Ölkə futbolu
Rəhim Həsənova verilən cəza başa çatdı
FİFA referisi Rəhim Həsənov Topaz Premyer Liqasının ikinci turu …
FİFA referisi Rəhim Həsənov Topaz Premyer Liqasının ikinci turu çərçivəsində keçirilən “Qəbələ” – “Araz Naxçıvan” matçında etdiyi kobud səhvlərə görə Hakimlər Komitəsi tərəfindən cəzalandırılmışdı. Futbolinfo.az xəbər verir ki, Həsənov Premyer Liqa oyunlarını idarə edə bilmədiyi üçün, birinci diviziona göndərilmişdi.
5 oyunluq cəzalandırılan ədalət təmsilçisi artıq bu müddəti başa vurub. Həsənov artıq 8-ci turda elita matçına təyinat ala biləcək. Maraq üçün bildirək ki, FİFA referisi hazırda Serbiyadadı. O, həmin ölkədə UEFA-nın futbol üzrə Regionlar Kuboku yarışlarının Serbiyada keçiriləcək üçüncü qrupunun oyunlarını idarə edir.
Qeyd edək ki, Həsənovun idarə etdiyi və Serbiya, Bolqarıstan, Çexiya və İsveçrə komandalarının mübarizə apardıqları qrupun oyunları bu gün başa çatır.