reynaldonun epizodunda qırmızı vərəqə yox idi. İlk qırmızıya gəldikdə, bu sevincdən irəli gəlirdi. Həmin epizodda əllə oynamağa ehtiyac yox idi. Ümumiyyətlə, əllə oynamaq futbolçuya yaraşan hal deyil.
– Komandamız pley-off mərhələsinə vəsiqə qazansa, AFFA tərəfindən mükafatlandırılacaq?
– Əslində, elə fikrimiz klubların pley-off mərhələsini adlamsı və qrup mərhələsinə vəsiqə qazanmasıdı. Ötən həftə “İnter”in oyununda xoş olmayan halla qarşılaşdıq. Hakimin matçın əvvəlindəki kobud səhvi nəticəyə də təsir etdi. Bu oyundakı qərarların yanlış olduğunu deyə bilmərəm, amma referinin vərəqələrdən çox istifadə etdiyi aydındı. Buna görə fasilədən sonra komandamız ehtiyatlı oynamağa çalışdı.
– Cavab oyununda “Qarabağ”ın şanslarını necə dəyərləndirirsiz?
– Şans var. Qurban Qurbanovla danışdım, qırmızı vərəqə alan futbolçuları əvəzləyəcək oyunçularının olduğunu bildirdi. Yaxşı olacağını düşünürəm.
– Bu günlərdə SOCAR-ın Türkiyənin “Qalatasaray” klubuna sponsorluq edəcəyi ilə bağlı xəbərlər yayılıb…
– Elə bir şey yoxdu. Yanlış məlumatdı.
- Ölkə futbolu2024-01-16 12:15
Tanzaniya kartı: Konfransın martın sonuna saxlanılmasında məqsəd var
- Premyer-liqa2024-01-17 13:17
Premyer Liqada qış bazarlığı – YENİLƏNİR
- Müsahibə2024-01-17 08:00
“Vəziyyəti xeyrimizə dəyişmək üçün hər şeyi edəcəyik”
- Ölkə futbolu2024-01-16 10:10
“Araz-Naxçıvan”ın transfer planı: Nqandonun əvəzinə Sadıxov