Ölkə futbolu
"Bakı" Zirəni hansı heyətlə məğlub edib?
Xəbər verdiyimiz kimi, növbəti mövsümə hazırlıqla…
Xəbər verdiyimiz kimi, növbəti mövsümə hazırlıqlarını davam etdirən “Bakı” ötən gün daha bir yoxlama görüşü keçirib. Futbolinfo.az xəbər verir ki, klubun təlim-məşq bazasının meydanında baş tutan oyunda "zolaqlılar" “Zirə” klubu ilə qarşılaşıb.
Komandanın böyük üstünlüyü şəraitində keçən görüşdə “Bakı” 3:0 hesablı qələbə qazanıb. Əvvəlcə oyunun 11-ci dəqiqəsində Namiq Ələsgərov sol cinahdan yerlə verilən ötürməni dəqiq tamamlayıb. İlk hissənin son dəqiqəsində isə Turalın sağ cinahdan ötürmə cəhdi avtoqolla nəticələnib. Nəhayət, ikinci yarının 57-ci dəqiqəsində Nicat Əsgərov komandasının 3-cü qoluna imza ataraq, yekun nəticəni müəyyənləşdirib.
“Bakı”nın ilk hissədəki heyəti — Aqil Məmmədov, Elşad Manafov, Vüqar Bəybalayev, Şəhriyar Əliyev, Mario Horvat, Yure Travner, Nuran Qurbanov, Risto Ristoviç, Namiq Ələsgərov, Tural Qürbətov, Nurlan Novruzov.
İkinci hissədəki heyət — Azad Kərimov, Aydın Mustafayev, Elvin Əliyev, Ülvi Süleymanov, Elton Hüseynov, Nicat Əsgərov, Raul Yaqubzadə, Elmin Əsgərli, Əziz Quliyev, Valeh Seyidov.