Müsahibə
Kampl: “Cavab oyununda belə olmayacaq”
Avstriya “Zalsburq”unun yarımmüdafiəçisi Kev…
Avstriya “Zalsburq”unun yarımmüdafiəçisi Kevin Kamplın futbolinfo.az saytına müsahibəsi
– “Qarabağ”la ilk oyunda məğlub oldunuz. Oyunu necə şərh edərdiz?
– Əlbəttəki, bu bizim üçün yaxşı olmadı. Erkən qolla hesabda geriyə düşdük. Amma ikinci hissədə çoxlu qol imkanlarımız oldu. Cavab qolunu vurub, hesabı bərabərləşdirə bildik. Lakin səhvimiz ucbatından “Qarabağ” növbəti topu qapımızdan keçirdi və 2:1 hesabı ilə qalib gəldi.
– Birinci hissədə futbolçunuz qırmızı vərəqə ilə meydandan qovuldu. Bu, sizə təsir etdi?
– Bəli. Ola bilər ki, bir az təsir etsin. Amma bir qədər sonra “Qarabağ” da meydanda 10 nəfər qaldı. Onu deyə bilərəm ki, birinci hissəyə yaxşı başlamadıq. Amma ikinci hissədə toparlandıq və daha yaxşı oynamağa başladıq. Düşünürəm ki, bundan daha yaxşı oyun göstərə bilərdik.
– Reynaldo bu matçda qırmızı vərəqə ilə cəzalandırıldı. “Qarabağ”ın ən yaxşı futbolçusunun cavab görüşündə oynamayacağı sizi çox sevindirdi?
– Bəli. Reynaldonun cavab matçında oynamayacağı bizi sevindirdi. O, bu matçda çox yaxşı oynadı. Açığı, heç bir futbolçuya qırmızı vərəqə almağı arzulamaram. Amma nə etmək olar.
– Oyundan əvvəl “Qarabağ”ı yaxşı analiz etdiyinizi deyirdiniz. Baş məşqçiniz Adolf Hütter də Bakıya gələrək, “Qarabağ” – “Valletta” matçını stadiondan izləmişdi. İlk görüşdəki oyunu ilə “Qarabağ” sizi təəccübləndirdi, yoxsa rəqibdən belə çıxış gözləyirdiniz?
– Həqiqətən də, “Qarabağ” bu gün yaxşı oynadı. “Qarabağ”ın “Valletta” ilə oyunun videoyazısını izləmişdik. Əvvəlcədən bilirdik ki, “Qarabağ”ın hücum xətti çox güclüdü. Xüsusilə də, braziliyalılarından ehtiyyatlanırdıq. Gözlədiyimiz kimi də, oldu. “Qarabağ” birinci hissə daha yaxşı oynadı. İkinci hissədə də biz üstün idik. Lakin qol imkanlarımızdan lazımınca istifadə edə bilmədik və məğlub olduq.
– Cavab görüşündə də belə oynayacaqsız, yoxsa necə?
– Xeyr, “Zalsburq” güclü klubdu. Düzdü, bu matçda məğlub olduq, amma cavab görüşündə çalışacağıq ki, qollar vuraq və qalib gələk. Əminəm ki, Avstriyadakı oyunda belə olmayacaq.
ELMAR VƏLİYEV